മുഖം നോക്കാതെ നടപടി..... പാലക്കാട്ടെ അക്രമ സംഭവങ്ങള്ക്കെതിരെ ശക്തമായ നടപടിക്ക് നിര്ദേശം നല്കിയതായി മന്ത്രി കെ.കൃഷ്ണന് കുട്ടി
അക്രമികള്ക്കെതിരെ പോലീസ് മുഖം നോക്കാതെ നടപടിയെടുക്കും. പാലക്കാട്ടെ അക്രമസംഭവങ്ങള്ക്കെതിരെ ശക്തമായ നടപടിക്ക് നിര്ദേശം നല്കിയതായി മന്ത്രി കെ.കൃഷ്ണന് കുട്ടി. ആവശ്യം വന്നാല് അടിച്ചമര്ത്തല് തന്നെ സ്വീകരിക്കേണ്ടി വരുമെന്നും മന്ത്രി .
എസ്ഡിപിഐയും ആര്എസ്എസും സ്വയം നിയന്ത്രിക്കാന് തയ്യാറാകേണ്ടതാണ്. എസ്ഡിപിഐ പ്രവര്ത്തകനായ എലപ്പുള്ളി കുപ്പിയോട് അബൂബക്കറിന്റെ മകന് സുബൈര് (43), ആര്എസ്എസ് പ്രവര്ത്തകന് പാലക്കാട് മൂത്താന്തറ ആരപ്പത്ത് വീട്ടില് ശ്രീനിവാസന് (46) എന്നിവരാണു കഴിഞ്ഞ ദിവസം കൊല്ലപ്പെട്ടത്.
അതേസമയം സംഘര്ഷസാധ്യത കണക്കിലെടുത്ത് ജില്ലയില് കനത്ത സുരക്ഷാസംവിധാനം ഏര്പ്പെടുത്തിയിട്ടുണ്ട്. ബുധനാഴ്ച വരെ നിരോധനാജ്ഞ ഏര്പ്പെടുത്തി. സംസ്ഥാനമൊട്ടാകെ ജാഗ്രതാ നിര്ദേശം നല്കാനും രാത്രികാല പരിശോധനകള് നടത്താനും ജില്ലാ പോലീസ് മേധാവിമാര്ക്കു നിര്ദേശം നല്കി.
"
https://www.facebook.com/Malayalivartha
