ഷംസീറിന്റെ കാര്യം കട്ടപൊക... അടുത്ത നിയമസഭാ തെരഞ്ഞെടുപ്പില് തലശ്ശേരിയില് നിന്നും മത്സരിക്കുക കോടിയേരിയോ മറ്റേതെങ്കിലും നേതാവോ ആയിരിക്കും മത്സരിക്കുക, സ്വരാജിനെ പോലുള്ളവര് മിടുക്കോടെ ഉന്നത സ്ഥാനം അലങ്കരിക്കുമ്പോള് ഷംസീര് നിരാശനും നിരായുധനുമായി മാറുന്നു
എ.എന് ഷംസീറിന്റെ കാര്യം കട്ടപൊക. അടുത്ത നിയമസഭാ തെരഞ്ഞെടുപ്പില് തലശ്ശേരിയില് നിന്നും മത്സരിക്കുക കോടിയേരിയോ മറ്റേതെങ്കിലും നേതാവോ ആയിരിക്കും മത്സരിക്കുക. പിണറായിക്ക് തുടര് ഭരണം കിട്ടിയാല് ഷംസീറിന് ചിലപ്പോള് ഖാദി ബോര്ഡ് വൈസ് ചെയര്മാന് പദവി ലഭിക്കാനിടയുണ്ട്.
കോടിയേരി ബാലകൃഷ്ണന് മത്സരിക്കേണ്ടെന്ന് തീരുമാനിച്ചപ്പോഴാണ് ഷംസീറിന് നറുക്ക് വീണത്. ഷംസീറിന് മന്ത്രിയാകാന് ആഗ്രഹമുണ്ടായിരുന്നു. അദ്ദേഹം മന്ത്രിയാകുമെന്ന് സ്വയം പ്രതീക്ഷിച്ചതുമാണ്. എന്നാല് മന്ത്രിയാകാതെ വന്നതോടെ മുഖ്യമന്ത്രിയുമായും പാര്ട്ടി സെക്രട്ടറിയായും തെറ്റി.
കണ്ണൂര് ജില്ലയില് നിന്ന് പി.ശശിക്കൊപ്പം ഷംസീറിനും സംസ്ഥാന കമ്മിറ്റിയില് ഇരിക്കാനാണ് വിധി. ഷംസീറിനു ഇത്തവണയും സംസ്ഥാന സമിതിയിലൊതുങ്ങേണ്ടി വന്നത് പിണറായിയുടെ അപ്രിയമാണ്. പൊതുമരാമത്ത് വകുപ്പുമായി ബന്ധപ്പെട്ട് മുഖ്യമന്ത്രിയുടെ മരുമകനും മന്ത്രിയുമായി മുഹമ്മദ്റിയാസുമായുളള ഭിന്നത പരസ്യമായി ചര്ച്ചചെയ്യപ്പെട്ടതാണ് ഷംസീറിന് സെക്രട്ടറിയേറ്റില് സ്ഥാനം ലഭിക്കാതിരിക്കാന് കാരണമെന്ന് പറയപ്പെടുന്നു.
ഷംസീറിനേക്കാള് ജൂനിയറായ പലരേയും സെക്രട്ടറിയേറ്റില് ഉള്പ്പെടുത്തിയപ്പോള് ഷംസീര് പുറത്തിരിക്കേണ്ട സ്ഥിതിയാണ്. സ്വരാജിനെ പോലുള്ളവര് മിടുക്കോടെ ഉന്നത സ്ഥാനം അലങ്കരിക്കുമ്പോള് ഷംസീര് നിരാശനും നിരായുധനുമായി മാറുന്നു.
രണ്ടാമതും എംഎല്എ ആയ ഷംസീറിനെ തഴഞ്ഞ് മുഖ്യമന്ത്രിയുടെ മരുമകനായ റിയാസിന് മന്ത്രി സ്ഥാനം നല്കിയത് പാര്ട്ടിക്കുളളില് ചര്ച്ചകള്ക്ക് വഴി തുറന്നിരുന്നു. മറ്റൊരു പാര്ട്ടി സമ്മേളനം കൂടി കഴിയുമ്പോള് പിണറായി സര്വ്വാധിപതിയായി കണ്ണൂരിലെയും സംസ്ഥാനത്തേയും പാര്ട്ടിയിലും ഭരണത്തിലും മാറുന്നുവെന്നതിലേക്കാണ് പുതിയ സംഭവ വികാസങ്ങള് വിരല് ചൂണ്ടുന്നത്. തന്നോട് കളിച്ചാല് കളി പഠിപ്പിക്കുമെന്ന വ്യക്തമായ സന്ദേശമാണ് ഇതിലൂടെ മുഖ്യമന്ത്രി ഷംസീറിന് നല്കിയത്.
