പ്രമേഹം, രക്തസമ്മർദ്ദം, കൊളസ്ട്രോൾ, ഫാറ്റി ലിവർ, കീമോതെറാപ്പി പാർശ്വഫലങ്ങൾ എന്നിവയിൽ പച്ചച്ചക്കയുടെ ആരോഗ്യഗുണങ്ങളെ സംബന്ധിച്ച ഏറ്റവും പുതിയ ഗവേഷണ കണ്ടെത്തലുകൾ ചർച്ച ചെയ്യുന്നതിനായി ജാക്ക്ഫ്രൂട്ട് പ്രൊമോഷൻ കൗൺസിൽ സംസ്ഥാനതല സെമിനാർ സംഘടിപ്പിക്കുന്നു.

പച്ചച്ചക്ക ഔഷധക്കലവറ: ഗവേഷണ കണ്ടെത്തലുകളും സാദ്ധ്യതകളും"എന്ന വിഷയത്തിലുള്ള സെമിനാർ നാളെ രാവിലെ 8.00 മുതൽ ഉച്ചയ്ക്ക് 2.00 വരെ തിരുവനന്തപുരം പെരുന്താന്നി മിത്രനികേതൻ സിറ്റി സെന്ററിൽ വെച്ചാണ് നടക്കുന്നത്. രാവിലെ 8 മണിക്ക് കൃഷി മന്ത്രി അഡ്വ  സെമിനാർ ഉദ്ഘാടനം ചെയ്യും

മിസോറാം മുൻ ഗവർണർ ശ്രീ. കുമ്മനം രാജശേഖരൻ മുഖ്യ പ്രഭാഷണം നടത്തും. JPC ചെയർപേഴ്സൺ റൂഫസ് ഡാനിയേൽ അദ്ധ്യക്ഷത വഹിക്കും. സിസ്സ (CISSA) ജനറൽ സെക്രട്ടറി ഡോ. സി. സുരേഷ് കുമാർ ആമുഖ പ്രഭാഷണം നടത്തും. ഫ്രാറ്റ് പ്രസിഡൻ്റ് അഡ്വ. പുഞ്ചക്കരി ജി. രവീന്ദ്രൻ നായർ ആശംസാ പ്രസംഗം നടത്തും.

ശാന്തിഗ്രാം ഡയറക്ടറും ജെ.പി.സി ജനറൽ സെക്രട്ടറിയുമായ എൽ പങ്കജാക്ഷൻ സ്വാഗതവും
മിത്രനികേതൻ ലെയ്സൺ ഓഫീസർ സജു രവീന്ദ്രൻ നന്ദിയും പറയും.
09.00 മുതൽ സെമിനാർ. മാധ്യമപ്രവർത്തകനും JPC ജനറൽ കൺവീനറുമായ എസ്.ഡി. വേണുകുമാർ മോഡറേറ്റർ ആയിരിക്കും. തുടർന്ന് ചക്കയിൽ നടത്തിയ പുതിയ പഠന ഫലങ്ങൾ ആലപ്പുഴ മെഡിക്കൽ കോളേജ് മുൻ പ്രിൻസിപ്പൽ ഡോ . ബി പദ്മകുമാർ , പ്രമേഹവുമായി ബന്ധപ്പെട്ട മുൻകാല പഠനങ്ങളും കണ്ടെത്തലുകളും ജാക് ഫ്രൂട്ട് 365 സ്ഥാപകൻ ജെയിംസ് ജോസഫ്, കീമോതെറാപ്പി പാർശ്വഫലങ്ങൾ, ഫാറ്റി ലിവർ, ലിവർ ട്യൂമർ എന്നിവയിലെ പഠനങ്ങൾ ഡോ. തോമസ് വർഗീസ് , (സീനിയർ സർജിക്കൽ ഓങ്കോളജിസ്റ്റ് , സെൻ്റ് ജോസഫ്സ് ഹോസ്‌പിറ്റൽ , കൊച്ചി), പോഷകസമൃദ്ധമായ ചക്കപ്പൊടി തയ്യാറാക്കൽ രീതികൾ ജിസ്സി ജോർജ് (സബ്ജക്ട് മാറ്റർ സ്പെഷ്യലിസ്റ്റ് , ICAR കൃഷിവിജ്ഞാന കേന്ദ്രം , ആലപ്പുഴ ) എന്നിവർ പ്രബന്ധങ്ങൾ അവതരിപ്പിക്കും.