മദ്യം വാങ്ങാന്‍ പണം നല്‍കാത്തത്തിനെ തുടര്‍ന്നുണ്ടായ വാക്കുതര്‍ക്കത്തെ തുടര്‍ന്ന് നടന്ന കൊലപാതകത്തില്‍ രണ്ടുപേര്‍കൂടി പിടിയില്‍
മദ്യം വാങ്ങാന്‍ പണം നല്‍കാത്തത്തിനെ തുടര്‍ന്നുണ്ടായ വാക്കുതര്‍ക്കത്തില്‍ യുവാവ് കുത്തേറ്റ് മരിച്ച കേസില്‍ ശേഷിച്ച മൂന്ന് പ്രതികളില്‍ രണ്ട് പേരെ വിഴിഞ്ഞം പോലീസ് അറസ്റ്റുചെയ്തു. മറ്റൊരു പ്രതി പോലീനെ കണ്ട് ഓടിരക്ഷപ്പെട്ടു. പയറ്റുവിള സ്വദേശികളായ റജി(44), സജീവ്(54) എന്നിവരെയാണ് പൂങ്കുളത്തിനും വെള്ളായണിക്കാര്‍ഷിക കോളേജിനും ഇടയിലുള്ള കോളിയൂരിലെ ഒളിസങ്കേതത്തില്‍നിന്ന് ബുധനാഴ്ച രാവിലെയോടെ അറസ്റ്റുചെയ്തത്.
ഇവര്‍ക്കൊപ്പമുണ്ടായിരുന്ന പയറ്റുവിള സ്വദേശി സുധീര്‍(40) ഓടിരക്ഷപ്പെട്ടുവെന്ന് പോലീസ് പറഞ്ഞു. പ്രതികളിലൊരാളായ സജീവ് ഒളിസങ്കേതത്തില്‍ നിന്നിറങ്ങിപരിചയക്കാരാനായ ഒരാളുടെ ഫോണില്‍നിന്ന് ഭാര്യയെ വിളിച്ചിരുന്നു. പോലീസിന്റെ നിരീക്ഷണത്തിലായിരുന്നു സജീവന്റെ ഭാര്യയുടെ ഫോണ്‍. കോളിയൂരിനു സമീപമുള്ള വയലോരത്തെ തകര്‍ന്ന ഷെഡ്ഡിലായിരുന്നു പ്രതികള്‍ ഒളിച്ചിരുന്നത്.
എസ്.ഐ. കെ.എല്‍.സമ്ബത്ത്, അസി. സബ് ഇന്‍സ്‌പെക്ടര്‍ സാബു ചന്ദ്രന്‍, സി.പി.ഒ. പ്രകാശ് എന്നിവര്‍ ഷെഡ്ഡ് വളഞ്ഞ് പ്രതികളെ പിടികൂടുന്നതിനിടയില്‍ ഒരാള്‍ ഷെഡ്ഡിന്റെ മറയായ തകരം മറിച്ചിട്ട് ഓടി രക്ഷപ്പെട്ടു. രണ്ട് പ്രതികളെയും സ്‌റ്റേഷനിലെത്തിച്ചു. ഇവരെ ചോദ്യം ചെയ്യുകയാണെന്ന് വിഴിഞ്ഞം ഇന്‍സ്‌പെക്ടര്‍ പ്രജീഷ് ശശി പറഞ്ഞു.
https://www.facebook.com/Malayalivartha
