തിരുവനന്തപുരം ദൂരദർശൻ കേന്ദ്രത്തിലെ സ്ത്രീകളുടെ ശുചിമുറിയിൽ നിന്നും ഒളിക്യാമറ പിടിച്ചെടുത്തു. ഞായറാഴ്ച സ്ഥാപനത്തിലെ ജീവനക്കാരിക്ക് തോന്നിയ സംശയത്തിന് പിന്നാലെ നടത്തിയ തെരച്ചിലിനൊടുവിലാണ് ഒളിക്യാമറ കണ്ടെത്തിയത്. തുടർന്ന് അധികൃതർ തിരുവനന്തപുരം സൈബർ സെല്ലിന് പരാതിനൽകി. പോലീസ് നടത്തിയ അന്വേഷണത്തിൽ സ്ഥാപനത്തിലെ താൽകാലിക ജീവനക്കാരനാണ് ക്യാമറ സ്ഥാപിച്ചതെന്ന് കണ്ടെത്തി. പ്രധാന സ്റ്റുഡിയോയ്ക്ക് സമീപമുള്ള ശുചിമുറിയിലാണ് ഇയാൾ ക്യാമറ സ്ഥാപിച്ചിരുന്നത്. ജീവനക്കാരനായ പ്രതിയെ സ്ഥാപനത്തിൽ നിന്നും പുറത്താക്കി.