മലകയറാൻ ബാബുവിനെ ഒപ്പം രണ്ട് മൂന്ന് സുഹൃത്തുക്കൾ കൂടെ ഉണ്ടായിരുന്നു അവരുടെ വെളിപ്പെടുത്തൽ ഇപ്പോൾ പുറത്തു വന്നിരിക്കുകയാണ്. ഞങ്ങൾ കളിക്കാൻ വന്നു കണ്ടു കൂട്ടുകരായവരാണ്. ഈ മലയിൽ പോകാൻ ബാബു ഞങ്ങളെ ക്ഷണിക്കുകയായിരുന്നു. പകുതി എത്തിയപ്പോൾ തന്നെ ഞങ്ങൾ വല്ലാതെ ക്ഷീണിക്കുകയും വെള്ളം ഒന്നും കിട്ടാത്ത സ്ഥലമായതിനാൽ ഭയക്കുകയും ചെയ്തു .

അതുകൊണ്ടുതന്നെ തിരിച്ചുപോരാൻ ഞങ്ങൾ നിർബന്ധിതരായി. ബാബുവിനോട് തിരിച്ചുപോകാം എന്ന് പറഞ്ഞപ്പോൾ ബാബു അതിനു സമ്മതിച്ചില്ല. എനിക്ക് മുകളിൽ പോണം എന്ന തീരുമാനത്തോടെ ബാബു മുകളിലേക്ക് തന്നെ പോവുകയായിരുന്നു. പരമാവധി ഞങ്ങൾ ബാബുവിനെ താഴേക്ക് കൊണ്ടുവരാൻ ശ്രമിച്ചെങ്കിലും സാധിച്ചില്ല. അതുകൊണ്ട് ഞങ്ങൾ പകുതി വച്ചു തിരിച്ചുപോന്നു. പിന്നീടാണ് താൻ അറിഞ്ഞത് ബാബു അവിടെ കുടുങ്ങി പോയ കാര്യം.

ആൾക്കാർ എല്ലാം കൂടുന്നത് കണ്ടിട്ട് ഞാൻ അവന്റെ ഫോണിലേക്ക് വിളിച്ചപ്പോൾ അവൻ എന്നോട് പറഞ്ഞു ഞാൻ ഇവിടെ കുടുങ്ങി കിടക്കുകയാണെന്ന്. എന്തായാലും അവൻ രക്ഷപ്പെട്ടതിൽ വളരെയധികം സന്തോഷമുണ്ട്. അല്പം കൗതുകത്തിനുവേണ്ടി മാത്രമാണ് ഞങ്ങൾ മലയിലേക്ക് പോയതെന്നും സുഹൃത്ത് വെളിപ്പെടുത്തുകയുണ്ടായി.മലകയറി കൊടിനാട്ടിയേ വരൂ എന്ന് ബാബു പറഞ്ഞുവെന്നും അവർ വെളിപ്പെടുത്തിയിരിക്കുകയാണ് .

രാവിലെ പത്ത് മണിയോടെയാണ് മലകയറാന്‍ പോയത്. കളിച്ചുകൊണ്ടിരിക്കുമ്പോള്‍ ബാബു വന്ന് വിളിക്കുകയായിരുന്നു. വീട്ടിലെത്തി ഭക്ഷണം കഴിച്ച് കിടന്നുറങ്ങി. ആംബുന്‍സിന്റേയും പോലീസിന്റേയുമൊക്കെ ശബ്ദം കേട്ടു. കൂട്ടുകാരന്‍ ഫോട്ടോ അയച്ചുതന്നപ്പോഴാണ് ബാബു കുടുങ്ങിയ വിവരം അറിഞ്ഞതെന്നാണ് മറ്റൊരു കൂട്ടുക്കാരൻ വെളിപ്പെടുത്തിയത്.