വഴിയില് കണ്ട കുട്ടിയോട് എന്തിനാണ് മൊബൈല് ഫോണ് ചോദിച്ചത്... പൊതുമധ്യത്തില് പിതാവിനെയും മകളെയും മോഷ്ടാക്കളാക്കി ചിത്രീകരിച്ച പിങ്ക് പോലീസ് ഉദ്യോഗസ്ഥയ്ക്കെതിരെ ഹൈക്കോടതി...
വഴിയില് കണ്ട കുട്ടിയോട് എന്തിനാണ് മൊബൈല് ഫോണ് ചോദിച്ചത്... പൊതുമധ്യത്തില് പിതാവിനെയും മകളെയും മോഷ്ടാക്കളാക്കി ചിത്രീകരിച്ച പിങ്ക് പോലീസ് ഉദ്യോഗസ്ഥയ്ക്കെതിരെ ഹൈക്കോടതി...
പിങ്ക് പോലീസിന്റെ അതിക്രമത്തിനിരയായ പെണ്കുട്ടിയുടെ ഹര്ജി പരിഗണിക്കവേയാണ് ഹൈക്കോടതിയുടെ ചോദ്യം. തിരുവനന്തപുരം സ്വദേശി ജയചന്ദ്രനെയും മകളെയുമാണ് സിവില് പോലീസ് ഓഫീസര് രജിത പരസ്യവിചാരണ നടത്തിയത്. ഈ ഉദ്യോഗസ്ഥ ഇപ്പോഴും പിങ്ക് പോലീസില് തുടരുന്നുണ്ടോ എന്നും ഹൈക്കോടതി ചോദിച്ചു.
ഈ ഉദ്യോഗസ്ഥയ്ക്കെതിരെ എന്ത് നടപടി സ്വീകരിച്ചുവെന്ന് അറിയിക്കണം. ഉദ്യോഗസ്ഥയ്ക്ക് നോട്ടീസ് അയക്കുമെന്നും കോടതി അറിയിച്ചു.
ആറ്റിങ്ങലില് ഐഎസ്ആര്ഒയിലേക്കുള്ള യന്ത്രസാമഗ്രികള് കൊണ്ടു വരുന്നതു കാണാനെത്തിയ ജയചന്ദ്രനെയും മൂന്നാം ക്ലാസുകാരിയായ മകളെയും മൊബൈല് ഫോണ് മോഷ്ടിച്ചു എന്നാരോപിച്ചാണ് സിവില് പോലീസ് ഓഫീസറായ രജിത അപമാനിച്ചത്.
ഇവര് നില്ക്കുന്നതിന് സമീപത്തായി പിങ്ക് പോലീസിന്റെ വാഹനവും പാര്ക്ക് ചെയ്തിരുന്നു. സംഭവത്തില് തനിക്ക് മാനസിക സമ്മര്ദം ഉണ്ടായെന്നും തന്നെ കള്ളി എന്ന് വിളിച്ച് അപമാനിച്ചുവെന്നും ചൂണ്ടിക്കാട്ടിയാണ് കുട്ടി കോടതിയില് ഹര്ജി സമര്പ്പിച്ചത്.
തനിക്ക് കൗണ്സില് ഉള്പ്പെടെ ആവശ്യമായി വന്നിരുന്നു. എന്നിട്ടും ഉദ്യോഗസ്ഥയ്ക്കെതിരെ നടപടികള് സ്വീകരിച്ചില്ലെന്നും ഹര്ജിലുണ്ട്. 50 ലക്ഷം രൂപ നഷ്ടപരിഹാരം വേണമെന്നും കുട്ടി ഹര്ജിയില് ആവശ്യപ്പെട്ടിരുന്നു. അച്ഛനെയും മകളെയും പൊതുനിരത്തില് മണിക്കൂറുകളോളം പോലീസുകാരി പരസ്യവിചാരണ നടത്തുന്നതിന്റെ ദൃശ്യങ്ങള് സാമൂഹ്യമാധ്യമങ്ങളില് പ്രചരിച്ചിരുന്നു.
"
https://www.facebook.com/Malayalivartha
