പോപ്പുലര് ഫ്രണ്ട് പ്രവര്ത്തകന് സുബൈറിന്റെ കൊലപാതകവുമായി ബന്ധപ്പെട്ട് പൊലീസ് കസ്റ്റഡിയിലെടുത്ത നാലു പ്രതികളുടെ ചോദ്യം ചെയ്യല് തുടരുന്നു..പാലക്കാട് എ.ആര് ക്യാമ്പിലാണ് ഇവരെ ചോദ്യം ചെയ്യുന്നത്
പോപ്പുലര് ഫ്രണ്ട് പ്രവര്ത്തകന് സുബൈറിന്റെ കൊലപാതകവുമായി ബന്ധപ്പെട്ട് പൊലീസ് കസ്റ്റഡിയിലെടുത്ത നാലു പ്രതികളുടെ ചോദ്യം ചെയ്യല് തുടരുന്നു.
ബി.ജെ.പി-ആര്.എസ്.എസ് പ്രവര്ത്തകരായ ജിനീഷ്, സുദര്ശന്, ശ്രീജിത്ത്, ഷൈജു എന്നിവരെയാണ് കസബ പൊലീസ് കസ്റ്റഡിയിലെടുത്തത്. പാലക്കാട് എ.ആര് ക്യാമ്പിലാണ് ഇവരെ ചോദ്യം ചെയ്യുന്നത്.
സുദര്ശന്, ശ്രീജിത്ത്, ഷൈജു എന്നിവര് എസ്.ഡി.പി.ഐ പ്രവര്ത്തകനായ സക്കീര് ഹുസൈനെ എരട്ടക്കുളത്ത് വെച്ച് വധിക്കാന് ശ്രമിച്ച കേസിലെ പ്രതികളാണ്. റിമാന്ഡിലായിരുന്ന ഇവര് ഒരു മാസം മുമ്പാണ് ജാമ്യത്തിലിറങ്ങിയത്.
കൊലപാതകത്തിന് ഉപയോഗിച്ച അള്ട്ടോ കാര് വാടകക്ക് എടുത്ത രമേശ് ഒളിവിലാണ്. പ്രതികള് വെള്ളിയാഴ്ച രാവിലെ ഒമ്പതിന് പാറ എന്ന സ്ഥലത്തുനിന്നാണ് കൊല നടത്താനായി കാറില് പുറപ്പെട്ടതെന്നാണ് സൂചനകള്. ഉച്ചക്ക് ഒന്നേമുക്കാലിനാണ് കൊല നടന്നത്.
തുടര്ന്ന് വന്ന വഴിക്ക് തന്നെ മടങ്ങിയ പ്രതികളില് നാലുപേരെ വഴിയില് ഇറക്കിയശേഷം രമേശ് കാര് കഞ്ചിക്കോടിനുസമീപം വ്യവസായ കേന്ദ്രത്തില് ഉപേക്ഷിച്ചെന്നാണ് സൂചന. സുബൈറിന്റെ ശരീരത്തില് 50ലധികം വെട്ടുകളുണ്ടെന്ന് പോസ്റ്റ്മോര്ട്ടം റിപ്പോര്ട്ടിലുണ്ട്.
കഴുത്തിനും കൈക്കും കാലിനും ഏറ്റ ആഴത്തിലുള്ള മുറിവുകളില് നിന്ന് രക്തം വാര്ന്നതാണ് മരണകാരണമെന്നാണ് പോസ്റ്റ് മോര്ട്ടം ചെയ്ത ഡോക്ടറുടെ പ്രാഥമിക റിപ്പോര്ട്ട്. മുറിവുകളുടെ എണ്ണം കൂടുതലുള്ളതിനാല് നാലു മണിക്കൂറോളമെടുത്താണ് പോസ്റ്റ്മോര്ട്ടം പൂര്ത്തിയായത്. പോസ്റ്റ്മോര്ട്ടം ചെയ്ത ഉദ്യോഗസ്ഥന് ഇന്ന് പൊലീസിന് വിവരങ്ങള് മൊഴിയായി നല്കും.
"
https://www.facebook.com/Malayalivartha
