സാമൂഹിക മാധ്യമങ്ങൾ വഴി പെൺകുട്ടികളെയും വീട്ടമ്മമാരെയും ഭീഷണിപ്പെടുത്തി പണം തട്ടിയ യുവാവ് അറസ്റ്റിൽ. കൊല്ലം സ്വദേശിയായ യുവാവിനെ കോയമ്പത്തൂരിൽ നിന്നാണ് നെടുങ്കണ്ടം പോലീസ് അറസ്റ്റ് ചെയ്തത്.

നെടുങ്കണ്ടം സ്വദേശിയായപതിനേഴുകാരിയുടെ പരാതിയെ തുടർന്നാണ് കൊ​ല്ലം ശൂ​ര​നാ​ട് സ്വ​​ദേ​ശി ര​ഞ്​​ജി​ത്ത് ആ​ര്‍. പി​ള്ളൈ​​ (29) അ​റ​സ്​​റ്റി​ലാ​യ​ത്. ഫേസ് ബുക്കിലും ഇൻസ്റ്റാഗ്രാമിലും അജയ് ആർ എന്ന പേരിൽ അക്കൗണ്ടുകൾ സൃഷ്ടിച്ചായിരുന്നും പ്രതി തട്ടിപ്പ് നടത്തിയിരുന്നത്. പട്ടാള ഉദ്യോഗസ്ഥന്മാരുടെ യൂണിഫോം ധരിച്ച ചിത്രങ്ങൾ സാമൂഹ്യമാധ്യമങ്ങൾ വഴി പങ്കുവച്ചാണ് പ്രതി തട്ടിപ്പിന് കളമൊരുക്കിയിരുന്നത്.

ര​ഞ്​​ജി​ത്ത് പട്ടാളക്കാരനായ ഭാര്യാസഹോദരനോടൊപ്പം പൂനയിലെ പട്ടാള ക്യാന്റീനിൽ ജോലിചെയ്തിരുന്നതായി പോലീസ് പറഞ്ഞു. തുടർന്ന് കോയമ്പത്തൂരിൽ പെയിന്റിങ് ജോലി ചെയ്യുന്നതിനിടയിലാണ് ര​ഞ്​​ജി​ത്ത് വീട്ടമ്മമാരെയും പെൺകുട്ടികളെയും തട്ടിപ്പിന് ഇരയാക്കിയത്. സാമൂഹ്യമാധ്യമങ്ങൾ വഴി പെൺകുട്ടികളുമായി സൗഹൃദത്തിലാകുന്ന ര​ഞ്​​ജി​ത്ത് അവരുടെ ചിത്രങ്ങൾ ശേഖരിച്ച് ഭീഷണിപ്പെടുത്തിയാണ് പണം തട്ടിയിരുന്നത്‌. മൊബൈൽ ടവർ ലൊക്കേഷൻ കേന്ദ്രീകരിച്ചു നടത്തിയ അന്വേഷണമാണ് പ്രതിയെ കോയമ്പത്തൂരിൽ നിന്നും കണ്ടെത്തിയത്. സംഭവസ്ഥലം റെയ്ഡ് ചെയ്ത പോലീസ് തട്ടിപ്പിനുപയോഗിച്ച ഫോൺ കണ്ടെത്തി