മോന്സണ് മാവുങ്കലിനെതിരായ പുരാവസ്തു തട്ടിപ്പു കേസ്.... എന്ഫോഴ്സ്മെന്റ് ഡയറക്ടറേറ്റിനെക്കൂടി കക്ഷി ചേര്ത്തതോടെ ഉന്നതരുടെ കള്ളപ്പണ-ബിനാമി ഇടപാടുകളെക്കുറിച്ചുള്ള അന്വേഷണത്തിന് കൂടി വഴിതുറന്നു.... മുന് ഡി.ജി.പി ലോക്നാഥ് ബെഹ്റയ്ക്കുള്പ്പെടെ കുരുക്കുവീഴാനുള്ള സാധ്യതയേറെ....പ്രതിയല്ലെങ്കില് എന്തിനാണ് ഐ.ജിയെ സസ്പെന്ഡ് ചെയ്തതെന്ന് ഹൈക്കോടതി, പൊലീസിനെതിരെ രൂക്ഷ വിമര്ശനം
മോന്സണ് മാവുങ്കലിനെതിരായ കേസ് നിരീക്ഷിച്ച ഹൈക്കോടതി, എന്ഫോഴ്സ്മെന്റ് ഡയറക്ടറേറ്റിനെക്കൂടി (ഇ.ഡി) കക്ഷി ചേര്ത്തതോടെ ഉന്നതരുടെ കള്ളപ്പണ-ബിനാമി ഇടപാടുകളെക്കുറിച്ചുള്ള അന്വേഷണത്തിനുകൂടി വഴിതുറക്കുകയാണ്. മുന് ഡി.ജി.പി ലോക്നാഥ് ബെഹ്റയ്ക്കുള്പ്പെടെ കുരുക്കുവീഴാനുള്ള സാദ്ധ്യതയേറെയാണ്. പൊലീസിനെതിരെ രൂക്ഷ വിമര്ശനം ഉന്നയിച്ച സിംഗിള് ബെഞ്ച്, പൊലീസ് ഉദ്യോഗസ്ഥരെ പ്രതി ചേര്ത്തിട്ടുണ്ടോയെന്ന് ചോദിച്ചു.
പൊലീസ് ഉദ്യോഗസ്ഥരെ കേസില് നിന്ന് തന്ത്രപൂര്വ്വം ഒഴിഞ്ഞുപോകാന് അനുവദിക്കില്ലെന്നും ഒന്നും ഒളിച്ചുവയ്ക്കാന് സമ്മതിക്കില്ലെന്നും ജസ്റ്റിസ് ദേവന് രാമചന്ദ്രന് വാക്കാല് പറഞ്ഞു. മോന്സണിനെതിരെ മൊഴി നല്കിയതിന്റെ പേരില് പൊലീസ് പീഡിപ്പിക്കുന്നതായി ആരോപിച്ച് മുന് ഡ്രൈവര് ഇ.വി. അജിത്ത് നല്കിയ ഹര്ജിയില് പൊലീസിനെതിരെ വാളോങ്ങി കോടതി .
പ്രോസിക്യൂഷന് ഡയറക്ടര് ജനറല് ഇന്നലെ മുദ്രവച്ച കവറില് നല്കിയ രേഖകളിലെയും നേരത്തെ ഡി.ജി.പി നല്കിയ സത്യവാങ്മൂലത്തിലെയും വിവരങ്ങള് തമ്മില് പൊരുത്തക്കേടുണ്ടെന്നും കോടതി . ഹര്ജി നവംബര് 19ലേക്കു മാറ്റിവെച്ചു.
കേസന്വേഷണവുമായി ബന്ധപ്പെട്ട ആറു രേഖകള് പ്രോസിക്യൂഷന് ഡയറക്ടര് ജനറല് ടി.എ. ഷാജി സമര്പ്പിച്ചു. ലോക്നാഥ് ബെഹ്റ ഡി.ജി.പിയായിരിക്കെ നല്കിയ നിര്ദ്ദേശത്തെ തുടര്ന്ന് ഇന്റലിജന്സ് വിഭാഗം രഹസ്യാന്വേഷണം നടത്തി സമര്പ്പിച്ച റിപ്പോര്ട്ട് ഉള്പ്പെടെയാണ് സമര്പ്പിച്ചത്. ഇ.ഡി അന്വേഷണം വേണ്ടതാണെന്ന് ഇന്റലിജന്സ് റിപ്പോര്ട്ടില് പറഞ്ഞിട്ടുണ്ട്. അതനുസരിച്ച് 2020 ഫെബ്രുവരിയില് ഇ.ഡിക്ക് ബെഹ്റ കത്ത് നല്കിയിരുന്നു.
അതേസമയം ഹര്ജിയിലെ വാദത്തിനടിസ്ഥാനമായ ചോദ്യങ്ങളല്ല കോടതി ഉന്നയിക്കുന്നതെന്നും പൊലീസ് ഉദ്യോഗസ്ഥരെ കേസില് പ്രതിയാക്കിയിട്ടില്ലെന്നും മോന്സണുമായി അടുത്ത ബന്ധമുള്ള ഐ.ജി ഗുഗുലോത്ത് ലക്ഷ്മണിനെ സസ്പെന്ഡ് ചെയ്തെന്നും ആവശ്യപ്പെട്ടാല് പൊലീസ് ഉദ്യോഗസ്ഥരുടെ മൊഴിപ്പകര്പ്പ് ഹാജരാക്കാമെന്നും ഇ.ഡിയെ കക്ഷി ചേര്ക്കുന്നതില് എതിര്പ്പില്ലെന്നും പ്രോസിക്യൂഷന് പറഞ്ഞു.
പ്രവാസി സംഘടനയുടെ കോഓര്ഡിനേറ്റര് അനിത പുല്ലയില് ക്ഷണിച്ചതനുസരിച്ചാണ് അന്നത്തെ ഡി.ജി.പി ലോക്നാഥ് ബെഹ്റയും എ.ഡി.ജി.പി മനോജ് എബ്രഹാമും പുരാവസ്തു ശേഖരം കാണാന് മോന്സണിന്റെ വീട് സന്ദര്ശിച്ചത്. ഈ വിഷയങ്ങള് അന്വേഷണത്തിന്റെ പരിധിയിലുണ്ടോ? സന്ദര്ശനം കഴിഞ്ഞു 10 ദിവസത്തേക്ക് ഒന്നും മിണ്ടുന്നില്ല. പിന്നീടാണ് എ.ഡി.ജി.പി നല്കിയ നോട്ടനുസരിച്ച് ഇന്റലിജന്സ് എ.ഡി.ജി.പിയോട് അന്വേഷിക്കാന് ഡി.ജി.പി നിര്ദ്ദേശിച്ചത്. ഇന്റലിജന്സ് റിപ്പോര്ട്ട് നല്കാന് വൈകിയതെന്തുകൊണ്ടെന്നും കോടതി . പ്രതിയല്ലെങ്കില് എന്തിനാണ് ഐ.ജിയെ സസ്പെന്ഡ് ചെയ്തതെന്ന് ഹൈക്കോടതി ചോദിച്ചു.
"
https://www.facebook.com/Malayalivartha
