ജോസ് കെ മാണി അധികാരമോഹിയെന്ന് പറയുന്ന യു ഡി എഫിലെ വ്യക്തികളെ അടച്ചാക്ഷേപിച്ച് റെഡ് ആർമി. ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; ജോസ് കെ മാണി അധികാരമോഹിയെന്ന് യു ഡി എഫി ലെ കരച്ചിലുകാർ . ഏത്. MLA സ്ഥാനം രാജിവച്ച് കേന്ദ്ര മന്ത്രിയാകാൻ MP യായി പിന്നെ MP സ്ഥാനം രാജിവച്ച് സംസ്ഥാന ഉപമുഖ്യ മന്ത്രിയാകാൻ .MLA ആയ കുഞ്ഞാലിക്കുട്ടി നേതൃത്വം നൽകുന്ന യു ഡി എഫ് 

50 വർഷം എംഎൽഎ ആയും പല തവണ മുഖ്യമന്ത്രി ആയിട്ടും കൊതി മാറാതെ ഇപ്പോഴും പാർട്ടിയിൽ ഗ്രൂപ്പുകളിക്കുന്ന ഉമ്മൻ ചാണ്ടി നേതൃത്വം നൽകുന്ന യു ഡി എഫ് . മുഖ്യമന്ത്രി പദം മോഹിച്ച് എതിർ ഗ്രൂപ്പിന്റെ പരാജയം ഉറപ്പാക്കിയ രമേശ് ജി നേതൃത്വം നൽകുന്ന യു ഡി എഫ്

പ്രസിഡണ്ടാക്കിയില്ലെങ്കിൽ ബിജെപിയിലേക്ക്  പോകാൻ മടിയില്ലെന്ന് പരസ്യമായി പ്രഖ്യാപിച്ച സുധാകരൻ നേതൃത്വം നൽകുന്ന യു ഡി എഫ് . ചെന്നിത്തലയെ നൈസായി തേച്ച് മുതിർന്ന നേതാക്കൾക്ക് പുല്ലുവില നൽകി മുഖ്യമന്ത്രി പദത്തിലേക്ക് കിതച്ചോടുന്ന സതീശൻസാർ നയിക്കുന്ന യു ഡി എഫ്

അവസാനമായി,ഭാവി പ്രധാനമന്ത്രിയാകാൻ മോഹിച്ച്, ലക്ഷക്കണക്കിന് വോട്ടിന്റെ ഭൂരിപക്ഷത്തിൽ ജയിച്ചു കൊണ്ടിരുന്ന അമേത്തിയിലെ വോട്ടർമാർ കണ്ടം വഴി ഓടിക്കുമെന്നറിഞ്ഞ്, വയനാട്ടിലെത്തി രാഹുൽജിയും അധികാരമോഹം ലവലേശമില്ലാത്ത ഇവരുടെയൊക്കെ അനുയായികൾ ജോസ് കെ മാണിയെ വിളിക്കുന്നത് അധികാരമോഹി എന്ത് പ്രഹസനമാണ് സജിയെ എന്ന് പറഞ്ഞാണ് കുറിപ്പ് അവസാനിക്കുന്നത്.

രാജ്യസഭയിലേക്ക് വീണ്ടും മത്സരിക്കുകയാണ് കേരളാ കോൺഗ്രസ് എം ചെയർമാൻ ജോസ് കെ മാണി. ഇദ്ദേഹത്തെ പരിഹസിച്ചാണ് കോൺഗ്രസ് നേതാക്കൾ രംഗത്ത് വന്നത് . ഫേസ്ബുക്ക് കുറിപ്പിലൂടെ രാഹുൽ മാങ്ങൂട്ടത്തിൽ പരിഹസിച്ചത് ഇങ്ങനെയായിരുന്നു . ജോസ് യു ഡി എഫ് വിട്ട് എൽ ഡി എഫിലേക്ക് വന്നപ്പോൾ രാജിവച്ചതിനെ തുടർന്ന് ഒഴിവു വന്ന രാജ്യസഭ സീറ്റിലേക്കാണ് തിരഞ്ഞെടുപ്പ് നടക്കുന്നത്.

എൽ ഡി എഫ് സ്ഥാനാർത്ഥിയായി ജോസ് കെ മാണി തന്നെയാണ് മത്സരിക്കുന്നത്. ഇതിനെയാണ് രാഹുൽ പരിഹസിച്ചിരിക്കുന്നത്. അദ്ദേഹത്തിന്റെ വാക്കുകൾ ഇങ്ങനെയായിരുന്നു ; ഒരു മുന്നണിയിൽ നിന്ന് ലോക്സഭാ മെമ്പറാകുന്നു,അതിന്റെ കാലാവധി തീരും മുമ്പ് രാജി വെച്ച് രാജ്യസഭയിൽ മെമ്പറാകുന്നു,ആ കാലാവധി തിരും മുൻപ് മുന്നണി മാറി മറ്റൊരു മുന്നണിയിൽ ചേരുന്നു,

രാജ്യസഭാ മെമ്പർ സ്ഥാനം ഒഴിഞ്ഞ് നിയമസഭയിൽ മത്സരിക്കുന്നു,നിയമസഭയിൽ തോൽക്കുമ്പോൾ വീണ്ടും മുന്നണിയിൽ സമ്മർദം ചെലുത്തി രാജ്യസഭയിലേക്ക് മത്സരിക്കുന്നു.ഇനി അടുത്തത് മരങ്ങാട്ടുപ്പള്ളി പഞ്ചായത്തിലേക്കുള്ള മത്സരം. ഈ കളിയാക്കലുകൾക്കാണ് റെഡ് ആർമി മറുപടി കൊടുത്തിരിക്കുന്നത്.