സഹോദരിയുടെ വിവാഹത്തിന് വായ്പ കിട്ടിയില്ല! ആത്മഹത്യ ചെയ്ത യുവാവ്, വിവാഹത്തിന് സ്വർണം നൽകുമെന്നും കല്യാൺ ജൂവല്ലേഴ്സും മലബാർ ഗോൾഡും! വിപിന്റെ കുടുംബത്തിന് സഹായവുമായി നാട്
ഏവരെയും നടുക്കിക്കൊണ്ടാണ് സഹോദരിയുടെ വിവാഹത്തിന് വായ്പ കിട്ടാത്തതിന് മനംനൊന്ത് ആത്മഹത്യ ചെയ്ത യുവാവിന്റെ വാർത്ത പുറത്തുവന്നത്. വായ്പ ലഭിക്കുമെന്ന വിശ്വാസത്താൽ സ്വർണം എടുക്കാൻ ജ്വല്ലറിയിൽ എത്തുകയായിരുന്നു. എന്നാൽ വായ്പ ലഭിക്കില്ലെന്ന സന്ദേശമാണ് ലഭിച്ചത്. ഇതിനുപിന്നാലെ അമ്മയെയും സഹോദരിയെയും ജ്വല്ലറിയിൽ ഇരിക്കാൻ നിർദ്ദേശം നൽകി വിപിൻ വീട്ടിൽ എത്തി ആത്മഹത്യ ചെയ്യുകയായിരുന്നു.
വാർത്ത വന്നതിനുപിന്നാലെ വിപിന്റെ കുടുംബത്തിന് സഹായവുമായി നാട്. പെണ്കുട്ടിയുടെ വിവാഹം നടത്താന് രണ്ടര ലക്ഷം രൂപ സാമ്പത്തിക സഹായം നല്കുമെന്ന് തൃശൂരിലെ മജ്ലിസ് പാര്ക്ക് ചാരിറ്റബിള് ട്രസ്റ്റ് അറിയിക്കുകയായിരുന്നു. കൂടാതെ പെണ്കുട്ടിക്ക് വിവാഹസമ്മാനമായി മൂന്ന് പവന് സമ്മാനമായി നല്കുമെന്ന് മലബാര് ഗോള്ഡും അഞ്ച് പവന് നല്കുമെന്ന് കല്യാണ് ജുവലേഴ്സും അറിയിച്ചിട്ടുണ്ട്.
അതേസമയം, പെണ്കുട്ടിയുടെ കുടുംബത്തോട് സ്ത്രീധനം ആവശ്യപ്പെട്ടിരുന്നില്ലെന്നാണ് പെണ്കുട്ടിയുടെ പ്രതിശ്രുത വരന് പ്രതികരിച്ചിരുന്നത് .പണത്തിന്റെ ബുദ്ധിമുട്ടിനെ കുറിച്ച് പറഞ്ഞിരുന്നില്ല. വിവാഹത്തില് നിന്ന് പിന്മാറില്ലെന്നും വരന് പ്രതികരിച്ചു. കൂടാതെ വിപിന്റെ മരണാനന്തര ചടങ്ങുകള് അവസാനിച്ചതിനു ശേഷം വിവാഹം നടത്തുമെന്നും യുവാവ് പറയുകയായിരുന്നു.
https://www.facebook.com/Malayalivartha
