ചക്രവാതച്ചുഴി... സംസ്ഥാനത്ത് നാളെ വരെ ഒറ്റപ്പെട്ട ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥാ വകുപ്പ്... ബംഗാള് ഉള്ക്കടലില് ആന്ഡമാന് കടലിലായി പുതിയ ന്യൂനമര്ദം നാളെയോടെ രൂപപ്പെട്ട് പടിഞ്ഞാറ് - വടക്ക് പടിഞ്ഞാറു ദിശയില് സഞ്ചരിച്ച് ശക്തിപ്രാപിക്കാന് സാധ്യത
ചക്രവാതച്ചുഴിയുടെ ഫലമായി സംസ്ഥാനത്ത് നാളെ വരെ ഒറ്റപ്പെട്ട ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥാ വകുപ്പ്.
തെക്കുപടിഞ്ഞാറന് ബംഗാള് ഉള്ക്കടലില് ശ്രീലങ്ക തീരത്തു നിലനിന്നിരുന്ന ചക്രവാതച്ചുഴി നിലവില് കോമറിന് ഭാഗത്തും സമീപത്തുള്ള ശ്രീലങ്കന് തീരത്തുമായാണ് സ്ഥിതി ചെയ്യുന്നത്.
അതേസമയം, ബംഗാള് ഉള്ക്കടലില് ആന്ഡമാന് കടലിലായി പുതിയ ന്യൂനമര്ദം നാളെയോടെ രൂപപ്പെട്ട് പടിഞ്ഞാറ് - വടക്ക് പടിഞ്ഞാറു ദിശയില് സഞ്ചരിച്ച് ശക്തിപ്രാപിക്കാന് സാധ്യതയുണ്ടെന്നും അറിയിപ്പിലുണ്ട്.
ഇന്നു തെക്കു പടിഞ്ഞാറന് ബംഗാള് ഉള്ക്കടല്, തെക്കന് തമിഴ്നാട് തീരം, കന്യാകുമാരി എന്നിവിടങ്ങളിലും ഡിസംബര് ഒന്നിന് തെക്ക് കിഴക്കന് ബംഗാള് ഉള്ക്കടല് അതിനോട് ചേര്ന്ന മധ്യ കിഴക്കന് ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളിലും മണിക്കൂറില് 40 മുതല് 50 കിലോമീറ്റര് വരെ വേഗത്തിലും ചില അവസരങ്ങളില് 60 കിലോമീറ്റര് വരെ വേഗത്തിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യത.
29, 30 തീയതികളില് ആന്ഡമാന് കടലില് മണിക്കൂറില് 40 മുതല് 50 കിലോമീറ്റര് വരെ വേഗത്തില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാല് ഈ മേഖലയില് മത്സ്യബന്ധനം പാടില്ലെന്ന് ജില്ലാ കലക്ടര് .
https://www.facebook.com/Malayalivartha
