യോഗി ആദിത്യനാഥ് തുറന്ന് കാണിച്ചത് കേരളത്തിലെ ഭരണ പരാജയം! എല്ലാത്തിലുംനമ്പർ വണ്‍ ആണെന്ന് പറയുന്ന പിണറായി വിജയന്‍ പിന്നെന്തിനാണ് ചികിത്സയ്ക്ക് വേണ്ടി അമേരികയില്‍ പോയത്?? ഭീകരവാദത്തോട് ഇവിടുത്തെ സര്‍കാരിന് മൃദുസമീപനമാണുള്ളത്: കുറ്റപ്പെടുത്തലുമായി ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍
യുപി മുഖ്യമന്ത്രി യോഗി ആദിത്യനാഥ് തുറന്ന് കാണിച്ചത് കേരളത്തിലെ ഭരണ പരാജയത്തെയാണെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. എന്നാല്‍ യോഗിയുടെ വിമര്‍ശനം കേരളത്തിനെതിരാണെന്ന് വരുത്തി തീര്‍ക്കാനാണ് മുഖ്യമന്ത്രി പിണറായി വിജയന്‍ ശ്രമിക്കുന്നതെന്നും സുരേന്ദ്രന്‍ കുറ്റപ്പെടുത്തുകയും ചെയ്തു.
കേരളം എല്ലാത്തിലുംനമ്പർ വണ്‍ ആണെന്ന് പറയുന്ന പിണറായി വിജയന്‍ പിന്നെന്തിനാണ് ചികിത്സയ്ക്ക് വേണ്ടി അമേരികയില്‍ പോയതെന്ന് പറയണമെന്നും സുരേന്ദ്രന്‍ ആവശ്യപ്പെടുകയും ചെയ്തു.
സ്വര്‍ണക്കള്ളക്കടത്ത് നടത്തുന്ന സര്‍ക്കാരാണ് കേരളത്തിലുള്ളത്. മുഖ്യമന്ത്രിയുടെ പ്രിന്‍സിപല്‍ സെക്രടറി പോലും സ്വര്‍ണക്കടത്ത് നടത്തുന്ന സാഹചര്യമാണ് കേരളത്തിലുള്ളത്. ഭീകരവാദത്തോട് ഇവിടുത്തെ സര്‍കാരിന് മൃദുസമീപനമാണുള്ളത്. ദാഇഷിലേക്ക് ഏറ്റവും കൂടുതല്‍ റിക്രൂട് മെന്റ് നടന്ന സ്ഥലം കേരളമാണ്. പോപുലര്‍ ഫ്രണ്ട് തീവ്രവാദികള്‍ അഴിഞ്ഞാടുന്ന സംസ്ഥാനമായി കേരളം മാറിയെന്നും സുരേന്ദ്രന്‍ ചൂണ്ടികാട്ടുകയുണ്ടായി.
പിണറായി വിജയന്റെ സര്‍കാരാണ് മത തീവ്രവാദികള്‍ക്ക് എല്ലാ സഹായവും ചെയ്തുകൊടുക്കുന്നത്. പൊലീസില്‍ നിന്ന് പോലും പോപുലര്‍ ഫ്രണ്ടുകാര്‍ അവരുടെ അജന്‍ഡ നടപ്പാക്കുകയാണ്. കോവിഡ് ടിപിആര്‍ 50 ശതമാനം വരെ എത്തിയ നാണക്കേട് ഏറ്റുവാങ്ങിയ സംസ്ഥാനമാണ് കേരളം.
മരണ നിരക്കില്‍ ഏറ്റവും മുമ്ബില്‍ നില്‍ക്കുന്ന സംസ്ഥാനങ്ങളിലൊന്നും കേരളമാണ്. മരണനിരക്ക് പൂഴ്ത്തിവെച്ച മനുഷ്യത്വവിരുദ്ധമായ സംസ്ഥാന സര്‍കാരാണിതെന്നും സുരേന്ദ്രന്‍ കുറ്റപ്പെടുത്തി.
സ്ത്രീ പീഡന കേസിലും എസ് ടി -എസ് സി അതിക്രമങ്ങളിലും കേരളം നമ്ബര്‍ വണ്‍ ആണ്. ആറുമണി വാര്‍ത്താസമ്മേളനങ്ങളില്‍ മറ്റു സംസ്ഥാനങ്ങളെ വിമര്‍ശിക്കാറുള്ള പിണറായി വിജയന്‍ തിരിച്ച്‌ വിമര്‍ശനം ഏറ്റുവാങ്ങുമ്ബോള്‍ പ്രാദേശിക വികാരം കത്തിക്കുന്നത് ലജ്ജാകരമാണ്. സര്‍കാര്‍ പദ്ധതികളെല്ലാം അഴിമതി നടത്താനുള്ള ഉപാധിയാക്കി മാറ്റിയ സര്‍കാരാണ് കേരളം ഭരിക്കുന്നതെന്നും സുരേന്ദ്രന്‍ പറഞ്ഞു.
https://www.facebook.com/Malayalivartha
