പി.വി.അന്വര് എം എല് എയുടെ തടയണയും റോപ് വേയും പൊളിക്കാനുള്ള നീക്കത്തിന് സി പി എം പിന്തുണ... അന്വറിനെ തുടര്ന്നും പിന്തുണച്ചാല് സി പി എമ്മിന് ക്വട്ടേഷനാവുമെന്ന തിരിച്ചറിവിന്റെ അടിസ്ഥാനത്തിലാണ് തീരുമാനം
പി.വി.അന്വര് എം എല് എയുടെ തടയണയും റോപ് വേയും പൊളിക്കാനുള്ള നീക്കത്തിന് സി പി എം പിന്തുണ. അന്വറിനെ തുടര്ന്നും പിന്തുണച്ചാല് സി പി എമ്മിന് ക്വട്ടേഷനാവുമെന്ന തിരിച്ചറിവിന്റെ അടിസ്ഥാനത്തിലാണ് തീരുമാനം. തദ്ദേശ സ്വയംഭരണ വകുപ്പു മന്ത്രി എം.വി.ഗോവിന്ദന് മുഖ്യമന്ത്രിയുമായി നടത്തിയ ചര്ച്ചയെ തുടര്ന്നാണ് തീരുമാനെമെന്നറിയുന്നു
നിലമ്പൂര് കക്കാടംപൊയിലില് പി വി അന്വര് എംഎല്എയുടെ ഭാര്യാപിതാവിന്റെ ഉടമസ്ഥതയിലുള്ള ഭൂമിയിലെ തടയണയും റോപ് വേയും ഇന്ന് പൊളിച്ചു നീക്കും. ഊര്ങ്ങാട്ടേരി പഞ്ചായത്തിന്റെ നേതൃത്വത്തിലാണ് നടപടികള്. ഒരു എം എല് എ യുടെ ഉടമസ്ഥതയിലുള്ള സ്ഥലം പൊളിക്കുന്നത് പഞ്ചായത്തിന് മാത്രം തീരുമാനിക്കാന് കഴിയുന്ന കാര്യമില്ല. തദ്ദേശ സ്വയംഭരണ വകുപ്പുമായി ക്യത്യമായ കൂടിയാലോചനകള് ഇക്കാര്യത്തില് നടന്നിട്ടുണ്ട്.
അനുമതിയില്ലാതെ കെട്ടിയ തടയണ പൊളിച്ചു നീക്കാന് നേരെത്തെ ഹൈക്കോടതിയും ഓംബുഡ്സ്മാനും നിര്ദേശിച്ചിരുന്നു. 2015-16 കാലയളവിലാണ് കക്കാടംപൊയിലില് പി വി അന്വര് തടയണകള് നിര്മ്മിച്ചത്. അനുമതിയില്ലാതെയാണ് നടപടികളെന്ന പ്രദേശവാസികളുടെ പരാതിയിലാണ് ഇപ്പോഴത്തെ നടപടികള്.
നേരത്തെ, റസ്റ്റോറന്റിനുള്ള അനുമതിയുടെ മറവില് ചീങ്കണ്ണിപ്പാലി വിവാദ തടയണക്ക് കുറുകെ പി വി അന്വര് എംഎല്എയുടെ ഭാര്യാപിതാവ് സി കെ അബ്ദുള് ലത്തീഫ് നിയമവിരുദ്ധമായി കെട്ടിയ റോപ് വെ പൊളിച്ചുനീക്കാനുള്ള ഉത്തരവ് നടപ്പാക്കുന്നതില് വീഴ്ചവരുത്തിയാല് പഞ്ചായത്ത് സെക്രട്ടറിക്ക് പിഴ ചുമത്തുമെന്നാണ് തദ്ദേശ സ്വയംഭരണസ്ഥാപനങ്ങളുടെ ഓംബുഡ്സ്മാന് ജസ്റ്റിസ് പി എസ് ഗോപിനാഥന് ഉത്തരവിട്ടിരുന്നു. അനധികൃത നിര്മ്മാണങ്ങള് പൊളിച്ചുനീക്കി നടപടിക്രമങ്ങള് ജനുവരി 25ന് റിപ്പോര്ട്ട് ചെയ്യണമെന്നും ഊര്ങ്ങാട്ടിരി പഞ്ചായത്ത് സെക്രട്ടറിക്ക് ഓംബുഡ്സ്മാന് ഉത്തരവ് നല്കിയിരുന്നു.
