സംസ്ഥാനത്ത് ഇടിമിന്നലോടു കൂടിയ ശക്തമായ മഴ തുടരുന്നു... മലപ്പുറത്തും കോഴിക്കോട്ടും ഓറഞ്ച് അലര്ട്ട് , ആറ് ജില്ലകളില് യെല്ലോ അലര്ട്ട്, മത്സ്യത്തൊഴിലാളികള്ക്ക് ജാഗ്രത നിര്ദ്ദേശം
സംസ്ഥാനത്ത് ഇടിമിന്നലോടു കൂടിയ ശക്തമായ മഴ തുടരുന്നു... മലപ്പുറത്തും കോഴിക്കോട്ടും ഓറഞ്ച് അലര്ട്ട് , ആറ് ജില്ലകളില് യെല്ലോ അലര്ട്ട്, മത്സ്യത്തൊഴിലാളികള്ക്ക് ജാഗ്രത നിര്ദ്ദേശം.
കേരളത്തില് അതി ശക്തമായ മഴ തുടരുകയാണ്. മലപ്പുറം, കോഴിക്കോട് ജില്ലകളില് ഇന്ന് ഓറഞ്ച് അലര്ട്ടാണ് . എറണാകുളം, ഇടുക്കി, തൃശ്ശൂര്, പാലക്കാട്, വയനാട്, കണ്ണൂര് എന്നീ 6 ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
അറബിക്കടലിലെ ന്യൂനമര്ദ്ദം കേരളാ തീരത്തോട് അടുത്തതോടെയാണ് മഴ ശക്തമാകുന്നത്. കേരളാ ലക്ഷദ്വീപ് തീരങ്ങളില് 60 കീ.മി വരെ വേഗതയില് കാറ്റ് വീശാന് സാധ്യതയുള്ളതിനാല് മത്സ്യതൊഴിലാളികള് കടലില് പോകരുത്.
അറബിക്കടലിലും ബംഗാള് ഉള്ക്കടലിലും ന്യൂനമര്ദ്ദങ്ങള് രൂപപ്പെട്ട പശ്ചാത്തലത്തില് സംസ്ഥാനത്ത് ചൊവ്വാഴ്ചവരെ ശക്തമായ മഴയ്ക്ക് സാദ്ധ്യത. മദ്ധ്യ വടക്കന് ജില്ലകളിലാണ് കൂടുതല് മഴ ലഭിക്കുക. തെക്കന് ജില്ലകളില് വൈകിട്ട് ഇടത്തരം മഴയായിരിക്കും.
അതേസമയം തീരദേശ പൊലീസിനും അഗ്നിശമന സേനയ്ക്കും റവന്യു, പൊലീസ്, തദ്ദേശ, ഫിഷറീസ്, ജലസേചന, വൈദ്യുതി വകുപ്പുകള്ക്കും പ്രത്യേക ജാഗ്രത നിര്ദ്ദേശം നല്കിയിട്ടുണ്ട്.
അതിശക്തമായ മഴ ലഭിക്കുന്ന സാഹചര്യത്തില് ഉരുള്പൊട്ടല്, മണ്ണിടിച്ചില്, വെള്ളപ്പൊക്കം തുടങ്ങിയവയ്ക്ക് സാധ്യത ഉള്ളതിനാല് ഓറഞ്ച്, യെല്ലോ അലേര്ട്ട് പ്രഖ്യാപിച്ച ജില്ലയില് ഉള്ളവര് ജാഗ്രത പാലിക്കണമെന്ന് നിര്ദ്ദേശം.
"
https://www.facebook.com/Malayalivartha
