കാട്ടാക്കടയിലെ പ്രധാന റോഡുകള്‍ തകര്‍ച്ചയില്‍; ദുരിതം പേറി നാട്ടുകാർ, അഗ്നിരക്ഷാസേനയുടെ യാത്രയെവരെ തടസ്സപ്പെടുത്തുന്നു...
നെയ്യാര്‍ഡാമിലേക്കും മണ്ഡപത്തിന്‍കടവിലേക്കുമൊക്കെ യാത്ര ചെയ്യാനുള്ള പ്രധാന റോഡുകള്‍ തകര്‍ന്നത് വാഹനയാത്ര ദുരിതമാക്കുന്നു.
കാട്ടാക്കട ജങ്ഷന്‍ മുതല്‍ ചൂണ്ടുപലക വരെയുള്ള റോഡിലെയും നെയ്യാര്‍ഡാം, മണ്ഡപത്തിന്‍കടവ് റോഡുകളിലെയും കുഴികള്‍ അഗ്നിരക്ഷാസേനയുടെ യാത്രയെവരെ തടസ്സപ്പെടുത്തുകയാണ്.പോലീസ് സ്റ്റേഷന്‍ മുതല്‍ ചൂണ്ടുപലക വരെ മൂന്നിടങ്ങളിലും റോഡ് പൂര്‍ണമായും തകര്‍ന്നു. മണ്ഡപത്തിന്‍കടവ് വരെ റോഡിലാകെ വലിയ കുഴികളാണ്.
സര്‍ക്കാര്‍ സ്ഥാപനങ്ങള്‍, ആശുപത്രികള്‍, സ്കൂളുകള്‍ തുടങ്ങി ജനങ്ങള്‍ക്ക് എത്തിപ്പെടേണ്ട പ്രധാന സ്ഥാപനങ്ങളെല്ലാം ഈ റോഡിലാണ്. പ്രധാന വിനോദസഞ്ചാരകേന്ദ്രമായ നെയ്യാര്‍ഡാമിലേക്കുള്ള റോഡും പൊളിഞ്ഞസ്ഥിതിയിലാണ്. ചൂണ്ടുപലക മുതല്‍ കള്ളിക്കാട് പാലം വരെയുള്ള റോഡിന്റെ പ്രധാന ജങ്ഷനുകളിലെല്ലാം വലിയ കുഴികളാണ്. റോഡ് അപകടസ്ഥിതിയിലായിട്ട് ഏറെ നാളായി.
നെയ്യാര്‍ ടൂറിസം പദ്ധതിയില്‍ ഉള്‍പ്പെടുത്തി നെയ്യാര്‍ഡാം- ചൂണ്ടുപലക റോഡ് ആധുനികരീതിയില്‍ നവീകരിക്കാന്‍ 58.73 കോടി രൂപ അനുവദിച്ചിച്ചിരുന്നു. എന്നാല്‍ പദ്ധതി പ്രഖ്യാപിച്ചശേഷം നെയ്യാര്‍ഡാം കാളിപ്പാറ ജലശുദ്ധീകരണശാലയില്‍നിന്ന്‌ അരുവിക്കരയിലേക്ക് വെള്ളമെത്തിക്കാന്‍ പുതിയ ഒരു പദ്ധതിക്ക് അനുമതിയായി.
https://www.facebook.com/Malayalivartha
