ഇങ്ങനെ ആയാൽ അടുത്ത ലോകസഭയിലും , നിയമ സഭയിലും ഒക്കെ അവിടെ എന്ത് പറഞ്ഞു കോൺഗ്രസ് വോട്ട് ചോദിക്കും ? ഇന്ത്യയിലെ യഥാർത്ഥ പ്രതിപക്ഷം എന്ന് ചിന്തിക്കുന്നവർ തന്നെ എൻഡിഎയുടെ ഭാഗമാകുന്നത് ശരിയാണോ ? രാഷ്ട്രീയ നിരീക്ഷണം പങ്കു വച്ച് സന്തോഷ് പണ്ഡിറ്റ്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ; പണ്ഡിറ്റിന്റെ രാഷ്ട്രീയ നിരീക്ഷണം

മേഘാലയ സംസ്ഥാനത്ത ബിജെപി നയിക്കുന്ന സര്‍ക്കാറില്‍ അവിടുത്തെ പ്രതിപക്ഷത്തു ഇരിക്കുന്ന മൊത്തം കോണ്‍ഗ്രസ് MLA മാർ ചേർന്ന വാർത്ത ഞെട്ടലോടെയാണ് വായിച്ചത് . പുതുതായി ചേർന്ന ചില കോൺഗ്രസ് MLA മാർ ഉടനെ NDA സർക്കാരിൽ മന്ത്രിമാർ ആകുമത്രേ ! രാഹുൽ ജി ഇതെങ്ങിനെ സമ്മതിച്ചു എന്നാണു ഞാൻ ആലോചിക്കുന്നത് .

ഇങ്ങനെ ആയാൽ അടുത്ത ലോകസഭയിലും , നിയമ സഭയിലും ഒക്കെ അവിടെ എന്ത് പറഞ്ഞു കോൺഗ്രസ് വോട്ട് ചോദിക്കും ? ഇന്ത്യയിലെ യഥാർത്ഥ പ്രതിപക്ഷം എന്ന് ചിന്തിക്കുന്നവർ തന്നെ NDA യുടെ ഭാഗമാകുന്നത് ശരിയാണോ ? ഇത് രണ്ടാം തവണയാണ് ബിജെപി ഘടകകക്ഷിയായ സര്‍ക്കാരില്‍ കോണ്‍ഗ്രസ് പാർട്ടി മൊത്തമായി അംഗമാകുന്നത്.

2015ല്‍ നാഗാലാന്‍ഡില്‍ എട്ട് കോണ്‍ഗ്രസ് എംഎല്‍എമാര്‍ ബിജെപി ഘടകകക്ഷിയായിരുന്ന നാഗാ പീപ്പിള്‍സ് ഫ്രണ്ടിന്റെ നേതൃത്വത്തിലുള്ള സഖ്യസര്‍ക്കാരില്‍ അംഗമായിരുന്നു. സര്‍ക്കാറില്‍ ചേര്‍ന്ന അഞ്ച് എംഎല്‍എമാരും കോണ്‍ഗ്രസ് പാര്‍ട്ടി വിട്ടിട്ടില്ല . 

ഇങ്ങനെ പോയാൽ ഭാവിയിൽ നാഷണൽ ലെവൽ പ്രതിപക്ഷം എന്ന രീതിയിൽ AAP, തൃണമൂൽ Congress, NCP, DMK ഒക്കെ വന്നാൽ അത്ബുധപെടെണ്ടാ .. കോൺഗ്രസ്സിന്റെ പ്രസക്തി നഷ്ടപ്പെടും എന്നാണു എന്റെ നിരീക്ഷണം . ഇനി കേന്ദ്രത്തെ എങ്ങനെ കുറ്റം പറയും ? (മറയില്ലാത്ത വാക്കുകൾ , മായമില്ലാത്ത പ്രവർത്തികൾ , ആയിരം സാംസ്കാരിക നായകന്മാർക്ക് അര പണ്ഡിറ്റ് .. പണ്ഡിറ്റിനെ പോലെ ആരും ഇല്ല )