കട്ടക്കലിപ്പില് ഗവര്ണര്... ഇന്ത്യയുടെ പരമാധികാരിയായ രാഷ്ട്രപതിക്ക് കേരള യൂണിവേഴ്സിറ്റി ഡോക്ടറേറ്റ് നല്കാത്തതില് പ്രതിഷേധം ഇരമ്പുന്നു; ഗവര്ണറുടെ നിര്ദ്ദേശം കേരള വി.സി തള്ളിയതായി ആരോപണം; ഡി. ലിറ്റിന് വിളിച്ചുവരുത്തി രാഷ്ട്രപതിയെ അപമാനിച്ചു
മേയര് ആര്യ രാജേന്ദ്രന്റെ വാഹനം രാഷ്ട്രപതിയുടെ വാഹന വ്യൂഹത്തില് കടന്നതും ടോയിലറ്റില് വെള്ളമില്ലാത്തതും ഉള്പ്പെടെ വിവാദം കനത്ത രാഷ്ട്രപതിയുടെ സന്ദര്ശനത്തില് മറ്റൊരു വിവാദം കൂടി. ഇന്ത്യയുടെ പരമാധികാരിയായ രാഷ്ട്രപതിക്ക് കേരള യൂണിവേഴ്സിറ്റി ഡോക്ടറേറ്റ് നല്കാത്തതാണ് വിവാദമായത്.
യേശുദാസ്, ഒ.എന്.വി കുറുപ്പ്, അമര്ത്യാസെന്, മമ്മൂട്ടി എന്നിവര്ക്ക് കേരളയും മോഹന്ലാലിനും മമ്മൂട്ടിക്കും കാലിക്കറ്റ് സര്വകലാശാലയും ഡിലിറ്റ് നല്കിയിട്ടുണ്ട്. ആ നിലയ്ക്ക് രാഷ്ട്രപതിയെ അപമാനിച്ചു എന്ന തരത്തിലാണ് പ്രചാരണം നടക്കുന്നത്.
ഗവര്ണര് നിര്ദ്ദേശിച്ച പ്രകാരം രാഷ്ട്രപതി രാംനാഥ് കോവിന്ദിന് ഡി.ലിറ്റ് നല്കാമെന്ന് ഉറപ്പു നല്കിയ കേരള യൂണിവേഴ്സിറ്റിയുടെ വൈസ് ചാന്സലര്, അവസാനം പിന്മാറുകയായിരുന്നുവെന്ന വിവരം പുറത്ത്. രാഷ്ട്രപതി ഓണററി ഡോക്ടറേറ്റ് സ്വീകരിക്കാന് കൂടി തയ്യാറായാണ് കേരളത്തിലേക്കുള്ള യാത്രാപരിപാടി നിശ്ചയിച്ചെത്തിയതെന്നും കേരള യൂണിവേഴ്സിറ്റി ഒഴിഞ്ഞുമാറിയതോടെ അപമാനിതനായാണ് അദ്ദേഹം കഴിഞ്ഞയാഴ്ച മടങ്ങിയതെന്നും പുറത്തായി.
ഒരു ചടങ്ങുമില്ലാതെ ഒരു ദിവസം രാജ് ഭവനില് തങ്ങേണ്ടിവന്നതും ഇതുകൊണ്ടാണ്. വൈസ്ചാന്സലറെ രാജ്ഭവനില് വിളിച്ചുവരുത്തി ഡിസംബര് ആദ്യമാണ് ഗവര്ണര് രാഷ്ട്രപതിക്ക് ഓണററി ഡോക്ടറേറ്റ് നല്കാന് നിര്ദ്ദേശിച്ചത്. രാഷ്ട്രത്തലവന് ബഹുമതി നല്കുന്നതിലൂടെ കേരള സര്വകലാശാലയുടെ മഹത്വവും പെരുമയും ഉയരുമെന്നായിരുന്നു ഗവര്ണറുടെ നിലപാട്. സിന്ഡിക്കേറ്റ് വിളിച്ച് ഉടന് അംഗീകരിക്കുമെന്ന് വൈസ് ചാന്സലര് ഉറപ്പുനല്കി.
