ശബരിമല ദര്ശനത്തിനായി എത്തുന്ന 10 വയസില് താഴെയുള്ള കുട്ടികള്ക്ക് ആര്.ടി.പി.സി.ആര് ഫലം വേണ്ട.... തീര്ത്ഥാടന മാനദണ്ഡം പുതുക്കി ഉത്തരവിറക്കി സര്ക്കാര്
28 NOVEMBER 2021 07:19 AM IST
മലയാളി വാര്ത്ത
ശബരിമല ദര്ശനത്തിനായി എത്തുന്ന 10 വയസില് താഴെയുള്ള കുട്ടികള്ക്ക് ആര്.ടി.പി.സി.ആര് ഫലം ആവശ്യമില്ല. ഇക്കാര്യം ഉള്പ്പെടുത്തി തീര്ത്ഥാടന മാനദണ്ഡം പുതുക്കി സര്ക്കാര് ഉത്തരവിറക്കി.
ശബരിമല ദര്ശനത്തിനെത്തുന്ന കുട്ടികള് മാസ്കും സാനിറ്റൈസറും ഉപയോഗിക്കുന്നുണ്ടെന്നും സാമൂഹിക അകലം പാലിക്കുന്നുണ്ടെന്നും കൂടെയെത്തുന്നവര് ഉറപ്പാക്കണമെന്നും ഉത്തരവില് പറയുന്നു.
കുട്ടികള് ഒഴികെയുള്ള എല്ലാ തീര്ത്ഥാടകരും ജീവനക്കാരും രണ്ട് ഡോസ് വാക്സിന് എടുത്ത സര്ട്ടിഫിക്കറ്റോ 72 മണിക്കൂറിനകം എടുത്ത ആര്.ടി.പി.സി.ആര് സര്ട്ടിഫിക്കറ്റോ കരുതണം.
മറ്റ് അനുബന്ധ രോഗങ്ങളുള്ളവര്ക്കും മൂന്ന് മാസത്തിനുള്ളില് കൊവിഡ് വന്നവര്ക്കും ഹൃദയസംബന്ധമായ പ്രശ്നങ്ങള് ഉണ്ടാകാന് സാദ്ധ്യതയുള്ളതിനാല് കഴിവതും ശബരിമല ദര്ശനം ഒഴിവാക്കണമെന്നും സര്ക്കാര് വ്യക്തമാക്കി.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