സിപിഎം സംസ്ഥാന സമിതിയിലേക്ക് തെരഞ്ഞെടുക്കപ്പെട്ട കണ്ണൂരില് നിന്നുളളവരെല്ലാം പിണറായിയുടെ സ്വന്തക്കാര് മാത്രമാണ്. നേതാവിന്റെ മകളുടെ പരാതിയില് അച്ചടക്ക നടപടി നേരിട്ട സിപിഎം മുന് കണ്ണൂര് ജില്ലാ സെക്രട്ടറി പി. ശശിയാണ് സംസ്ഥാന സമിതിയില് മടങ്ങിയെത്തിയവരില് ഒരാള്. ശശിയുടെ സമിതി പ്രവേശം കണ്ണൂരിലെ പാര്ട്ടിക്കുളളില് ചര്ച്ചകള്ക്ക് വഴിതുറന്നിട്ടുണ്ട്. ശശിക്കെതിരെ പി.ജയരാജന് ഉള്പ്പെടെയുള്ള നേതാക്കള് കരുക്കള് നീക്കിയിട്ടും വിജയിച്ചില്ല.
പിജെ ആര്മ്മിയ്ക്കെതിരെ അതിശക്തമായ നിലപാട് എടുത്ത നേതാവാണ് ശശി. ഇതാണ് പിണറായിയുടെ അനുഗ്രഹത്തോടെ ശശിയെ സംസ്ഥാന സമിതിയിലെത്തിച്ചത്. കണ്ണൂരില് ഇതോടെ പിണറായി പക്ഷത്തെ കരുത്തനായ നേതാവായി ശശി മാറുകയാണ്.
ലൈംഗീകാരോപണ പരാതിയില് മൂന്ന് വര്ഷത്തോളം സസ്പെന്ഷനിലായ ശശി പിണറായിയുടെ അനുഗ്രഹാശിസുകളോടെ കഴിഞ്ഞ തവണ തലശ്ശേരി ഏരിയാ കമ്മിറ്റിയിലും ഇത്തവണ കണ്ണൂര് ജില്ലാ കമ്മിറ്റിയിലുമെത്തുകയായിരുന്നു. ഇതൊടൊപ്പം സംസ്ഥാന സമ്മേളനത്തിലെ പ്രത്യേക ക്ഷണിതാവായും തെരഞ്ഞെടുക്കപ്പെട്ടിരുന്നു. ഇതിന്റെ തുടര്ച്ചയാണ് ഇപ്പോള് സംസ്ഥാന സമിതിയില് ഉള്പ്പെടുത്തിയിരിക്കുന്നത്. ഇതോടെ പി. ശശി ഇനി കണ്ണുരിലെ പാര്ട്ടിയിലെ ശക്തി കേന്ദ്രമാവും. ഇ.കെ നായനാര് മുഖ്യമന്ത്രിയായിരിക്കെ അദ്ദേഹത്തിന്റെ പൊളിറ്റിക്കല് സെക്രട്ടറിയായിരുന്നു ശശി.
സംസ്ഥാന സമിതിയിലെത്തിയ കണ്ണൂരില് നിന്നുളള മറ്റൊരു നേതാവായ കര്ഷക സംഘം സംസ്ഥാന സെക്രട്ടറി വല്സന് പനോളിയും കണ്ണൂരിലെ പിണറായിയുടെ വിശ്വസ്തനാണ്. പി. ജയരാജന് സെക്രട്ടറിയേറ്റില് സ്ഥാനം നല്കാത്ത പിണറായി വളരെ തന്ത്രപൂര്വ്വമാണ് ജയരാജനെ പ്രതിരോധിക്കാന് പാനോളിയെ പാര്ട്ടിയുടെ മുന്നിരയിലെത്തിച്ചിരിക്കുന്നതെന്ന് വ്യക്തം.കൂത്തുപറമ്പ് സ്വദേശിയായ വത്സന് പനോളി റെയ്ഡ്കോ ചെയര്മാന് കൂടിയാണ്. പാര്ട്ടി കൂത്തുപറമ്പ് ഏരിയാ സെക്രട്ടറിയായിരുന്നു മുമ്പ് വത്സന് പനോളി.
ഒരുകാലത്ത് പി. ജയരാജന്റെ നിഴലുപോലെ നടന്നിരുന്ന നേതാക്കളിലൊരാളായിരുന്നു വത്സന് പനോളി. ജയരാജന് കണ്ണൂര് ജില്ലാസെക്രട്ടറിയായ വേളയിലാണ് പനോളിയും ജില്ലാസെക്രട്ടറിയേറ്റിലെത്തുന്നതും കര്ഷക സംഘത്തിന്റെ ചുമതല നല്കുന്നതും. ഇതിനിടെ വ്യക്തിപൂജ വിവാദത്തിന്റെ പേരില് മുഖ്യമന്ത്രി പിണറായി വിജയനും പി. ജയരാജനും തമ്മില് അകന്നതോടെ പിണറായിയുടെ അതീവ വിശ്വസ്തരുടെ പട്ടികയില് ഇടം നേടാന് വത്സന് പനോളിക്ക് കഴിഞ്ഞു. ഇതോടെ പി. ജയരാജനുമായി ക്രമേണ അകന്നു.
ഏതായാലും ഷംസീറാണ് സങ്കട കടലിലായത്. ആരും അദ്ദേഹത്തെ സഹായിക്കാനില്ല എന്നതാണ് വാസ്തവം.
"
https://www.facebook.com/Malayalivartha
