കേരളത്തിലെ മഴയെ കുറിച്ച് വിവിധ കാലാവസ്ഥ മോഡലുകളുടെ പ്രവചനം ഇങ്ങനെയാണ്. കേന്ദ്ര കാലാവസ്ഥ വകുപ്പിന്റെ ഐ എം ഡി -ജി എഫ് എസ് മോഡൽ പ്രകാരം അടുത്ത 24 മണിക്കൂർ കേരളത്തിൽ വ്യാപകമായി മിതമായ മഴയും ഒറ്റപെട്ടയിടങ്ങളിൽ ശക്തമായ മഴയുടെ സാധ്യത പ്രവചിക്കുന്നു.

കേന്ദ്ര ഭൗമ ശാസ്ത്ര മന്ത്രലയത്തിന്റെ കീഴിലുള്ള നോയിഡ ആസ്ഥാനമായ നാഷണൽ സെന്റർ ഫോർ മീഡിയം റേഞ്ച് വെതർ ഫോർകാസ്റ്റിംഗ് ന്റെ ( NCMRWF) എൻസിയുഎമ്മും കാലാവസ്ഥ മോഡൽ പ്രകാരം ഇന്നും നാളെയും തെക്കൻ കേരളത്തിൽ ശക്തമായ മഴ സാധ്യത പ്രവചിക്കുന്നു.

നാഷണൽ സെന്റർസ് ഫോർ എൻവയോൺമെന്റൽ പ്രെഡിക്ഷ (NCEP) ന്റെ ഗ്ലോബൽ ഫോർകാസ്റ് സിസ്റ്റം (GFS) കാലാവസ്ഥ മോഡൽ പ്രകാരം ഇന്ന് തെക്കൻ കേരളത്തിൽ ശക്തമായ മഴയും നാളെ തെക്കൻ കേരളത്തിൽ അതിതീവ്രമഴയും പ്രവചിക്കുന്നു

യൂറോപ്യൻ സെന്റർ ഫോർ മീഡിയം റേഞ്ച് വെതർ ഫോർകാസ്റ്സ് (ECMWF) ന്റെ കാലാവസ്ഥ മോഡൽ പ്രകാരവും ഇന്ന് തെക്കൻ കേരളത്തിൽ ശക്തമായ മഴയും നാളെ തെക്കൻ കേരളത്തിലും വടക്കൻ കേരളത്തിലും ശക്തമായ മഴയുടെ സൂചന നൽകുന്നു. സ്വകാര്യ ഏജൻസിയായഐ ബി എം വെർതർ ഇന്ന് തെക്കൻ കേരളത്തിൽ ശക്തമായ മഴ സൂചന നൽകുന്നുണ്ട്

അടുത്ത 3 മണിക്കൂറിൽ കേരളത്തിലെ കൊല്ലം, പത്തനംതിട്ട, ആലപ്പുഴ, തൃശ്ശൂർ എന്നീ ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 40 കി.മീ വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.