ട്രാൻസ്‌ജൻഡർ ആക്ടിവിസ്റ്റ് താഹിറ അസീസ് ട്രെയിന് മുന്നിൽ ചാടി ജീവനൊടുക്കി. മോഡൽ ആയിരുന്ന താഹിറ വിവിധ സൗന്ദര്യ മത്സരങ്ങളിൽ മാറ്റുരച്ചിട്ടുണ്ട്. പങ്കാളി വാഹനാപകടത്തിൽ മരിച്ചത് സഹിക്കാനാവാതെയാണ് താഹിറ ജീവനൊടുക്കിയതെന്ന് സൂചനയുണ്ട്.

താഹിറയുടെ മരണം നൽകിയ വേദനയിൽ ട്രാൻസ് ആക്റ്റിവിസ്റ്റായ സീമ വിനീത് തന്റെ ഫെയ്സ് ബുക്കിൽ ഒരു കുറിപ്പും പങ്കുവെച്ചിട്ടുണ്ട്. സ്വന്തം ജീവിതം സ്വന്തമായി തന്നെ അവസാനിപ്പിക്കണം എങ്കിൽ അത്രമാത്രം അവൾ വെറുക്കപ്പെട്ടിട്ടുണ്ടാകാമെന്ന് സീമ കുറിപ്പിൽ പറയുന്നത്. അവൾ ഒറ്റപ്പെട്ടിട്ടുമുണ്ടാകാം. ഒരു പക്ഷേ ഒരു സെക്കന്റ്‌ അവളെ കേൾക്കാൻ ഒരു മനസ്സ്‌ ആരെങ്കിലും കാണിച്ചിരുന്നു എങ്കിൽ ഇന്ന് ജീവനോടെ ഉണ്ടാകുമായിരുന്നിരിക്കാമെന്നും സീമ കുറിച്ചു.

സീമ വിനീതിന്റെ ഫെയ്സ് ബുക്ക് കുറിപ്പിന്റെ പൂർണ്ണ രൂപം ഇങ്ങനെ

ആദരാഞ്ജലികൾ താഹിറ..........
സ്വന്തം ജീവിതം സ്വന്തമായി തന്നെ അവസാനിപ്പിക്കണം എങ്കിൽ അത്രമാത്രം അവൾ വെറുക്കുകപെട്ടിട്ടുണ്ടാകാം, ഒറ്റപ്പെട്ടിട്ടുമുണ്ടാകാം, ഒരു പക്ഷേ ഒരു സെക്കന്റ്‌ അവളെ കേൾക്കാൻ ഒരു മനസ്സ്‌ ആരെങ്കിലും കാണിച്ചിരുന്നു എങ്കിൽ ഇന്ന് ജീവനോടെ ഉണ്ടാകുമായിരുന്നിരിക്കാം ... തെറ്റ് ആരുടേയോ..? പക്ഷേ നഷ്ടം നിന്നെ സ്നേഹിച്ചവരുടെ ഉള്ളിൽ ആണ്. Heartfelt condolences മരണം ഒഴിച്ചു എന്തിനും നമ്മുക്ക് പരിഹാരം കണ്ടെത്താം ....ഓർക്കുക

‘ഒരാൾ കൂടി... ആദരാഞ്ജലികൾ താഹിറ അസീസ്. എന്തിനാ മോളെ ഇങ്ങനെ ചെയ്തത് എന്ന് ഒരിക്കലും പറയാൻ പറ്റുന്നില്ല. കാരണം ഒറ്റപ്പെടലുകൾ, അതിന് ഇടക്ക് കിട്ടുന്ന ഒരു സ്നേഹം. സ്നേഹം എന്നത് ജീവിതം മുന്നോട്ടു പോവാനുള്ള ഒരു കച്ചിത്തുരുമ്പാണ്. അതെ പ്രിയപ്പെട്ടവൻ ആക്സിഡന്റ് പറ്റി ഇവളെ വിട്ടു പോയത് താങ്ങാനാകാതെ അവനു പിന്നാലെ താഹിറ മോളു. എന്നാണ് അരുണിമ സുൽഫിക്കർ ഫെയ്സ്ബുക്കിൽ പങ്കുവച്ച കുറിപ്പ്.