നടന് ജോജു ജോര്ജിന്റെ കാര് തകര്ത്തവരെ പോലീസ് തിരിച്ചറിഞ്ഞു... ജോജുവിനൊപ്പമുണ്ടായിരുന്നവരുടെ മൊഴിയും പോലീസ് രേഖപ്പെടുത്തും... സംഭവത്തിന്റെ ദൃശ്യങ്ങൾ പോലീസ് വിശദമായി പരിശോധിക്കും... അറസ്റ്റ് ഇന്നുണ്ടായേക്കുമെന്ന് സൂചന..
ഇന്ധനവില വര്ദ്ധനവിനെതിരെ കോണ്ഗ്രസിന്റെ റോഡ് ഉപരോധ സമരത്തെ നടന് ജോജു ജോര്ജ് ചോദ്യം ചെയ്തതിനെത്തുടര്ന്നുണ്ടായ ആക്രമണത്തില് നടന് ജോജു ജോര്ജിന്റെ കാര് തകര്ത്തവരെ പോലീസ് തിരിച്ചറിഞ്ഞു.
കോണ്ഗ്രസ് നേതാക്കളുടെ അറസ്റ്റ് ഇന്ന് ഉണ്ടോയേക്കുമെന്നും സൂചനയുണ്ട്. ജോജുവിനൊപ്പമുണ്ടായിരുന്നവരുടെ മൊഴിയും പോലീസ് രേഖപ്പെടുത്തും. സംഭവത്തിന്റെ ദൃശ്യങ്ങളും പോലീസ് വിശദമായി പരിശോധിക്കും. സംഭവത്തില് ജോജുവിന്റെ കൈയ്ക്കും പരിക്ക് പറ്റിയിരുന്നു. ആറ് ലക്ഷം രൂപയുടെ നഷ്ടമാണ് വണ്ടിക്കുണ്ടായത്.
ഇന്നലെ നടന്ന റോഡ് ഉപരോധ സമരത്തിന് അനുമതി നല്കിയിരുന്നില്ലെന്ന് ഡിസിപിയും വ്യക്തമാക്കിയിരുന്നു. ഇതുമായി ബന്ധപ്പെട്ട് കൂടുതല് കോണ്ഗ്രസ് നേതാക്കളുടെ അറസ്റ്റുണ്ടാകുമെന്നാണ് കമ്മീഷണര് ഇപ്പോള് വ്യക്തമാക്കുന്നത്.
മണിക്കൂറുകളോളം ദേശീയ പാതയില് ഗതാഗതം തടസപ്പെടുത്തിയതിനാലാണ് ഇത്തരമൊരു നടപടിയിലേക്ക് പോലീസ് നീങ്ങുന്നത്. സംഭവവുമായി ബന്ധപ്പെട്ട് ഇന്നലെ മുന് മേയര് ടോണി ചമ്മിണിക്കും മറ്റ് ഏഴു പേര്ക്കുമെതിരെ കേസെടുത്തിരുന്നു.
https://www.facebook.com/Malayalivartha
