സുബൈര്‍ വധക്കേസ്.....അന്വേഷണം പഴയ വെട്ടു കേസ് പ്രതികളിലേക്ക്.... എസ്ഡിപിഐ പ്രവര്‍ത്തകനായ സക്കീര്‍ ഹുസൈനെ വെട്ടിയെ കേസിലെ പ്രതികളെ കേന്ദ്രീകരിച്ചാണ് അന്വേഷണം നീങ്ങുന്നത്.

ഒരു വര്‍ഷം മുമ്പ് സക്കീര്‍ ഹുസൈന്‍ എന്ന എസ്ഡിപിഐ പ്രവര്‍ത്തകനെ എരട്ടക്കുളം തിരിവില്‍ വച്ച് വെട്ടിയ കേസിലെ പ്രതികളായ സുദര്‍ശനന്‍, ശ്രീജിത്ത്, ഷൈജു തുടങ്ങി അഞ്ച് പേരെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഇവര്‍ ഒരു മാസം മുന്‍പ് ജാമ്യത്തിലിറങ്ങിയിരുന്നു. ഇവരുടെ പ്രവര്‍ത്തനം കോയമ്പത്തൂര്‍ കേന്ദ്രീകരിച്ചാണ്. കേസിലെ പ്രതികള്‍ തമിഴ്നാട്ടിലേക്ക് കടന്നെന്നാണ് സൂചന. ഇവര്‍ സഞ്ചരിച്ചതെന്ന് കരുതുന്ന വാഹനത്തിന്റെ സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്.

ക്ഷേത്രദര്‍ശനത്തിന് പോകുമെന്ന് പറഞ്ഞാണ് ബിജെപി പ്രവര്‍ത്തകനായ രമേശ് കാറ് കൊണ്ടുപോയതെന്ന് കാര്‍ വാടകക്ക് നല്‍കുന്ന അലിയാര്‍ . എലപ്പുള്ളിയില്‍ പോപ്പുലര്‍ ഫ്രണ്ട് നേതാവ് സുബൈറിന്റെ കൊലപാതകികള്‍ സഞ്ചരിച്ചിരുന്ന കാര്‍ കൃപേഷിന്റെ പേരിലാണ് വാങ്ങിയതെങ്കിലും രണ്ടുവര്‍ഷമായി കാര്‍ ഉപയോഗിക്കുന്നത് അലിയാരാണ്.

മാരുതി അള്‍ട്ടോ കാറാണ ്കൊലപാതകികള്‍ ഉപയോഗിച്ചത്. കൊലപാതകത്തിന് ശേഷം ഈ കാര്‍ ഉപേക്ഷിച്ച നിലയില്‍ കണ്ടെത്തിയിരുന്നു.

രമേശിനെ സ്ഥിരമായി കാണുന്നതാണ്. മുമ്പും ഇത്തരത്തില്‍ വാഹനം കൊണ്ടുപോയിട്ടുണ്ട്. ഇന്നലെ രാവിലെ ഒമ്പതേ മുക്കാലിനാണ് കാര്‍ നല്‍കിയത്. കൊലപാതകം നടന്ന ശേഷം മറ്റുള്ളവര്‍ പറഞ്ഞപ്പോഴാണ് കാര്‍ അവര്‍ ഉപയോഗിച്ചതായി അറിയുന്നത്. അതിന് ശേഷം അവരെ വിളിച്ചപ്പോള്‍ ഫോണ്‍ സ്വിച്ച് ഓഫായിരുന്നു.

ഉച്ചക്ക് ഒരുമണി മുതല്‍ അവരെ ഫോണ്‍ വിളിച്ചുകൊണ്ടിരിക്കുയാണ്.രമേശിന്റെ ഫോട്ടോയും ഫോണ്‍ നമ്പറും സംസാരിച്ചതിന്റെ റെക്കോര്‍ഡും കയ്യിലുണ്ട്. പൊലീസ് വന്നപ്പോള്‍ ഇതെല്ലാം കൊടുത്തിട്ടുണ്ട്. കുടുംബത്തോടൊപ്പം വിഷുവിന് അമ്പലത്തില്‍ പോകണം എന്ന് പറഞ്ഞാണ് കാര്‍ കൊണ്ടുപോയത്. മുമ്പും ഇത്തരത്തില്‍ കാര്‍ കൊണ്ടുപോയിരുന്നു.



കാറിന്റെ ആര്‍.സി ഉടമ കൃപേഷ് എന്റെ കൂടെ ഡ്രൈവറായി ജോലി ചെയ്തിരുന്നു.അന്ന് അവന്റെ പേരിലാണ് കാര്‍ എടുത്തതെന്നും' അലിയാര്‍ പറഞ്ഞു. കാര്‍ ദിവസവാടകക്ക് നല്‍കുന്നയാളാണ് അലിയാര്‍. പ്രതികള്‍ ഉപയോഗിച്ച കാര്‍ കഞ്ചിക്കോട് ഇന്നലെ ഉച്ചയ്ക്ക് രണ്ടുമണിക്ക് ശേഷമാണ് കണ്ടെത്തിയത്.

ഇന്നലെ ഉച്ചയോടെയാണ് അരും കൊലപാതകമുണ്ടായത്. പള്ളിയില്‍ നിന്ന് നിസ്‌കരിച്ച് പുറത്തേക്ക് ഇറങ്ങിയപ്പോഴാണ് അക്രമം നടന്നത്. പിതാവിനൊപ്പം ബൈക്കില്‍ യാത്ര ചെയ്യുന്നതിനിടെ കാറിലെത്തിയ സംഘം ബൈക്ക് ഇടിച്ചുവീഴ്ത്തി. തുടര്‍ന്ന് വെട്ടിക്കൊലപ്പെടുത്തുകയായിരുന്നു. രണ്ട് കാറിലെത്തിയ സംഘമാണ് ആക്രമണം നടത്തിയത്.

അതേസമയം കേസ് അന്വേഷണത്തിനായി പ്രത്യേക സംഘത്തെ നിയോഗിച്ചിട്ടുണ്ട്. ജില്ലാ ക്രൈംബ്രാഞ്ച് ഡിവൈഎസ്പി ഷംസുദീന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.