കുമളിയില് കഞ്ചാവുമായി രണ്ടു യുവാക്കള് പിടിയില്
കഞ്ചാവുമായി ചങ്ങനാശേരി സ്വദേശികളായ രണ്ടു യുവാക്കള് പിടിയില്. കുമളി വാണിജ്യ നികുതി ചെക്ക്പോസ്റ്റിലെ എക്സൈസ് അധികൃതരുടെ പരിശോധനയ്ക്കിടെയാണ് ഇവര് പിടിയിലാകുന്നത്. ചങ്ങനാശേരി കിഴക്കോട്ടുമുറിയില് നിസാറിന്റെ മകന് അജ്മല് (19), നാലുകോടി കുന്നുപറമ്പില് മോഹനന്റെ മകന് വിഷ്ണുമോഹന് (19) എന്നിവരാണ് പിടിയിലായത്. ഇവരില്നിന്നു അരക്കിലോ കഞ്ചാവ് പിടികൂടി.
തമിഴ്നാട്ടിലെ കമ്പത്തു നിന്നു വാങ്ങിയ കഞ്ചാവ് ചങ്ങനാശേരിയിലെ വ്യാപാരിക്കായി കൊണ്ടു പോകുകയായിരുന്നുവെന്ന് ഇവര് എക്സൈസിനു മൊഴി നല്കി. കൂടുതലായും യുവാക്കളാണ് കഞ്ചാവ് കടത്തിനായി രംഗത്തുള്ളത്.
എക്സൈസ് ഇന്സ്പെക്ടര്മാരായ ടി.ആര്. സെല്വരാജ്, എം.എസ്. ജനീഷ്, പ്രിവന്റീവ് ഓഫീസര്മാരായ അനുബാബു, സുനില്കുമാര്, സിറാജൂദീന് എന്നിവരുടെ നേതൃത്വത്തിലാണ് ഇവരെ പിടികൂടിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha