ലോകമെമ്പാടുമുള്ള ക്രൈസ്തവര് ഇന്ന് ഈസ്റ്റര് ആഘോഷിക്കുന്നു... കോവിഡ് നിയന്ത്രണങ്ങള് ഒഴിവായ ശേഷമുള്ള ആദ്യ പാതിരാകുര്ബാനയിലും പ്രത്യേക പ്രാര്ഥനകളിലും നിരവധി വിശ്വാസികള് പങ്കുചേര്ന്നു, പ്രത്യാശയുടെ സന്ദേശമുയര്ത്തല് കൂടിയാണ് ഈ ഈസ്റ്റര് നാള്
പ്രത്യാശയുടെ സന്ദേശവുമായി ലോകമെമ്പാടുമുള്ള ക്രൈസ്തവര് ഇന്ന് ഈസ്റ്റര് ആഘോഷിക്കുന്നു. കോവിഡ് നിയന്ത്രണങ്ങള് ഒഴിവായ ശേഷമുള്ള ആദ്യ പാതിരാകുര്ബാനയിലും പ്രത്യേക പ്രാര്ഥനകളിലും നിരവധി വിശ്വാസികള് അണിചേര്ന്നു.
പ്രത്യാശയുടെ സന്ദേശമുയര്ത്തല് കൂടിയാണ് ഈ ഈസ്റ്റര് നാള്. മഹാമാരിക്കാലം വിട്ടൊഴിഞ്ഞതിനു ശേഷം വന്നെത്തിയിരിക്കുന്നു. യേശുദേവന് കുരിശിലേറിയ മൂന്നാം നാള് ഉയര്ത്തെഴുന്നേറ്റതിന്റെ ഓര്മ്മ പുതുക്കലാണ് ഇന്നത്തെ ആഘോഷത്തിന്റെ പ്രത്യേകത.
ലോകത്തിന്റെ പാപങ്ങള് ചുമലിലേറ്റി കുരിശില് തറയ്ക്കപ്പെട്ട യേശുദേവന് മൂന്നാം നാള് ഉയര്ത്തെഴുന്നേറ്റത്തിന്റെ സ്മരണയ്ക്കായാണ് വിശ്വാസികള് ഈസ്റ്റര് ആഘോഷിക്കുന്നത്.
50 ദിവസത്തെ നോമ്പാചരണത്തിന്റെ വിശുദ്ധിയോടെയാണ് സ്നേഹത്തിന്റെയും പ്രത്യാശയുടെയും തിരുനാളായ ഈസ്റ്റര് വിശ്വാസികള് ആഘോഷിക്കുന്നത്.ഭൂരിപക്ഷം ക്രിസ്തുമത വിശ്വാസികളും ഈ ദിവസം സുപ്രധാന പുണ്യദിനമായി ആഘോഷിക്കുന്നു.
തിന്മയുടെയും അസത്യത്തിന്റെയും ജയം താല്ക്കാലികം ആണെന്നും ഭൂരിപക്ഷത്തോടൊപ്പം വളഞ്ഞവഴികള് തേടാതെ കഷ്ടങ്ങള് സഹിച്ചും സത്യത്തിനു വേണ്ടി നില നില്ക്കണം എന്നും ആണ് ഈസ്റ്റര് നമുക്കു നല്കുന്ന രണ്ടു സുപ്രധാന പാഠങ്ങള്.
എല്ലാ വര്ഷവും ഡിസംബര് 25-ന് ആഘോഷിക്കുന്ന ക്രിസ്തുമസില് നിന്നും വ്യത്യസ്തമായി ഈസ്റ്ററിന് സ്ഥിരമായ തീയതി ഇല്ല. ഒരോ വര്ഷവും വ്യത്യസ്ത തീയതികളിലാണ് ഈസ്റ്ററും അതിനോടനുബന്ധിച്ച പീഡാനുഭവ വാരവും ആചരിക്കുന്നത്.
