തിരുവനന്തപുരം ആറ്റിങ്ങലിൽ ബസ് കാത്ത് നിന്ന മാധ്യമപ്രവർത്തകയെ മൊബൈൽ ഫോണിൽ അശ്ലീല ദൃശ്യം കാണിച്ച ശേഷം ആക്രമിക്കാൻ ശ്രമം. രാത്രി ഒമ്പത് മണിയോടെ ആറ്റിങ്ങൽ ബസ് സ്റ്റാന്റിലാണ് സംഭവം നടന്നത്.

യുവതി ബഹളം വയ്ക്കുകയും നാട്ടുകാ‍ർ ഓടിക്കൂടുകയും ചെയ്തു. നാട്ടുകാർ അക്രമിയെ പിടികൂടിയെങ്കിലും ഇയാൾ ഓടി രക്ഷപ്പെട്ടു. പ്രതിക്കായി വലവിരിച്ചിരിക്കുകയാണ് അന്വേഷണ സംഘം.