കോട്ടയം ഏറ്റുമാനൂരും പരിസര പ്രദേശങ്ങളിലും നാട്ടുകാരെ ഭീതിയിലാഴ്ത്തി മോഷണ സംഘം. മോഷണ ശ്രമത്തിന് പിന്നിൽ കുറുവ സംഘമാണെന്നാണ് നാട്ടുകാർ സംശിക്കുന്നത്. അതിരമ്പുഴ തൃക്കേൽ ക്ഷേത്രം മനയ്ക്കപ്പാടം തുടങ്ങിയ സ്ഥലങ്ങളിലാണ് മോഷ്ടാക്കൾ എത്തിയത്.

കഴിഞ്ഞദിവസം പ്രദേശത്തെ മൂന്നു വീടുകളിൽ ഇവർ മോഷണത്തിന് ശ്രമിച്ചു. മോഷണ ശ്രമം ഉണ്ടായെന്നും പഞ്ചായത്ത് അധികൃതരുടെ ഭാഗത്ത് നിന്ന് ജാഗ്രതാ നിർദേശം പുറപ്പെടുവിച്ചിട്ടുണ്ട്. കഴിഞ്ഞ ദിവസം രാവിലെ നടന്ന മോഷണ ശ്രമത്തിനിടെ വീട്ടുകാർ ഉണർന്ന് ബഹളം വെച്ചതോടെ സംഘം ഓടിരക്ഷപ്പെടുകയായിരുന്നു.

സമീപ പ്രദേശത്തെ സിസിടിവി ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. അടിവസ്ത്രം മാത്രം ധരിച്ച് കൈയ്യിൽ ആയുധവുമായി നടന്ന് നീങ്ങുന്ന മൂന്നംഗ സംഘമാണ് വീഡിയോയിലുള്ളത്.സംശയപരമായ സാഹചര്യത്തിൽ എന്തെങ്കിലും കണ്ടാൽ പോലീസിനെ അറിയിക്കാൻ ആവശ്യപ്പെട്ടിട്ടുണ്ട്. ഏറ്റുമാനൂർ പോലീസ് പട്രോളിങ്ങ് ശക്തിമാക്കി.