പുതുവത്സരാഘോഷവും കൊവിഡ് പശ്ചാത്തലത്തലവും കണക്കിലെടുത്ത് കോഴിക്കോട് ബീച്ചില്‍ നിയന്ത്രണം. കോഴിക്കോട് ബീച്ചില്‍ ഇന്ന് വൈകുന്നേരം അഞ്ചു മണി മുതല്‍ വാഹനങ്ങള്‍ക്ക് പ്രവേശനമനുവദിക്കില്ലെന്ന് പൊലീസ് കമ്മീഷണര്‍.


കോവിഡ് രണ്ടാം വ്യാപനത്തിനു പിറകെ അടച്ച ബീച്ച് ഇക്കാലയളവില്‍ വലിയ തോതില്‍ നവീകരിച്ചിരുന്നു. ഈ സാഹചര്യത്തില്‍ വലിയ തോതില്‍ ഈ ആളുകള്‍ എത്താന്‍ സാധ്യതയുള്ളതിനാല്‍ കൂടിയാണ് നടപടി. ബീച്ചില്‍ നിന്നും രാത്രി 9 മണിയോടെ ആളുകളെ ഒഴിപ്പിക്കും. 10 മണി മുതല്‍ കര്‍ഫ്യൂ നിലനില്‍ക്കുന്നതിനാല്‍ ഇതിന് വേണ്ടിയാണ് നടപടി. മാളുകളിലും ഹോട്ടലുകളിലും പകുതി പേരെ മാത്രമായിരിക്കും അനുവദിക്കുക എന്നും പൊലീസ് .


മാനാഞ്ചിറ ഉള്‍പ്പെടെയുള്ള പ്രദേശങ്ങളിലും ഇത്തരത്തില്‍ നിയന്ത്രണങ്ങള്‍ ഉണ്ടാവും 9.30 ഓടെ കടകള്‍ ഉള്‍പ്പെടെ അടയ്ക്കണമെന്നും പൊലീസ് ആവശ്യപ്പെട്ടിട്ടിണ്ട്. ബാര്‍ ഹോട്ടലുകളും 9 മണിക്ക് പ്രവര്‍ത്തനം അവസാനിപ്പിക്കണം.