അമേരിക്കയില് നഴ്സായ ഭാര്യയെ വഞ്ചിച്ച് നാട്ടിലെത്തി, ഭർത്താവ് കോടികളുമായി മുങ്ങി കാമുകിക്കൊപ്പം ഒളിവിൽ താമസം, ജോയന്റ് അക്കൗണ്ടില് നിന്നും ഭാര്യ അറിയാതെ കാമുകിയുടെ അക്കൗണ്ടിലേക്ക് ട്രാന്സ്ഫര് ചെയ്തത് ഒന്നേകാല് കോടി രൂപ...!
അമേരിക്കയില് നഴ്സായ തൃശൂര് സ്വദേശിനിയെ കബളിപ്പിച്ച് കോടികളുമായി മുങ്ങിയ ഭര്ത്താവും കാമുകിയും പിടിയില്. ജോയന്റ് അക്കൗണ്ടില് നിന്നും ഭാര്യ അറിയാതെ ഒന്നേകാല് കോടി രൂപ ട്രാന്സ്ഫര് ചെയ്ത കേസിലാണ് ഇരുവരും അറസ്റ്റിലായത്. കോഴിക്കോട് കോടഞ്ചേരി വേളംകോട് കാക്കനാട്ട് ഹൗസില് സിജു കെ.ജോസ് (52), കാമുകി ആലപ്പുഴ കായംകുളം ഗോവിന്ദമുട്ടം ഭാസുര ഭവനം വീട്ടില് പ്രിയങ്ക (30) എന്നിവരാണ് പിടിയിലായത്.
അമേരിക്കയില് നിന്നും ഭാര്യയെ വഞ്ചിച്ച് നാട്ടിലെത്തിയ സിജു പ്രിയങ്കയുമായി ഒളിവില് കഴിയുകയായിരുന്നു. പൊലീസ് ലുക്ക്ഔട്ട് നോട്ടീസ് പുറത്തിറക്കിയതോടെ ഇരുവരും നേപ്പാളില് നിന്നും ഡല്ഹിയില് എത്തി. ഡല്ഹി എയര് പോര്ട്ടില് എമിഗ്രേഷന് വിഭാഗം തടഞ്ഞു വെച്ചതോടെ പൊലീസെത്തി ഇരുവരെയും അറസ്റ്റ് ചെയ്യുകയായിരുന്നു.
സിജുവിന്റേയും ഭാര്യയുടേയും പേരില് ബാങ്ക് ഓഫ് അമേരിക്കയിലും, ക്യാപ്പിറ്റല് വണ്ണിലുമുള്ള തുകയാണ് പ്രിയങ്കയുടെ കായംകുളം എച്ച്. ഡി.എഫ്.സി. ബാങ്കിലുള്ള അക്കൗണ്ടിലേക്ക് ട്രാന്സ്ഫര് ചെയ്തത്. 1,20,45,000 [137938 ഡോളര്] രൂപയാണ് കാമുകിയുടെ അക്കൗണ്ടിലേക്ക് സിജു ട്രാന്സ്ഫര് ചെയ്തത്. ജില്ല പൊലീസ് മേധാവി ജെ. ജയ്ദേവിന്റെ നേതൃത്വത്തില് ഡി.വൈ.എസ്.പി അലക്സ് ബേബി, സി.ഐ മുഹമ്മദ് ഷാഫി, എസ്.ഐ നിയാസ്, പൊലീസുകാരായ ബിനു മോന്, അരുണ്, അതുല്യ മോള് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
https://www.facebook.com/Malayalivartha
