വിഷു കൈനീട്ടം കിട്ടുമ്പോ കാൽ തൊട്ട് വന്ദിക്കുന്നത് ഹിന്ദു ആചാരം മാത്രമാണ്; വീട്ടിൽ കൈനീട്ടം കൊടുക്കുന്ന മുതിർന്നവരുടെ കാലിൽ തൊട്ടു സാധാരണ എല്ലാവരും നമസ്കരിക്കാറുണ്ട്; സുരേഷ് ഗോപി ജിയെ നമസ്കരിച്ചവർക്ക് അദ്ദേഹം അവരുടെ പാദവന്ദനതിന് അർഹൻ എന്ന് തോന്നിയിട്ടുണ്ട്; എന്തിനും ഏതിനും രാഷ്ട്രീയവും മതവും നോക്കി മാത്രം അഭിപ്രായം പറയുന്നതും, വ്യക്തി വൈരാഗ്യം തീർക്കുന്നതും ശരിയല്ല; ഉറഞ്ഞുത്തുള്ളി സന്തോഷ് പണ്ഡിറ്റ്
വിഷു ആഘോഷത്തിൻെറ ഭാഗമായി മലയാള സിനിമയിലെ സൂപ്പർ സ്റ്റാർ , എം പി കൂടിയായ സുരേഷ് ഗോപി ജി ആയിര കണക്കിന് പേർക്ക് വിഷു കൈനീട്ടം കൊടുത്തിരുന്നല്ലോ . എന്നാൽ ആ കൈനീട്ടം വാങ്ങിയവർ അദ്ദേഹത്തിന്റെ കാലു പിടിച്ചു അനുഗ്രഹം വാങ്ങിച്ച വാർത്തയറിഞ്ഞ ചിലർ ശക്തമായി രംഗത്ത് വന്നിരുന്നു വിമർശകർക്കെതിരെ സന്തോഷ് പണ്ഡിറ്റ് രംഗത്ത് വന്നിരിക്കുകയാണ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ രാഷ്ട്രീയ നിരീക്ഷണം
വിഷു ആഘോഷത്തിൻെറ ഭാഗമായി മലയാള സിനിമയിലെ സൂപ്പർ സ്റ്റാർ , എം പി കൂടിയായ സുരേഷ് ഗോപി ജി ആയിര കണക്കിന് പേർക്ക് വിഷു കൈനീട്ടം കൊടുത്തിരുന്നല്ലോ . എന്നാൽ ആ കൈനീട്ടം വാങ്ങിയവർ അദ്ദേഹത്തിന്റെ കാലു പിടിച്ചു അനുഗ്രഹം വാങ്ങിച്ച വാർത്തയറിഞ്ഞ ചിലർ ശക്തമായി രംഗത്ത് വന്നത് ശരിയാണോ ?
ഒരാളുടെ കാൽ പിടിക്കുന്നത് ശരിയല്ലെന്നും , അതൊക്കെ BJP ക്കാർ മാത്രം ചെയ്യുന്ന കാര്യമാണെന്നും , അതെല്ലാം സാമ്രാജ്യത്വത്തെ , ജന്മിത്വത്തിന്റെ പ്രതീകം ആണെന്നൊക്കെയാണ് ഈ കൈനീട്ട വിവാദത്തിൽ വിമർശകർ പറയുന്നത് . അദ്ദേഹം എന്തോ വലിയ മഹാപാപം ചെയ്തത് പോലെയാണ് പലരും പ്രതികരിക്കുന്നത് . വിമർശകരുടെ ശ്രദ്ധക്ക് വിഷു കൈനീട്ടം കിട്ടുമ്പോ കാൽ തൊട്ട് വന്ദിക്കുന്നത് ഹിന്ദു ആചാരം മാത്രമാണ് .
വീട്ടിൽ കൈനീട്ടം കൊടുക്കുന്ന മുതിർന്നവരുടെ കാലിൽ തൊട്ടു സാധാരണ എല്ലാവരും നമസ്കരിക്കാറുണ്ട് . വിവാഹം അടക്കം എല്ലാ പ്രധാനചടങ്ങുകളിലും ഈ കാലിൽ പിടിച്ചു അനുഗ്രഹം വാങ്ങുന്ന കാര്യം നടക്കാറുണ്ട് . അതിനർത്ഥം അവരെല്ലാം സംഖികളാണ് ബിജെപിക്കാർ ആണ് എന്നല്ല . കാലിൽ തൊട്ട് നമസ്കരിക്കുന്നത് ഭാരതത്തിന്റെ ഒരു സാംസ്ക്കാരിക ആചാരം ആണ് . മറ്റു മതസ്ഥരും അങ്ങനെ ചെയ്യാറുണ്ട് . അതൊന്നും രാഷ്ട്രീയം നോക്കിയല്ല .
സുരേഷ് ഗോപി ജിയെ നമസ്കരിച്ചവർക്ക് അദ്ദേഹം അവരുടെ പാദവന്ദനതിന് അർഹൻ എന്ന് തോന്നിയിട്ടുണ്ട്. അവരിലാരും പരാതി പറഞ്ഞിട്ടില്ല, പിന്നെ കണ്ടു നിൽക്കുന്നവർ എന്തിനാണ് അനാവശ്യ വിവാദം ഉണ്ടാക്കുന്നത് . എന്തിനും ഏതിനും രാഷ്ട്രീയവും , മതവും നോക്കി മാത്രം അഭിപ്രായം പറയുന്നതും , വ്യക്തി വൈരാഗ്യം തീർക്കുന്നതും ശരിയല്ല .
ഞാനൊക്കെ പ്രധാന പരീക്ഷകൾക്ക് പോകുമ്പോൾ മാതാപിതാക്കളിൽ നിന്നും കാല് തൊട്ടു അനുഗ്രഹം വാങ്ങാറുണ്ട് . എന്തിനു മറ്റുള്ളവരുടെ സിനിമകളിൽ അഭിനയിക്കുമ്പോഴും ആ സംവിധായകന്റെ കാലിൽ തൊട്ടു അനുഗ്രഹം വാങ്ങിക്കും . ഇതൊന്നും ആരെയും കാണിക്കാനല്ല. നമ്മുടെ സംസ്കാരം അത്രേയുള്ളൂ .
ഈ കൈനീട്ട വിവാദം ഉടനെ അവസാനിപ്പിക്കുക . ഇന്ത്യയിൽ ഭരണ ഘടനാ പ്രകാരം അതിനൊക്കെ ഉള്ള സ്വാതന്ത്ര്യം ഉണ്ട്. കാലുപിടിച്ചു അനുഗ്രഹം വാങ്ങുന്നത് ഒരു ക്രിമിനൽ mistake അല്ല എന്ന് സാരം . എല്ലാ കൂട്ടുകാർക്കും വിഷു ആശംസകൾ
https://www.facebook.com/Malayalivartha
