ഒരാഴ്ചയായി ശക്തമായിരിക്കുന്ന മൂന്നാറിലെ തോട്ടം തൊഴിലാളികളുടെ സമരത്തിനിടയിലേക്ക് നാടകീയമായി എത്തിയ എംഎല്‍എ യെ സമരക്കാര്‍ വിരട്ടിയോടിച്ചു. ദേവികുളം എംഎല്‍എ എസ് രാജേന്ദ്രനാണ് സമരക്കാരുടെ എതിര്‍പ്പിനെ തുടര്‍ന്ന് തിരിച്ചു പോകേണ്ടി വന്നത്. സമരത്തെ അനുകൂലിച്ച്അഭിപ്രായം പ്രകടിപ്പിച്ചതിന് തൊട്ടുപിന്നാലെയാണ് എംഎല്‍എ സമരവേദി സന്ദര്‍ശിച്ചതും തിരിച്ചുപോകേണ്ടി വന്നതും.
വെള്ളിയാഴ്ച പതിനൊന്നരയോടെ എസ് രാജേന്ദ്രന്‍ സമരക്കാര്‍ക്കിടയിലേക്ക് എത്തിയത്. സമരനേതാക്കളുമായി ചര്‍ച്ചയായിരുന്നു ലക്ഷ്യം. എന്നാല്‍ സ്ത്രീകള്‍ അടങ്ങുന്ന സമരക്കാര്‍ എംഎല്‍എ യ്‌ക്കെതിരേ ശക്തമായി പ്രതിഷേധിച്ചു. സമരവേദിയിലേക്ക് അടുക്കാന്‍ പോലും സമ്മതിക്കാതിരിക്കുകയും തിക്കിത്തിരക്കി മുന്നോട്ടു കൊണ്ടുപോകുകയും ചെയ്തു. തുടര്‍ന്ന് പോലീസ് ഇടപെട്ട് രാജേന്ദ്രനെ തിരിച്ചയയ്ക്കുകയായിരുന്നു. എംഎല്‍എ യുടെ ദൃശ്യങ്ങള്‍ പകര്‍ത്താന്‍ ഒരുങ്ങിയ മാധ്യമപ്രവര്‍ത്തകര്‍ക്ക് നേരെയും സമരക്കാര്‍ തിരിഞ്ഞു.
സമരവുമായി ബന്ധപ്പെട്ട് എംഎല്‍എയുടെ ദൃശ്യങ്ങള്‍ കാണിക്കരുതെന്ന് ആവശ്യപ്പെട്ടു. തുടങ്ങിയിട്ട് ദിവസങ്ങളായെങ്കിലും ഒരു നേതാക്കളെയും സമരക്കാര്‍ അടുപ്പിച്ചിട്ടില്ല. ഇതുവരെ പരിഹരിക്കപ്പെടാത്ത പ്രശ്‌നം തങ്ങള്‍ തന്നെ പരിഹരിച്ചോളാമെന്ന നിലപാടിലാണ് സമരക്കാര്‍. വിവിധ പാര്‍ട്ടികളുടെ അനേകം നേതാക്കള്‍ മൂന്നാറിലൂണ്ടെങ്കിലും ആരും സമരവേദിയിലേക്ക് അടുക്കുന്നില്ല.
സമരം ഒരാഴ്ചയിലേക്ക് കടന്നിരിക്കെ രണ്ടു ചര്‍ച്ചകള്‍ പരാജയപ്പെട്ടിരുന്നു. അതേസമയം സമരവേദിയിലേക്ക് എത്തിയാല്‍ വി എസ് അച്യുതാനന്ദനെ തടയില്ലെന്ന് സമരനേതാക്കള്‍ പ്രതികരിച്ചു. പ്രശ്‌നം പരിഹരിച്ചില്ലെങ്കില സമരമുന്നണിയില്‍ താനുണ്ടാകുമെന്ന് വി എസും പ്രതികരിച്ചു. സ്ത്രീകളുടെ നേതൃത്വത്തിലാണ് സമരം പ്രധാനമായും നടക്കുന്നത്.
അതേ സമയം സമരത്തിനുപിന്നില്‍ മറ്റാരുമില്ലെന്നും ദിവസങ്ങള്‍ താമസിക്കുന്തോറും സമരത്തിന്റെ രൂപം മാറുമെന്നും രഹസ്യാന്വേഷ്ണ റിപ്പോര്‍ട്ടുണ്ട്. ഞായറാഴ്ച്ചയാണ് ഇനി സമരക്കാരുമായി സര്‍ക്കാര്‍ ചര്‍ച്ച വെച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha