തനിക്കെതിരെ എസ്ഡിപിഐ നേതാവ് നടത്തിയ കൊലവിളി പ്രസംഗത്തിന് മറുപടിയുമായി രംഗത്ത് എത്തിയിരിക്കുകയാണ് സന്ദീപ് ജി വാര്യർ .അദ്ദേഹം നൽകിയ മറുപടി ഇങ്ങനെ; എസ്ഡിപിഐ നേതാവ് എനിക്കെതിരെ നടത്തിയ കൊലവിളി പ്രസംഗം കേട്ടു . ഈ സീൻ ഒക്കെ കഴിഞ്ഞാണ് ഇവിടെ എത്തിയത് എന്നേ പറയാനുള്ളു .

പല അഭ്യുദയകാംക്ഷികളും സഹപ്രവർത്തകരും പോലീസ് സുരക്ഷ തേടണം എന്ന് നിര്ബന്ധിക്കുന്നുണ്ട് . എന്റെ സഹപ്രവർത്തകർക്ക് ലഭിക്കാത്ത ഒരു സുരക്ഷയും എനിക്കും ആവശ്യമില്ല . ഈ പ്രസംഗമൊക്കെ പരസ്യമായി നടത്തിയിട്ടും എസ്‌ ഡിപിഐ പോപ്പുലർ ഫ്രണ്ട് തീവ്രവാദികൾക്കെതിരെ ചെറുവിരൽ അനക്കാത്ത പിണറായി പോലീസിൽ വിശ്വാസവുമില്ലെന്നും അദ്ദേഹം പറയുന്നു.

അതേസമയം കൊല്ലപ്പെട്ട സഞ്ജിത്തിന്റെ ഭാര്യ അർഷികയെ ഒരിക്കൽ കൂടി അദ്ദേഹം കണ്ടു. ആ പെൺകുട്ടിയെ ആശ്വസിപ്പിക്കാൻ എന്ത്‌ പറയണം എന്ന് ഇപ്പോഴുമറിയില്ല എന്ന അവസ്ഥയായിരുന്നു തനിക്കെന്ന് അദ്ദേഹം പറഞ്ഞു . സഞ്ജിത്‌ എന്നെ സംബന്ധിച്ച്‌ സഹപ്രവർത്തകൻ മാത്രമല്ല ഏറ്റവും പ്രിയപ്പെട്ട സുഹൃത്ത്‌ കൂടിയായിരുന്നുവെന്നും അദ്ദേഹം പറഞ്ഞു .

കഴിഞ്ഞ ദിവസം വരെ തമ്മിൽ സംസാരിച്ച ഏറ്റവും അടുത്തവരിൽ ഒരാൾ.ഒന്നുമറിയാതെ ചിരിക്കുന്ന അവന്റെ കുഞ്ഞിന്റെ മുഖം ജീവനുള്ളിടത്തോളം മറക്കില്ല. സഞ്ജിത്തിന്റെ ബലിദാനം വെറുതെയാകില്ല. മറ്റൊന്നും ഇപ്പോൾ പറയാനുമില്ലെന്നും അദ്ദേഹം വ്യക്തമാക്കി.