കെഎസ്ആര്ടിസി സ്വിഫ്റ്റ് ബസുകള് അപകടത്തില്പെടുന്നെന്ന് പ്രചാരണം മൂലം കിട്ടിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകള്ക്ക് ലക്ഷങ്ങള് മുടക്കി പരസ്യം നല്കിയാല് കിട്ടുന്നതിലേറെ പ്രശസ്തി
കെഎസ്ആര്ടിസി സ്വിഫ്റ്റ് ബസുകള് അപകടത്തില്പെടുന്നെന്ന് പ്രചാരണം മൂലം കിട്ടിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകള്ക്ക് ലക്ഷങ്ങള് മുടക്കി പരസ്യം നല്കിയാല് കിട്ടുന്നതിലേറെ പ്രശസ്തി.
സര്വീസ് ആരംഭിച്ചതിന് പിന്നാലെ കെഎസ്ആര്ടിസി സ്വിഫ്റ്റ് ബസുകള് തുടര്ച്ചയായി അപകടത്തില്പ്പെടുന്ന റിപ്പോര്ട്ടുകള് സംബന്ധിച്ച് പ്രതികരണവുമായി കെഎസ്ആര്ടിസി രംഗത്ത്. കൃത്യമായ അജണ്ടയോടെയും തെറ്റായതുമായ വിവരങ്ങളാണ് സാമൂഹ്യ മാധ്യമങ്ങള് വഴി ഉള്പ്പെടെ പ്രചരിപ്പിച്ചതെന്നും ഇത് കെഎസ്ആര്ടിസിക്ക് വന് പ്രശസ്തിയുണ്ടാക്കിയെന്നും കെഎസ്ആര്ടിസി വ്യക്തമാക്കി. ഫെയ്സ്ബുക്കിലൂടെയാണ് പ്രതികരണമിങ്ങനെ.....
പോസ്റ്റിന്റെ പൂര്ണ്ണരൂപം...
പൊതുജനത്തിന് ആവശ്യമായതും സൗകര്യപ്രദമായതും വിശ്വാസ യോഗ്യമായതും ആയ ഏത് സൗകര്യങ്ങളും സേവനങ്ങളും 'അവര്' സ്വയം തെരഞ്ഞെടുക്കുകയാണ് പതിവ്...അതാണ് കെ.എസ്.ആര്.ടി.സി സ്വിഫ്റ്റിന് ലഭിച്ച സ്വീകാര്യത...
കൃത്യമായ അജണ്ടയോടുകൂടി തെറ്റായ വാര്ത്തകളും ഡീ ഗ്രേഡിംഗും നടത്തി സാമൂഹ്യ മാധ്യമങ്ങള് വഴി ഉള്പ്പെടെ ബുദ്ധിമുട്ടിപ്പിച്ചവരോട് (പരോക്ഷമായി സഹായിച്ചവരോട്) ഒന്നേ ഞങ്ങള്ക്ക് പറയാനുള്ളൂ... നിങ്ങളുടെ അമിതാവേശം ഞങ്ങള്ക്കു നല്കിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകള്ക്ക് ലക്ഷങ്ങള് മുടക്കി പരസ്യം നല്കിയാല് കിട്ടുന്നതിലേറെ പ്രശസ്തിയും അതിലൂടെ സത്യസന്ധമായ വസതുതകള് പൊതുജനങ്ങളെ ബോധ്യപെടുത്തുന്നതിനുള്ള അവസരവുമാണ് എന്നത് നന്ദിയോടെ സ്മരിക്കുന്നു...
വാഹനങ്ങള്ക്ക് അപകടം സംഭവിക്കുക സ്വാഭാവികമാണ്. ഏറ്റവും പുതിയ വാഹനങ്ങള്ക്കും പഴയ വാഹന ങ്ങള്ക്കും സംഭവിക്കാം...എങ്ങനെ സംഭവിക്കുന്നു എന്നതാണ് പ്രധാനം...
കെ.എസ്.ആര്.ടി.സി യോ കെ - സ്വിഫ്റ്റോ അപകടത്തില്പെട്ടിട്ടുണ്ടെങ്കില് ഒറ്റപ്പെട്ട ചില മാദ്ധ്യമങ്ങള്ക്കും സമൂഹ മാദ്ധ്യമങ്ങളിലെ ഒരു വിഭാഗത്തിനും പ്രതിസ്ഥാനത്ത് കെ.എസ്.ആര്.ടി.സി- യോ കെ - സ്വിഫ്റ്റോ ആകുന്നത് ബോധപൂര്വ്വമല്ലെന്നു കരുതാന് തരമില്ല.
ഈയിടെ നടന്ന ഒരു അപകടത്തിന്റെ തെറ്റായ വാര്ത്ത നല്കിയ ശേഷം പിന്നീട് ഇഇഠഢ ദൃശ്യം പരിശോധിച്ച് സ്വിഫ്റ്റ് ബസിന്റെ ഡ്രൈവറുടെ ഭാഗത്ത് തെറ്റ് സംഭവിച്ചിട്ടില്ല എന്ന് ബോധ്യപെട്ടെങ്കിലും വാര്ത്ത നല്കിയവരാരും ശരിയുടെ പക്ഷം ബോധ്യപ്പെടുത്തുവാന് ശ്രമിച്ചിട്ടില്ല...ആരോടും പരാതിയില്ല ...
ദയവായി ഞങ്ങള് നിങ്ങള്ക്കുവേണ്ടിയുള്ളതാണെന്നത് തിരിച്ചറിയുക... കെഎസ്ആര്ടിസി എന്നും ജനങ്ങള്ക്ക് സ്വന്തം... ജനങ്ങളോടൊപ്പം...
അതേസമയം സ്വിഫ്റ്റ് ബസുകള് നിരത്തില് ഇറങ്ങിയതോടെ സ്വകാര്യ ബസുകള് നിരക്ക് കുറച്ചെന്ന് വ്യക്തമാക്കി കെഎസ്ആര്ടിസി. സ്വകാര്യ ബസുകള് അമിത നിരക്ക് ഈടാക്കുകയാണെന്നു കാണിച്ച് വ്യാഴാഴ്ച കെഎസ്ആര്ടിസി ഫേസ്ബുക്കില് കുറിപ്പിട്ടിരുന്നു.
വിഷു - ഈസ്റ്റര് ദിനങ്ങളില് യാത്രക്കാര്ക്കായി പ്രത്യേക സര്വീസുകള് സ്വിഫ്റ്റ് ബസുകള് ഏര്പ്പെടുത്തിയിട്ടുണ്ടായിരുന്നു. യാത്രക്കാര്ക്ക് കുറഞ്ഞ നിരക്കില് യാത്രയ്ക്ക് വഴി ഒരുങ്ങിയതോടെ സ്വകാര്യ ബസ് ലോബികള് നിരക്ക് താഴ്ത്താന് നിര്ബന്ധിതമാകുകയായിരുന്നുവെന്ന് കെഎസ്ആര്ടിസി .
"
https://www.facebook.com/Malayalivartha
