ഷാഫി പറമ്പിൽ എന്ന പൊതു പ്രവർത്തകനോട്, ജനപ്രതിനിധിയോട് ഏറെ ബഹുമാനം തോന്നിയ ദിവസമാണ് ഇന്നെന്ന് രാഹുൽമാങ്കൂട്ടത്തിൽ പറഞ്ഞു. അദ്ദേഹം ഫേസ്ബുക്കിൽപങ് വച്ച കുറിപ്പിന്റെ പൂർണ്ണ രൂപമിങ്ങനെ; ഷാഫി പറമ്പിൽ എന്ന പൊതു പ്രവർത്തകനോട്, ജനപ്രതിനിധിയോട് ഏറെ ബഹുമാനം തോന്നിയ ദിവസമാണ്.

ഇന്നലെ യൂത്ത് കോൺഗ്രസ്സ് സംസ്ഥാന കമ്മിറ്റിയുടെ രാജ്ഭവൻ മാർച്ചിന് വേണ്ടി പാലക്കാട് നിന്ന് തിരുവനന്തപുരത്ത് എത്തിയിരുന്നു അദ്ദേഹം. മൂന്ന് ദിവസം തിരുവനന്തപുരത്ത് തന്നെ തുടരേണ്ട അടിയന്തര സാഹചര്യവും അദ്ദേഹത്തിനുണ്ടായിരുന്നു. മന്ത്രിമാരെയടക്കം കണ്ട് ചെയ്ത് തീർക്കേണ്ടുന്ന ഉദ്യമങ്ങളുമായാണ് അദ്ദേഹം എത്തിയത്.

അദ്ദേഹത്തെ കണ്ടപ്പോൾ മുതൽ ആകെ ഡിസ്റ്റർബ്ഡായിട്ടാണ് തോന്നിയത്. അന്വേഷിച്ചപ്പോഴാണ് മലമ്പുഴ ചേറാട് മലമുകളിൽ അകപ്പെട്ട ബാബുവിന്റെ വിവരം അറിയുന്നത്. പിന്നെ അദ്ദേഹം തുടർച്ചയായ ഫോൺ കോളുകളിലൂടെ റവന്യു മന്ത്രി, സ്ഥലം MLA A പ്രഭാകരൻ, ജില്ലാ കളക്ടർ, ഉന്നത സൈനിക ഉദ്യോഗസ്ഥർ എന്നിവരുമായി സംസാരിച്ച് രക്ഷാപ്രവർത്തനത്തെ എകോപിച്ചു കൊണ്ടിരുന്നു.

അതിനിടയിൽ ബാബുവിന് വെള്ളം എത്തിക്കാൻ പര്യാപ്തമായ ഡ്രോണിന് വേണ്ടി കല്യാണ ക്യാമറാമാന്മാർ, സിനിമാ പ്രവർത്തകർ തൊട്ട് പ്രൊഫഷണൽ ഡ്രോൺ സർവ്വിസിനെ വരെ അദ്ദേഹം നിരന്തരം ബന്ധപ്പെട്ട് കൊണ്ടിരുന്നു. ആ ശ്രമത്തിന്റെ കൂടെ ഫലമായാണ് ഗരുഡാ എയ്റോ സ്പേസ് ഡ്രോൺ ഇന്നെത്തിയത്.

ഫോൺ വഴിയുള്ള പ്രവർത്തനങ്ങളിൽ തൃപ്തി പോരാഞ്ഞ് , തലസ്ഥാനത്തെ അടിയന്തര ആവശ്യങ്ങൾ ഒഴിവാക്കി വൈകിട്ട് തന്നെ അദ്ദേഹം മലമ്പുഴയ്ക്ക് തിരിച്ചു. വെളുപ്പിന് കാണുന്നത്ത് ബാബുവിന്റെ ഉമ്മയെ ചേർത്ത് പിടിച്ച് ആശ്വസിപ്പിച്ച്, രക്ഷാപ്രവർത്തനങ്ങളുടെ എകോപനത്തിന്റെ ഭാഗമാകുന്ന യൂത്ത് കോൺഗ്രസ്സ് പ്രസിഡന്റിനെയാണ്.

ആ സാമിപ്യത്തിന്റെ ആശ്വാസം ആ ഉമ്മയെ കണ്ട മാധ്യമപ്രവർത്തകരോട് അവർ പങ്ക് വെക്കുകയും ചെയ്തു. പാലക്കാട് MLAയ്ക്ക് മലമ്പുഴയിൽ എന്ത് കാര്യം എന്ന് ചിന്തിക്കാതെ ഓടിയെത്തുവാൻ കാണിച്ച ആ ആർദ്രതയുടെ പേരാണ് മനുഷ്യത്വം. ഇന്ന് രാവിലെ അദ്ദേഹത്തെ വിളിച്ചപ്പോൾ സൈന്യ സംഘം ബാബു ഇരിക്കുന്ന മലയുടെ അടുത്തേക്ക് എത്തുന്ന ആശ്വാസം അദ്ദേഹത്തിന്റെ വാക്കുകളിവുണ്ട്. ബാബു തിരിച്ചു വരുമ്പോൾ ഈ മനുഷ്യനുണ്ടാകുന്ന അതിരറ്റ സന്തോഷം ഊഹിക്കാവുന്നതാണ് ... നല്ല മാതൃക .