ഓരോ ദിവസം കഴിയുംതോറും പ്രവാസികളിൽ പ്രതീക്ഷ അസ്തമിക്കുകയാണ്. അതായത് കേരളത്തിലെ എയർപോർട്ടുകളിലെ റാപിഡ്​ പരിശോധനയിൽ പോസിറ്റിവാകുന്നവരുടെ എണ്ണം ജനുവരിയിൽ കുതിച്ചുയർന്നതായുള്ള കണക്കുകളാണ് ഇപ്പോൾ പുറത്ത് വന്നിരിക്കുന്നത്.

ലഭ്യമാകുന്ന വിവരം അനുസരിച്ച് ഡിസംബറിൽ ഒരു ശതമാനമത്തിൽ താഴെയായിരുന്നു പോസിറ്റവായിരുന്നതെങ്കിൽ ജനുവരിയിലെത്തിയപ്പോൾ നാലു​ ശതമാനത്തിനും മുകളിലായിരിക്കുകയാണ് എണ്ണം. ഒമിക്രോൺ വ്യാപനമാണ്​ പോസിറ്റിവാകുന്നവരുടെ എണ്ണം കൂടാൻ കാരണമെന്ന്​ പരിശോധന ലാബുകൾ ചൂണ്ടിക്കാണിക്കുന്നു.

അതായത് ജനുവരിയിൽ ഏറ്റവും കൂടുതൽ പോസിറ്റിവ്​ കേസുകൾ റിപ്പോർട്ട്​ ചെയ്തത്​ തിരുവനന്തപുരം വിമാനത്താവളത്തിലാണ്​, 4.69 ശതമാനമാണ്. കോഴിക്കോട്​ പരിശോധിച്ചവരിൽ 4.66 ശതമാനം പേരും കണ്ണൂരിൽ 3.70 ശതമാനവും കൊച്ചിയിൽ 3.01 ശതമാനവും പോസിറ്റിവായിട്ടുണ്ട്. അതേസമയം, ഡിസംബറിൽ കോഴിക്കോട്​ 0.53 ശതമാനം മാത്രമായിരുന്നു തിരുവനന്തപുരം വിമാനത്താവളത്തിലെ പോസിറ്റിവ്​ കേസുകൾ. ഏറ്റവും കുറവുള്ള കൊച്ചിയിൽ 0.10 ശതമാനം മാത്രമായിരുന്നു പോസിറ്റിവ് എന്നത്​.

കൂടാതെ കോഴിക്കോട്​ 0.40 ശതമാനവും കണ്ണൂരിൽ 0.38 ശതമാനവുമായിരുന്നു. ആഗസ്റ്റ്​ മുതലുള്ള കണക്കു​നോക്കിയാൽ ഏറ്റവും കുറവ്​ കൊച്ചിയിലാണ് ഉള്ളത്​. നവംബർ, ജനുവരി മാസങ്ങളിൽ ഒഴിച്ചാൽ ഒരിക്കൽ പോലും കൊച്ചിയിൽ 0.10 ശതമാനത്തിനു​ മുകളിൽ പോസിറ്റിവ്​ കേസുകൾ ഉണ്ടായിട്ടില്ല. മൈക്രോ ഹെൽത്ത്​ ലാബാണ്​ കണക്കുകൾ പുറത്തുവിട്ടിരിക്കുന്നത്​.