ടിപ്പര്‍ലോറി ഇടിച്ച് പരിക്കേറ്റ് ചികിത്സയിലിരുന്ന ക്ഷീരകര്‍ഷകൻ മരിച്ചു. ചേര്‍ത്തല നഗരസഭ പതിനഞ്ചാം വാര്‍ഡ് ചന്ദ്രാലയം വീട്ടില്‍ സുബ്രഹ്‌മണ്യന്‍ (55) ആണ് മരിച്ചത്.

18-ാം തീയതി മരുത്തോര്‍വട്ടം കുഞ്ചിക്കവലയില്‍ വച്ച് സൈക്കിളില്‍ പോകുന്നതിനിടെയാണ് ഇദ്ദേഹത്തെ ടിപ്പര്‍ ലോറി തട്ടിയത്. പരുക്കേറ്റതിനെ തുടര്‍ന്ന് കോട്ടയത്തെ സ്വകാര്യ ആശുപത്രിയില്‍ ചികിത്സയിലിരിക്കെയാണ് മരിച്ചത്.

തമിഴ്‌നാട് സ്വദേശിയായ സുബ്രഹ്‌മണ്യന്‍ 37 വര്‍ഷത്തോളമായി മരുത്തോര്‍വട്ടത്തായിരുന്നു താമസം. ഭാര്യ: ഈശ്വരി. മക്കള്‍: നവീന്‍, കൃതിക. സംസ്‌കാരം ഇന്ന് ഉച്ചയ്ക്ക് ഒരു മണിക്ക് വീട്ടുവളപ്പില്‍ നടക്കും.

 " fr