കോഴിക്കോട് നാ​ദാ​പു​രത്ത് ഒ​രു വ​യ​സ്സു​കാ​രി​യുടെ തലയില്‍ പാത്രം കുടുങ്ങി. ഇ​യ്യ​ങ്കോ​ട് കോ​റോ​ത്ത് ജ​മാ​ലിന്റെ മ​ക​ള്‍ ഷ​ന്‍​സ​യു​ടെ ത​ല​യി​ലാ​ണ് പാ​ത്രം കു​ടു​ങ്ങി​യ​ത്. ക​ളി​ച്ചു​കൊ​ണ്ടി​രി​ക്കു​മ്പോ​ള്‍ പാത്രം ഷ​ന്‍​സ​യു​ടെ ത​ല​യി​ൽ കുടുങ്ങുകയായിരുന്നു. ത​ല​യി​ല്‍ കു​ടു​ങ്ങി​യ അ​ലു​മി​നി​യം പാ​ത്രം അ​ഗ്നി​ര​ക്ഷ​സേ​ന ക​ട്ട​ര്‍ ഉ​പ​യോ​ഗി​ച്ച്‌ മു​റി​ച്ചു​മാ​റ്റി.

ശ്വാ​സം​കി​ട്ടാ​തെ ബുദ്ധിമുട്ടിയ കു​ട്ടി​യെ ര​ക്ഷി​താ​ക്ക​ള്‍ നാ​ദാ​പു​രം അ​ഗ്നി​ര​ക്ഷ​സേ​ന നി​ല​യ​ത്തി​ലേ​ക്ക് എ​ത്തി​ക്കു​ക​യാ​യി​രു​ന്നു. തി​ങ്ക​ളാ​ഴ്​​ച വൈ​കീ​ട്ട്​ നാ​ലോ​ടെ​യാ​ണ് സം​ഭ​വം. തുടര്‍ന്ന് സേ​ന ഉ​ദ്യോ​ഗ​സ്ഥ​ര്‍ ക​ട്ട​ര്‍ ഉ​പ​യോ​ഗി​ച്ച്‌ സു​ര​ക്ഷി​ത​മാ​യി പാ​ത്രം മു​റി​ച്ചു​മാ​റ്റി കു​ട്ടി​യെ അ​പ​ക​ട​ത്തി​ല്‍ ​നി​ന്ന്​ ര​ക്ഷി​ച്ചു.

അതേസമയം പരപ്പനങ്ങാടിയിൽ കഴിഞ്ഞയാഴ്ച്ച സമാന സംഭവം ഉണ്ടാവുകയുണ്ടായി. കളിക്കുന്നതിനിടയിൽ ഒരു വയസ്സുകാരന്റെ തല പാത്രത്തിനുള്ളിൽ കുടുങ്ങുകയുണ്ടായി.പുത്തൻപീടികയിൽ കുന്നത്ത് പ്രമോദിന്റെ ഒരു വയസ്സുള്ള മകൻ ആദിൽ ദേവിന്റെ തലയാണ് കളിക്കുന്നതിനിടയിൽ പാത്രത്തിനുള്ളിൽ കുടുങ്ങിയത്.

താനൂർ അഗ്നിരക്ഷാ സേന സ്ഥലത്തെത്തി പാത്രം മുറിച്ചെടുത്തു കുട്ടിയെ രക്ഷപെടുത്തുകയായിരുന്നു. റെസ്ക്യു ഓഫിസർ മദന മോഹൻ, വിനയ ശീലൻ,അക്ഷയ് കൃഷ്ണൻ,പ്രഭുലാൽ,സഫ്തർ ഹാസിഫ് എന്നിവരടങ്ങിയ സംഘമാണ് രക്ഷാപ്രവർത്തനം നടത്തിയത്.