ഉത്ര കൊലക്കേസ് പ്രതി സൂരജ് പൂജപ്പുര സെന്ട്രല് ജയിലിലെ കോവിഡ് നീരീക്ഷണ ബ്ലോക്കില്
ഉത്ര കൊലക്കേസ് പ്രതി സൂരജ് പൂജപ്പുര സെന്ട്രല് ജയിലിലെ കോവിഡ് നീരീക്ഷണ ബ്ലോക്കില്. നിയമപ്രകാരമുള്ള നിരീക്ഷണത്തിന്റെ ഭാഗമായി സൂരജ് ഇനി ഒരാഴ്ച എട്ടാം ബ്ലോക്കില് കഴിയും. നിരീക്ഷണത്തിനുശേഷം സെല്ലിലേക്ക് മാറ്റും. നേരത്തേ റിമാന്ഡ് തടവുകാരന് എന്ന നിലയിലാണ് സൂരജിനെ കൊല്ലം ജില്ലാ ജയിലില് പാര്പ്പിച്ചിരുന്നത്. കോടതി ഇരട്ട ജീവപര്യന്തം തടവ് ശിക്ഷ വിധിച്ചതോടെയാണ് സെന്ട്രല് ജയിലിലേക്ക് മാറ്റിയത്.
സൂരജിന് വധശിക്ഷ നല്കണമെന്നാണ് ഉത്രയുടെ കുടുംബത്തിെന്റെ ആവശ്യമെങ്കിലും ഹൈക്കോടതിയില് അപ്പീല് നല്കുന്നതില് പ്രോസിക്യൂഷന് തീരുമാനമെടുത്തിട്ടില്ല. ശിക്ഷാ ഇളവ് ആവശ്യപ്പെട്ട് ഹൈക്കോടതിയെ ഉടന് സമീപിക്കുമെന്ന് സൂരജിന്റെ അഭിഭാഷകര് അറിയിച്ചിട്ടുണ്ട്.
ഭാര്യയെ മൂര്ഖന് പാമ്ബിനെ ഉപയോഗിച്ച് കടിപ്പിച്ച് കൊലപ്പെടുത്തിയ കേസില് സൂരജിന് 17 വര്ഷം തടവും ഇരട്ട ജീവപര്യന്തവുമാണ് ശിക്ഷ വിധിച്ചത്. വിവിധ കുറ്റങ്ങള്ക്കുള്ള പിഴയായി 5,85,000 രൂപയും സൂരജില്നിന്ന് ഈടാക്കും. ഈ തുക ഉത്രയുടെ മകന് നല്കണമെന്നും കോടതി നിര്ദേശിച്ചിട്ടുണ്ട്.
https://www.facebook.com/Malayalivartha
