കുരിശുമല തീര്ത്ഥാടനത്തിനിടെ രണ്ട് പേര് കുഴഞ്ഞ് വീണ് മരിച്ചു...കുരിശുമല നെറുകയില് എത്തി പ്രാര്ത്ഥന നടത്തി മടക്കയാത്രക്കിടെയാണ് ഇരുവരും കുഴഞ്ഞുവീണത്
തെക്കന് കുരിശ്മല തീര്ത്ഥാടനത്തിനിടെ കുഴഞ്ഞ് വീണ് രണ്ട് പേര് മരിച്ചു. ദുഖവെള്ളിയാഴ്ചയായ ഇന്നലെയാണ് ഇരുവരും കുഴഞ്ഞുവീണ് മരിച്ചത്. കുലശേഖരം ഗവണ്മെന്റ് ആശുപത്രി റോഡില് ജയരാജന്(57), നെയ്യാറ്റിന്കര വട്ടവിള മോതിരപള്ളി ബി.എസ് ഭവനില് ബിനുകുമാര്(42)എന്നിവരാണ് മരിച്ചത്.
ഇന്നലെ ഉച്ചയോടെ നെറുകയില് എത്തി പ്രാര്ത്ഥന നടത്തി മടങ്ങിവരവെ 7ാം കുരിശിന് സമീപത്ത് വച്ചാണ് ജയരാജന് കുഴഞ്ഞ് വീണത്. ഉടന് തന്നെ വെള്ളറട സര്ക്കാര് ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. മൃതദ്ദേഹം ബന്ധുക്കള്ക്ക് കൈമാറി. ഭാര്യ. നിര്മ്മല രണ്ട് മക്കളുമുണ്ട്.
ബിനുകുമാര് നെറുകയില് എത്തി പ്രാര്ത്ഥന നടത്തി മടങ്ങിവരവെ നാലാം കുരിശിന് സമീപത്ത് വച്ചാണ് കുഴഞ്ഞ് വീണത്. സംഘമവേദിയില് പ്രവര്ത്തിക്കുന്ന മെഡിക്കല് ടീം പ്രാദമിക ചികില്സ നല്കിയ ശേഷം വെള്ളറട സര്ക്കാര് ആശുപത്രിയില് എത്തിക്കുകയായിരുന്നു. പ്രാഥമിക നടപടി ക്രമം പൂര്ത്തിയാക്കിയ ശേഷം ബിനുകുമാറിന്റ മൃതദ്ദേഹം ബന്ധുക്കള്ക്ക് വിട്ടുകൊടുത്തു.
https://www.facebook.com/Malayalivartha