എന്നാല്, രണ്ടാം തവണയും നടപടികള് വൈകിയിരിക്കുകയാണ്. മുമ്പ്, അനധികൃതനിര്മ്മാണങ്ങള് പൊളിച്ചുനീക്കി നവംബര് 30ന് റിപ്പോര്ട്ട് ചെയ്യാനാണ് സെപ്റ്റംബര് 22ന് ഓംബുഡ്സ്മാന് ഉത്തരവ് നല്കിയത്. എന്നാല് ഈ ഉത്തരവ് നടപ്പാക്കാത്ത സാഹചര്യത്തിലാണ് പിഴ ചുമത്തുമെന്ന മുന്നറിയിപ്പും നല്കിയത്. ഓംബുഡ്സ്മാന് ഉത്തരവ് ലഭിക്കാന് കാലതാമസമുണ്ടായെന്നും സി കെ അബ്ദുള് ലത്തീഫിന് അയച്ച ആദ്യ രണ്ടു നോട്ടീസും മേല്വിലാസക്കാരനില്ലെന്നു പറഞ്ഞ് മടങ്ങിയിരുന്നു ഒരു എം എല് എ യുടെ അമ്മാവന്റെ വിലാസം അറിയില്ലെന്ന് പറയുന്നതും അത്ഭുതമാണ്.
പിവി അന്വര് എംഎല്എയുടെ അനധികൃത സ്വത്തിലും നികുതി വെട്ടിപ്പിലും അന്വേഷണം തുടങ്ങിയെന്ന് ആദായ നികുതി വകുപ്പ് ഹൈക്കോടതിയെ അറിയിച്ചു. കൊച്ചി യൂണിറ്റിലെ ഇന്വെസ്റ്റിഗേഷന് പ്രിന്സിപ്പല് ഡയറക്ടറുടെ മേല്നോട്ടത്തില് ആണ് ആന്വേഷണം. മലപ്പുറം സ്വദേശി കെ വി ഷാജി നല്കിയ പൊതുതാല്പ്പര്യ ഹര്ജിയിലാണ് ആദായ നികുതി വകുപ്പ് നിലപാട് അറിയിച്ചത്.
നികുതി വെട്ടിപ്പില് അന്വേഷണം വേണമെന്നാവശ്യപ്പെട്ട് കേന്ദ്ര ആദായ നികുതി വകുപ്പിന് പരാതി നല്കിയിട്ടും അന്വറിന്റെ സ്വാധീനം കാരണം അന്വേഷണം നടക്കുന്നില്ലെന്നും കോടതി ഇടപെട്ട് അന്വേഷണത്തിന് ഉത്തരവിടണമെന്നും ഹര്ജിക്കാരന് കോടതിയെ അറിയിച്ചിരുന്നു. ആദായനികുതി വകുപ്പിന്റെ നിലപാട് രേഖപ്പെടുത്തിയ ഡിവിഷന് ബഞ്ച് പൊതുതാല്പ്പര്യ ഹര്ജി തീര്പ്പാക്കി. 2011 മുതല് 2019 വരെയുള്ള കാലത്ത് പി വി അന്വറിന്റെ സ്വത്തില് കോടികളുടെ വര്ധനവ് ഉണ്ടായിട്ടും വരുമാന നഷ്ടം കാണിച്ച് നികുതി അടച്ചില്ലെന്ന് ഹര്ജിക്കാരന് കോടതിയെ അറിയിച്ചു.
https://www.facebook.com/Malayalivartha
