മലപ്പുറം തിരൂര്‍ ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരുന്ന മൃതദേഹാവശിഷ്ടങ്ങള്‍ തെരുവ് നായ കടിച്ചു പറിച്ചു. പോസ്റ്റ് മോര്‍ട്ടത്തിന് ശേഷമുള്ള അവശിഷ്ടങ്ങള്‍ മോര്‍ച്ചറിയ്‌ക്ക് പുറത്ത് സൂക്ഷിച്ചിരുന്നു. ഇതാണ് തെരുവ് നായ കടിച്ചത്. ഇന്നലെ രാത്രി 12 മണിയോടെയാണ് സംഭവം.

നാട്ടുകാര്‍ ദൃശ്യങ്ങള്‍ പകര്‍ത്തിയതോടെയാണ് സംഭവം പുറത്തറിയുന്നത്. ജീവനക്കാരുടെ വീഴ്ച്ച മൂടിവെക്കാന്‍ ആശുപത്രി അധികൃതര്‍ ശ്രമിക്കുന്നതായി നാട്ടുകാര്‍ ആരോപിച്ചു. എന്തായാലും കടുത്ത അനാസ്ഥയാണ് ജീവനക്കാരുടെ ഭാ​ഗത്ത് നിന്നും ഉണ്ടായിരിക്കുന്നത്.