ഇതുവിശ്വസിച്ച്, ഓണററി ഡോക്ടറേറ്റ് നല്കാന് സന്നദ്ധമാണെന്ന് ഗവര്ണര് രാഷ്ട്രപതി ഭവനെ അറിയിച്ചു. രാഷ്ട്രപതിയെ ഫോണില് വിളിച്ചും ഇക്കാര്യമറിയിച്ചു. ഡിസംബര് അവസാനം കേരളത്തിലെത്തുമ്പോള് തിരുവനന്തപുരത്തെത്താനും സെനറ്റ് ഹാളിലെ പ്രൗഢഗംഭീര ചടങ്ങില് ഓണററി ഡോക്ടറേറ്റ് സ്വീകരിക്കുന്ന പരിപാടി ഉള്പ്പെടുത്താനും ശുപാര്ശ ചെയ്തു.
ഇതുപ്രകാരം രാഷ്ട്രപതിയുടെ യാത്ര പുനഃക്രമീകരിക്കുകയും ചെയ്തു. കാസര്കോട് കേന്ദ്രസര്വകലാശാലയിലെയും കൊച്ചി നാവിക ആസ്ഥാനത്തെയും ചടങ്ങുകള്ക്കു ശേഷം 23ന് തിരുവനന്തപുരത്തെത്തിയ രാഷ്ട്രപതിക്ക് പി.എന്.പണിക്കര് ഫൗണ്ടേഷന്റെ ചടങ്ങില് പങ്കെടുത്തശേഷം കാര്യമായ പരിപാടികളൊന്നുമില്ലാതെ ഒരു ദിവസം രാജ്ഭവനില് തങ്ങേണ്ടി വന്നു. 24നാണ് മടങ്ങിയത്.
ഗവര്ണറെ സമ്മതം അറിയിച്ച് മടങ്ങിയ വി.സി ദിവസങ്ങള് കഴിഞ്ഞ് രാജ്ഭവനിലെത്തി സിന്ഡിക്കേറ്റിന് താത്പര്യമില്ലെന്ന് അറിയിക്കുന്ന കത്ത് നല്കിയതായാണ് വിവരം. എന്തുകൊണ്ടെന്ന ചോദ്യത്തിന് താത്പര്യമില്ലെന്ന് വി.സി ഗവര്ണറെ വാക്കാല് അറിയിച്ചു. ഇതോടെ സര്വകലാശാലകളില് വിനാശകരമായ രാഷ്ട്രീയ ഇടപെടലാണെന്നു പറഞ്ഞ് ഗവര്ണര് ക്ഷുഭിതനായി. അപ്പോഴേക്കും രാഷ്ട്രപതിയുടെ യാത്രയ്ക്ക് അന്തിമരൂപമായതിനാല് മാറ്റാന് കഴിഞ്ഞില്ല.
നടി ശോഭന, കര്ണാടക സംഗീതജ്ഞന് ടി.എം.കൃഷ്ണ, മുന് വൈസ്ചാന്സലര് എന്.പി.ഉണ്ണി എന്നിവര്ക്ക് ഡിലിറ്റ് നല്കാനുള്ള സംസ്കൃത സര്വകലാശാലാ സിന്ഡിക്കേറ്റിന്റെയും അക്കാഡമിക് കൗണ്സിലിന്റെയും ശുപാര്ശ അംഗീകരിച്ചെങ്കിലും ബിരുദദാനത്തിന് തീയതി നല്കിയില്ല. ഗവര്ണറില്ലാതെ ബിരുദദാനം നടത്താനാവില്ല.
ഓണററി ഡോക്ടറേറ്റ് നല്കാന് വി.സിക്കോ സിന്ഡിക്കേറ്റംഗങ്ങള്ക്കോ ശുപാര്ശ നല്കാം. വൈസ്ചാന്സലര് ഇത് സിന്ഡിക്കേറ്റില് അവതരിപ്പിച്ച് തീരുമാനമെടുക്കണം. സെനറ്റ് വിളിച്ചുചേര്ത്ത് സിന്ഡിക്കേറ്റിന്റെ തീരുമാനം ചര്ച്ചചെയ്യണം. മൂന്നില് രണ്ട് അംഗങ്ങള് അംഗീകരിച്ചാല് ചാന്സലറുടെ അംഗീകാരത്തിന് അയയ്ക്കണം.
" f
https://www.facebook.com/Malayalivartha