എല്ലാ സഭകളും നീസാന് മാസം 14-ന് ശേഷം വരുന്ന ഞായറാഴ്ച ഉത്ഥാനപ്പെരുന്നാള് ആയി ആചരിക്കണമെന്ന് ക്രി.വ 325-ല്കൂടിയ നിഖ്യാ സുന്നഹദോസില് തീരുമാനമായി.ധ3പ ക്രിസ്തുവിന്റെ മരണം നീസാന് 14-നായിരുന്നു എന്ന വിശ്വാസമാണ് ഈ നിശ്ചയത്തിന്റെ അടിസ്ഥാനം. വസന്തകാലത്ത് മാര്ച്ച് -ഏപ്രില് മാസങ്ങളിലായിട്ടാണ് നീസാന് മാസം വരുന്നത്.
വസന്തകാലത്ത് സൂര്യന് ഭൂമദ്ധ്യരേഖയില് വരുന്ന ദിവസം അഥവാ വസന്തവിഷുവം ആയ മാര്ച്ച് 21-ന് ശേഷം വരുന്ന പൂര്ണ ചന്ദ്രന് ശേഷം ഉള്ള ആദ്യത്തെ ഞായര് ഈസ്റ്റര് ആയി നിശ്ചയിക്കുന്ന രീതിയാണ് ഇപ്പോള് ഉള്ളത്. ഈ ഗണനപ്രകാരം ഈസ്റ്റര് വരാവുന്ന ഏറ്റവും നേരത്തെയുള്ള തീയതി മാര്ച്ച് 22-ഉം ഏറ്റവും വൈകിയുള്ള തീയതി ഏപ്രില് 25-ഉം ആണ്.
എന്നാല് ജൂലിയന് കലണ്ടര് അടിസ്ഥാനപ്പെടുത്തി ആരാധനാവര്ഷം നിശ്ചയിക്കുന്ന ചില പൗരസ്ത്യ സഭകളില് (കലണ്ടറുകള് തമ്മിലുള്ള 13 ദിവസത്തെ വ്യത്യാസം കാരണം) ഈസ്റ്റര് ദിവസം ഗ്രിഗോറിയന് കലണ്ടറിലെ ഏപ്രില് 4 മുതല് മേയ് 8 വരെയുളള ഒരു ഞായറാഴ്ചയാണ് ആചരിക്കുന്നത്. 1953-ല് മലങ്കര സഭ കൂടി ഗ്രിഗോറിയന് കലണ്ടര് സ്വീകരിച്ചതോടെ കേരളത്തിലെ ബഹുഭൂരിപക്ഷം സഭകളും ഒരേ ദിനമാണ് ഈസ്റ്റര് ആഘോഷിക്കുന്നത്
അതേസമയം സെന്റ് പീറ്റേഴ്സ് ബസലിക്കയില് നടന്ന ചടങ്ങുകള്ക്ക് ഫ്രാന്സിസി മാര്പാപ്പ നേതൃത്വം നല്കി. യുദ്ധത്തിന്റെ ഭീകരത അടയാളപ്പെടുത്തുന്ന ദിവസങ്ങളിലൂടെയാണ് കടന്നുപോകുന്നതെന്നും സമാധാനത്തിനായി പ്രവര്ത്തിക്കണമെന്നും അദ്ദേഹം അഭ്യര്ഥിച്ചു. യുക്രെയ്ന് യുദ്ധം നേരിട്ട് പരാമര്ശിക്കാതെയാണ് മാര്പ്പാപ്പയുടെ സന്ദേശം.
അധിനിവേശ യുക്രെയ്ന് നഗരമായ മെലിറ്റോപോളിന്റെ മേയറും മൂന്ന് യുക്രെയ്ന് രാഷ്ട്രീയ നേതാക്കളും വത്തിക്കാനില് നടന്ന ചടങ്ങുകളില് പങ്കെടുത്തു.
"
https://www.facebook.com/Malayalivartha
