അപകടത്തിന്റെ ദൃശ്യങ്ങൾ മാധ്യമങ്ങളിൽ നിറഞ്ഞതോടെ കെഎസ്ആർടിസി അന്വേഷണം തുടങ്ങിയത്! ഡ്രൈവർ വലത്തോട്ട് ബസ് വെട്ടിച്ചതോടെ അപകടം! പാലക്കാട്ടെ യുവാക്കളുടെ അപകടമരണത്തിൽ കെ.എസ്.ആർ.ടി.സി ഡ്രൈവറെ അറസ്റ്റിൽ!

വളരെ ഞെട്ടിക്കുന്ന വിവരമാണ് പുറത്ത് വരുന്നത്. ഫെബ്രുവരി ഏഴിനായിരുന്നു പാലക്കാടുനിന്നും എറണാകുളത്തേക്ക് സര്വീസ് നടത്തിയ കെഎസ്ആര്ടിസി ബസ് അപകടത്തില്പ്പെട്ട് ബൈക്ക് യാത്രക്കാരായ യുവാക്കള് മരിച്ചത്. സംഭവവുമായി ബന്ധപ്പെട്ട് ഡ്രൈവര്ക്ക് ഗുരുതര വീഴ്ച സംഭവിച്ചതായി ആക്ഷേപം ഉയര്ന്നിരുന്നു. കുഴൽമന്ദത്ത് രണ്ടു യുവാക്കളുടെ മരണത്തിനിടയാക്കിയ അപകടത്തില് കെഎസ്ആര്ടിസി ഡ്രൈവറെ അറസ്റ്റ് ചെയ്തു.
വടക്കാഞ്ചേരി ഓപ്പറേറ്റിങ് സെന്ററിലെ ഡ്രൈവറായ തൃശൂർ പട്ടിക്കാട് സ്വദേശി സിഎൽ ഔസേപ്പിനെയാണ് അറസ്റ്റ് ചെയ്തത്. അപകടത്തിന്റെ ദൃശ്യങ്ങൾ മാധ്യമങ്ങളിൽ വന്നതിനെ തുടർന്ന് കെഎസ്ആർടിസി അന്വേഷണം പ്രഖ്യാപിച്ചിരുന്നു. അന്വേഷണത്തിൽ ഡ്രൈവറുടെ വീഴ്ചയാണെന്ന് കണ്ടെത്തുകയായിരുന്നു. ഡ്രൈവർ വലത്തോട്ട് ബസ് വെട്ടിച്ചത് കൊണ്ട് മാത്രമാണ് അപകടമുണ്ടായത് എന്ന് ദൃശ്യങ്ങളിലും വ്യക്തമായിരുന്നു.
ഡ്രൈവറുടെ അശ്രദ്ധയാണ് അപകടത്തിന് കാരണമെന്ന വിലയിരുത്തലിന്റെ അടിസ്ഥാനത്തിൽ വ്യാഴാഴ്ച ഇയാളെ കെഎസ്ആർടിസി സസ്പെൻഡ് ചെയ്തിരുന്നു. ഇതിന് പിന്നാലെയാണ് അറസ്റ്റ്. അപകടത്തില്പ്പെട്ട വാഹനങ്ങളുടെ പിന്നിലുണ്ടായിരുന്ന ഒരു കാറിലെ ഡാഷ്കാമറയിലാണ് അപകട ദൃശ്യങ്ങള് പതിഞ്ഞിരുന്നത്. പാലക്കാട് കാവിശ്ശേരി സ്വദേശി ആദര്ശ് മോഹന്, കാസര്കോട് സ്വദേശി സാബിത്ത് എന്നിവരാണ് അപകടത്തില് മരിച്ചത്.
https://www.facebook.com/Malayalivartha

























