കൊച്ചിയില്‍ വളര്‍ത്തുനായ്ക്കള്‍ക്ക് ഇനി മുതല്‍ ലൈസന്‍സ് നിര്‍ബന്ധം. ലൈസന്‍സിനോടൊപ്പം നായ്ക്കള്‍ക്ക് ഇലക്്‌ട്രോണിക് ചിപ്പും ഘടിപ്പിക്കുന്ന പദ്ധതിക്ക് ഈ മാസം അവസാനം കൊച്ചി നഗരസഭ തുടക്കമിടും. വളര്‍ത്തുനായ്ക്കളെ തെരുവില്‍ ഉപേക്ഷിക്കുന്നത് തടയുകയാണ് ലക്ഷ്യം.

കൊച്ചി നഗരസഭാ പരിധിയിലുള്ളവര്‍ ഇനി നായ്ക്കളെ വീട്ടില്‍ വളര്‍ത്തണമെങ്കില്‍ നഗരസഭയുടെ ലൈസന്‍സ് വേണം. തെരുവില്‍ അലഞ്ഞ് ആക്രമണം നടത്തുന്ന നായ്ക്കളില്‍ ചിലത് ഒരു കാലത്ത് പലരുടെയും വളര്‍ത്തുനായ്ക്കളാണെന്ന കണ്ടെത്തലിന്റെ അടിസ്ഥാനത്തിലാണ് നഗരസഭ ശക്തമായ നടപടിക്ക് ഒരുങ്ങുന്നത്. ലൈസന്‍സിനൊപ്പം നായ്ക്കള്‍ക്ക് ഇലക്ട്രോണിക് ചിപ്പും ഘടിപ്പിക്കും. നായയുടെ ഉടമസ്ഥന്റെ പേരും വിലാസവും സഹിതം ചിപ്പിലുണ്ടാകും. നായ്ക്കളെ തെരുവില്‍ ഉപേക്ഷിച്ചാല്‍ ഉടമയുടെ മേല്‍ നടപടിയുണ്ടാകും.
ഇരുന്നൂറ് രൂപയാണ് ലൈസന്‍സ് ചാര്‍ജായി നഗരസഭ ഈടാക്കുക. നാല് ലക്ഷംരൂപയാണ് പദ്ധതിയുടെ ചെലവ്. വളര്‍ത്തുനായ്ക്കളുടെ കാര്യത്തില്‍ നടപടി ശക്തമാക്കുന്നതിനൊപ്പം തെരുവുനായ്ക്കളെ വന്ധ്യംകരിക്കുന്ന നടപടി നഗരസഭ തുടരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha