പഞ്ചാബ് ഇളകുന്നു... മദ്യപാനം നിര്ത്തിയെന്ന് സാക്ഷ്യപ്പെടുത്തിയ പഞ്ചാബ് മുഖ്യമന്ത്രി ഭഗവന്ത് മനിനെതിരെ ഗുരുതര ആരോപണം; മദ്യപിച്ച് ഗുരുദ്വാരയില് പ്രവേശിച്ചതായി പരാതി; നടപടിയെടുക്കണമെന്ന് ബിജെപി; ബൈശാഖി ആഘോഷ വേളയില് ദംദമാ സാഹിബ് ഗുരുദ്വാരയില് ഭഗവന്ത് മന് മദ്യപിച്ച് പ്രവേശിച്ചതായി ശിരോമണി ഗുരുദ്വാര പര്ബന്ധക് കമ്മിറ്റി
പഞ്ചാബ് മുഖ്യമന്ത്രി ഭഗവന്ത് മന്റെ മദ്യപാനം ഏറെ പ്രശസ്തമാണ്. ഭഗവന്ത് മന്റെ പരസ്യമായ മദ്യപാനം ഏറെ വിമര്ശനം കേട്ടിരുന്നു. കഴിഞ്ഞ നിയമസഭാ തെരഞ്ഞെടുപ്പിനിടെ മദ്യപാനം നിര്ത്തിയതായി പറഞ്ഞിരുന്നു. എന്നാല് വീണ്ടും ഗുരുതര ആരോപണമാണ് ഭഗവന്ത് മനെതിരെ ഉയരുന്നത്.
പഞ്ചാബ് മുഖ്യമന്ത്രി ഭഗവന്ത് മന് മദ്യപിച്ച് ഗുരുദ്വാരയില് പ്രവേശിച്ചതായാണ് ആരോപണം. മദ്യപിച്ച് ഗുരുദ്വാരയില് പ്രവേശിച്ചുവെന്നാരോപിച്ച് മന്നിനെതിരേ ബിജെപി നേതാവ് തജീന്ദര് പാല് സിങ് പോലീസില് പരാതി നല്കി. പരാതിയില് നടപടിയെടുക്കണമെന്ന് അദ്ദേഹം പഞ്ചാബ് ഡിജിപിയോട് ആവശ്യപ്പെട്ടു.
ഓണ്ലൈനായി നല്കിയ പരാതിയുടെ സ്ക്രീന് ഷോട്ട് തജീന്ദര് പാല് സിങ് ട്വിറ്ററില് പങ്കുവെച്ചു. ദംദമാ സാഹിബ് ഗുരുദ്വാരയില് മദ്യപിച്ച് പ്രവേശിച്ചതിനെതിരേ പഞ്ചാബ് മുഖ്യമന്ത്രി ഭഗവന്ത് മന്നിനെതിരേ പോലീസില് പരാതി നല്കി. പഞ്ചാബ് ഡിജിപിയോട് പരാതിയില് നടപടി സ്വീകരിക്കാന് അഭ്യര്ഥിക്കുന്നു, തജീന്ദര് പാല് സിങ് കുറിച്ചു.
ബൈശാഖി ആഘോഷ വേളയില് ദംദമാ സാഹിബ് ഗുരുദ്വാരയില് ഭഗവന്ത് മന് മദ്യപിച്ച് പ്രവേശിച്ചതായി ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി) വെള്ളിയാഴ്ച ആരോപിച്ചിരുന്നു. അതിന് മന് മാപ്പ് പറയണമെന്നും എസ്.ജി.പി.സി ആവശ്യപ്പെട്ടിരുന്നു.
അതേസമയം നിയമസഭാ തിരഞ്ഞെടുപ്പില് ഉജ്വല വിജയം നേടി അധികാരത്തിലേറിയതിന് പിന്നാലെ നേരത്തെ നല്കിയിരുന്ന വാഗ്ദാനം നടപ്പാക്കാനൊരുങ്ങി ആംആദ്മി സര്ക്കാര്. ഇനി മുതല് സംസ്ഥാനത്തെ ജനങ്ങള്ക്ക് സൗജന്യ വൈദ്യുതി ലഭ്യമാകും.
മുഖ്യമന്ത്രി ഭഗവന്ത് മന് നയിക്കുന്ന സര്ക്കാര് സംസ്ഥാനത്ത് ഒരു മാസം പൂര്ത്തിയാക്കിയതിന് പിന്നാലെയാണ് പ്രഖ്യാപനം. ജൂലായ് ഒന്ന് മുതല് 300 യൂണിറ്റ് വൈദ്യുതിയാണ് സൗജന്യമായി നല്കുക. പഞ്ചാബില് സൗജന്യ വൈദ്യുതി നല്കുന്ന പദ്ധതിയെക്കുറിച്ച് ചര്ച്ച ചെയ്യാനായി ഭഗവന്ത് മന് ചൊവ്വാഴ്ച ഡല്ഹി മുഖ്യമന്ത്രി അരവിന്ദ് കെജ്രിവാളുമായി കൂടിക്കാഴ്ച നടത്തിയിരുന്നു.
എല്ലാ വീട്ടിലും 300 യൂണിറ്റ് വരെ സൗജന്യ വൈദ്യുതി നല്കുമെന്നത് നിയമസഭാ തിരഞ്ഞെടുപ്പില് ആം ആദ്മി പാര്ട്ടി മുന്നോട്ട് വച്ച പ്രധാന വാഗ്ദ്ധാനങ്ങളിലൊന്നായിരുന്നു.
അതേസമയം സംസ്ഥാനത്തെ ഉന്നത ഉദ്യോഗസ്ഥര് ഡല്ഹി മുഖ്യമന്ത്രി അരവിന്ദ് കെജ്രിവാളുമായി കൂടിക്കാഴ്ച നടത്തിയത് തന്റെ നിര്ദേശപ്രകാരമാണെന്ന് പഞ്ചാബ് മുഖ്യമന്ത്രി ഭഗവന്ത് മന് വ്യക്തമാക്കി. പ്രതിപക്ഷത്തിന്റെ റിമോട്ട് കണ്ട്രോള് ആരോപണങ്ങള്ക്ക് മറുപടി പറയവെയാണ് ഭഗവന്ത് മന് ഇക്കാര്യം വ്യക്തമാക്കിയത്.
പരിശീലനത്തിന്റെ ഭാഗമായാണ് ഉദ്യോഗസ്ഥരെ ഡല്ഹി മുഖ്യമന്ത്രിയെ കാണാനായി അയച്ചത്. കൂടുതല് പരിശീലനം ആവശ്യമാണെങ്കില് ഞാന് എന്റെ ഉദ്യോഗസ്ഥരെ തമിഴ്നാട്ടിലേക്കോ ആന്ധ്രയിലേക്കോ ഗുജറാത്തിലേക്കോ വേണമെങ്കില് ഇസ്രായേലിലേക്കോ അയക്കും. ആര്ക്കാണ് അതില് എതിര്പ്പുണ്ടാവുകയെന്നും മന് ചോദിച്ചു
ഡല്ഹി സര്ക്കാര് വിദ്യാഭ്യാസം, ഊര്ജം, ആരോഗ്യം എന്നീ മേഖലകളില് കഴിവ് തെളിയിച്ചവരാണ്. അവിടെയല്ലാതെ എവിടെയാണ് ഉദ്യോഗസ്ഥരെ പരിശീലനത്തിന് അയക്കേണ്ടതെന്നും മന് ചോദിച്ചു. പഞ്ചാബിലെ ഒരു കൂട്ടം ഉന്നത സര്ക്കാര് ഉദ്യോഗസ്ഥര് മുഖ്യന്ത്രി ഭഗവന്ത് മന് ഇല്ലാതെ ഡല്ഹി മുഖ്യമന്ത്രി അരവിന്ദ് കെജ്രിവാളുമായി കൂടിക്കാഴ്ച നടത്തിയത് സംസ്ഥാനത്ത് വലിയ വിവാദങ്ങള്ക്ക് കാരണമായിരുന്നു. ഭഗവന്ത് മന്നിനെ റിമോട്ട് കണ്ട്രോള് ഉപയോഗിച്ച് കെജ്രിവാള് നിയന്ത്രിക്കുകയാണെന്നായിരുന്നു കോണ്ഗ്രസിന്റെ ആരോപണം.
"
https://www.facebook.com/Malayalivartha
