ശബരിമല ക്ഷേത്രനട തുലാമാസ പൂജകള്ക്കായി ഇന്ന് തുറക്കും.... നാളെ പുലര്ച്ചെ മുതല് സന്നിധാനത്തേക്ക് ഭക്തര്ക്ക് പ്രവേശനം, . വെര്ച്വല് ക്യൂ വഴി മാത്രമാണ് പ്രവേശനം
16 OCTOBER 2021 09:06 AM IST
മലയാളി വാര്ത്ത
ശബരിമല ക്ഷേത്രനട തുലാമാസ പൂജകള്ക്കായി ഇന്ന് തുറക്കും. ഞായറാഴ്ച പുലര്ച്ചെ മുതലാണ് സന്നിധാനത്തേക്ക് ഭക്തര്ക്ക് പ്രവേശനം. പത്തു വയസ്സിനു താഴെയും 65 വയസ്സിനു മുകളിലുമുള്ളവര്ക്ക് ഇത്തവണ ദര്ശനത്തിന് അനുമതിയുണ്ട്.
വെര്ച്വല് ക്യൂ വഴി മാത്രമാണ് പ്രവേശനം. രണ്ട് ഡോസ് വാക്സിനെടുത്തവര്ക്കും ആര്.ടി.പി.സി.ആര്. പരിശോധനയില് നെഗറ്റീവായവര്ക്കും ദര്ശനത്തിനെത്താം. രണ്ടുതവണ വാക്സിനെടുക്കാത്തവര്ക്ക് ആര്.ടി.പി.സി.ആര്. നിര്ബന്ധമാണ്.
ഇന്നു വൈകുന്നേരം അഞ്ചിന് തന്ത്രി കണ്ഠര് മഹേശ്വര് മോഹനരുടെ സാന്നിധ്യത്തില് മേല്ശാന്തി വി.കെ. ജയരാജ് പോറ്റി ശ്രീകോവില് തുറന്ന് നെയ്ത്തിരി തെളിയിക്കും. മറ്റു പ്രത്യേക പൂജകളില്ല.
ശബരിമല, മാളികപ്പുറം മേല്ശാന്തിമാരെ തിരഞ്ഞെടുക്കാനുള്ള നറുക്കെടുപ്പ് നാളെ ഉഷഃപൂജയ്ക്കു ശേഷം നടക്കും. ക്ഷേത്ര നടയടയ്ക്കുന്നത് 21-ന് രാത്രി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
