എങ്ങുമെത്താതെ ചര്‍ച്ചകള്‍, സമരത്തീ കൂട്ടി തൊഴിലാഴികള്‍. മൂന്നാറില്‍ തോട്ടം തൊഴിലാളികള്‍ നടത്തുന്ന സമരത്തിന് പിന്നില്‍ തമിഴ് സംഘടനകളാണെന്ന വാദം തള്ളി ആഭ്യന്തരവകുപ്പ്. പ്രചരണം തെറ്റാണെന്ന ഇന്റലിജന്റ്‌സ് വൃത്തങ്ങള്‍ക്ക് ആഭ്യന്തരവകുപ്പിന് റിപ്പോര്‍ട്ട് നല്‍കി. സമരം ഏത്രയും പെട്ടെന്ന് തീര്‍ക്കണമെന്നും ഉടന്‍ പരിഹരിച്ചില്ലെങ്കില്‍ നിയന്ത്രണാതീതമാകുമെന്നും രഹസ്യാന്വേഷണ വിഭാഗം ആഭ്യന്തരവകുപ്പിന് വിവരം നല്‍കിയിട്ടുണ്ട്.
ഒരാഴ്ചയിലേക്ക് കടന്നിരിക്കെ സമരം കൂടുതല്‍ ശക്തമാക്കാനുള്ള നീക്കത്തിലാണ് തൊഴിലാളികള്‍. ഇന്നലെ ദേശീയപാത പൂര്‍ണമായി ഉപരോധിച്ചു. ജനപങ്കാളിത്തം വര്‍ധിച്ചതിനാല്‍ സമരത്തിന്റെ സമാധാന സ്വഭാവം കൈവിട്ടു പോകാനുള്ള സാധ്യതയുണ്ടെന്നു യൂണിയന്‍ നേതാക്കള്‍ അഭിപ്രായപ്പെട്ടു.സമരം പരിഹരിക്കുന്നതിനു മാനേജ്‌മെന്റ്, ട്രേഡ് യൂണിയന്‍ പ്രതിനിധികളുമായി സര്‍ക്കാര്‍ നടത്തിയ രണ്ടാംവട്ട ചര്‍ച്ചയും പരാജയപ്പെട്ടു. സമരം തീര്‍ക്കാന്‍ ട്രേഡ് യൂണിയനുകളും ചില ഉദ്യോഗസ്ഥരും ശ്രമിക്കുന്നില്ലെന്നും വിമര്‍ശനമുണ്ട്.
ഞായറാഴ്ച എറണാകുളത്തു വീണ്ടും ചര്‍ച്ച നടത്തും. അതിനിടയില്‍ ബോണസ് ആവശ്യം അംഗീകരിക്കുന്നതുവരെ സമരം തുടരുമെന്നു സമരസമിതി നേതാക്കള്‍ അറിയിച്ചു. 20 ശതമാനം ബോണസെന്ന തൊഴിലാളികളുടെ ആവശ്യത്തിനു രണ്ടുദിവസത്തിനകം പരിഹാരം കാണുമെന്നും നേരത്തേ മന്ത്രി ഉറപ്പുനല്‍കി. നിലവില്‍ കിട്ടുന്ന കൂലി 231 രൂപ 500 രൂപയായി വര്‍ധിപ്പിക്കുകയെന്ന തൊഴിലാളികളുടെ ആവശ്യം 26 നകം പരിഹരിക്കുമെന്ന മന്ത്രിയുടെ പ്രഖ്യാപനം സമരമുഖത്തുള്ളവര്‍ സ്വീകരിച്ചിട്ടില്ല. അതുകൊണ്ടുതന്നെ തങ്ങളുടെ എല്ലാ ആവശ്യങ്ങളും അംഗീകരിക്കുന്നതുവരെ സമരം തുടരാനാണ് അവരുടെ തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha