ഒരു മലയാളി വ്ളോഗര്, ഇരുപത് വയസ്സുകാരി മുസ്ലിം പെണ്കുട്ടി ദുബൈയില് മരിച്ചു എന്ന വാര്ത്തക്ക് കീഴില് വന്ന ചില കമന്റുകള്! കുട്ടിയെ മരിച്ച നിലയില് കാണുകയായിരുന്നു എന്ന് കണ്ടതോടെ ആങ്ങളമാരുടെ സദാചാരക്കുരു പൊട്ടിയൊലിച്ച് എന്തൊക്കെയാണ് വിളിച്ച് പറയുന്നത്; ശരിക്കും ഇവരുടെയൊക്കെ പ്രശ്നം എന്താണ്? വിമർശനവുമായി ഡോ .ഷിംന അസിസ്
മലയാളി വ്ളോഗര്, ഇരുപത് വയസ്സുകാരി മുസ്ലിം പെണ്കുട്ടി ദുബൈയില് മരിച്ചു എന്ന വാര്ത്തക്ക് കീഴില് വന്ന ചില കമന്റുകള് ചൂണ്ടിക്കാട്ടി വിമർശനവുമായി ഡോ .ഷിംന അസിസ്. ഷിംന അസിസ് പങ്കു വച്ച ഫേസ്ബുക്ക് പോസ്റ്റിന്റെ പൂർണ്ണ രൂപം ഇങ്ങനെ; ഒരു മലയാളി വ്ളോഗര്, ഇരുപത് വയസ്സുകാരി മുസ്ലിം പെണ്കുട്ടി ദുബൈയില് മരിച്ചു എന്ന വാര്ത്തക്ക് കീഴില് വന്ന ചില കമന്റുകള് ആണ് താഴെ കാണുന്നത്.
കുട്ടിയെ മരിച്ച നിലയില് കാണുകയായിരുന്നു എന്ന് കണ്ടതോടെ ആങ്ങളമാരുടെ സദാചാരക്കുരു പൊട്ടിയൊലിച്ച് എന്തൊക്കെയാണ് വിളിച്ച് പറയുന്നത് !! ശരിക്കും ഇവരുടെയൊക്കെ പ്രശ്നം എന്താണ്? ഒരു വേദിയില് മൈക്ക് കെട്ടി സംസാരിക്കുന്നത് പോലെയാണ് സോഷ്യല് മീഡിയയില് വലിയ വായിൽ കമൻ്റിടുന്നത് എന്ന് അറിയാഞ്ഞിട്ടാണോ?
അതോ ഇത്രയും ഉളുപ്പില്ലാഞ്ഞിട്ടോ?എല്ലാവർക്കും ഒരു പോലെ ഉപയോഗിക്കാനുള്ള സ്പേസ് ആണ് സോഷ്യല് മീഡിയ. സ്വയം എവിടെയും എങ്ങുമെത്താത്ത ഫ്രസ്ട്രെഷന് മരിച്ച് പോയ ഒരു കുഞ്ഞിനെ കുറിച്ച് തോന്നിവാസം പറഞ്ഞല്ല തീര്ക്കേണ്ടത്. മരണത്തെയെങ്കിലും ബഹുമാനിക്കാൻ പഠിക്കണം.മനുഷ്യര് എപ്പോ നന്നാവാനാണ് !!എന്നും ഡോക്ടർ പറയുന്നു.
അതേസമയം കഴിഞ്ഞ ദിവസമാണ് പ്രശസ്ത വ്ലോഗറും ആല്ബം താരവുമായ റിഫ മെഹ്നൂവിനെ ദുബായില് മരിച്ച നിലയില് കണ്ടെത്തിയതായി റിപ്പോർട്ട് വന്നത് . 21 വയസ്സാണ്. കോഴിക്കോട് ബാലുശേരി സ്വദേശിനിയാണ്. കഴിഞ്ഞ ദിവസം രാത്രി ജാഫിലിയയിലെ താമസ സ്ഥലത്താണ് റിഫയെ മരിച്ച നിലയില് കണ്ടെത്തിയിരിക്കുന്നത്. ആത്മഹത്യയാണെന്ന് സംശയിക്കുന്നതായി സുഹൃത്തുക്കൾ പറയുകയുണ്ടായി.
മരിക്കുന്നതിന് ഒരു ദിവസം മുൻപുവരെ സമൂഹമാധ്യമങ്ങളിൽ സജീവമായിരുന്നു ഇവർ. അതോടൊപ്പം തന്നെ ബുർജ് ഖലീഫയ്ക്ക് മുന്നിൽനിന്ന് ഭർത്താവിനൊപ്പം ഇൻസ്റ്റഗ്രാം സ്റ്റോറി ചെയ്തതാണ് അവസാന പോസ്റ്റ്.ദുബായിൽ ഭര്ത്താവ് മെഹ്നൂവിനൊപ്പമായിരുന്നു താമസം. കഴിഞ്ഞ മാസമാണ് റിഫ ദുബായില് എത്തിയത്. ഒരു മകളുണ്ട്. മൃതദേഹം നാട്ടിലെത്തിക്കാൻ വേണ്ടിയുള്ള നടപടികൾ പുരോഗമിക്കുന്നതായി അധികൃതർ വ്യക്തമാക്കി.
https://www.facebook.com/Malayalivartha
