സര്വ്വകക്ഷി യോഗത്തില് ഉറ്റുനോക്കി ജനം... ആര്.എസ്.എസ്. പ്രവര്ത്തകനായ സഞ്ജിത്തില് തുടങ്ങി ശ്രീനിവാസന് വരെ.... കൊല്ലപ്പെട്ടത് മൂന്നുപേര് , സമാധാന ചര്ച്ചയിലൂടെയോ മറ്റോ പരിഹരിക്കപ്പെടുമായിരുന്ന തര്ക്കമാണ് മൂന്ന് പേരുടെ ജീവന് പൊലിയുന്ന രീതിയിലേക്ക് നയിച്ചതെന്ന തിരിച്ചറിവിലാണ് പാലക്കാടുകാര്, ഇരട്ടക്കൊലയുടെ പശ്ചാത്തലത്തില് സര്ക്കാര് ഇന്നു നടത്തുന്ന സര്വ്വകക്ഷി യോഗത്തില് ഉറ്റുനോക്കി ജനം
ആര്.എസ്.എസ്. പ്രവര്ത്തകനായ സഞ്ജിത്തില് തുടങ്ങി ശ്രീനിവാസന് വരെ.... കൊല്ലപ്പെട്ടത് മൂന്നുപേര് , സമാധാന ചര്ച്ചയിലൂടെയോ മറ്റോ പരിഹരിക്കപ്പെടുമായിരുന്ന തര്ക്കമാണ് മൂന്ന് പേരുടെ ജീവന് പൊലിയുന്ന രീതിയിലേക്ക് നയിച്ചതെന്ന തിരിച്ചറിവിലാണ് പാലക്കാടുകാര്,ഇരട്ടക്കൊലയുടെ പശ്ചാത്തലത്തില് സര്ക്കാര് ഇന്നു നടത്തുന്ന സര്വ്വകക്ഷി യോഗത്തില് ഉറ്റുനോക്കി ജനം.
എലപ്പുള്ളി നോമ്പിക്കോട് പോപ്പുലര് ഫ്രണ്ട് നേതാവ് സുബൈര് കൊല്ലപ്പെട്ട കേസില് കൃത്യത്തില് പങ്കെടുത്തവര് ഉള്പ്പെടെ 4 പേരെ പിടികൂടിയതായാണ് സൂചനകള് . എലപ്പുള്ളി, പാറ, കൊഴിഞ്ഞാമ്പാറ സ്വദേശികളാണു കസ്റ്റഡിയിലായത്. പ്രതികളില് 2 പേരെ ദൃക്സാക്ഷികള് തിരിച്ചറിഞ്ഞു. അടുത്ത ദിവസങ്ങളില് ഇവരുടെ അറസ്റ്റ് ഉണ്ടായേക്കുമെന്ന് സൂചന.
സുബൈറിനെ കൊല്ലാന് കാര് വാടകയ്ക്ക് എടുത്തിയ രമേശനും അറസ്റ്റിലായെന്നാണ് സൂചനകള്. അലിയാരുടെ കൈയില് നിന്ന് കാര് വാങ്ങിയത് രമേശനായിരുന്നു. ഈ കാറാണ് കൊലയ്ക്ക ശേഷം പ്രതികള് രക്ഷപ്പെടാന് ഉപയോഗിച്ചത്. ഒരു വര്ഷം മുന്പു കൂട്ടുപാതയില് എസ്ഡിപിഐ പ്രവര്ത്തകനായ സക്കീര് ഹുസൈനെ വെട്ടിയ കേസിലെ പ്രതികളാണു പൊലീസ് കസ്റ്റഡിയിലുള്ള മറ്റു രണ്ടു പേര്. ഇവര് 2 മാസം മുന്പ് ജാമ്യത്തിലിറങ്ങി.
ഇവരാണു വര്ക് ഷോപ്പിലായിരുന്ന കാര് നന്നാക്കി ഉപയോഗിച്ചതെന്നും പൊലീസ് കണ്ടെത്തിയിട്ടുണ്ട്. പാറയിലുള്ള വര്ക്ഷോപ്പ് ഉടമയുടെ മൊഴിയും ലഭിച്ചു. കാര് വാടകയ്ക്കു നല്കിയ ചുട്ടിപ്പാറ സ്വദേശി അലിയാരുടെ മൊഴിയില് പറയുന്ന ബിജെപി പ്രാദേശിക നേതാവും കുടുങ്ങിയിട്ടുണ്ട്. ഇയാള് അറസ്റ്റിലായോ എന്ന് സ്ഥിരീകരിച്ചില്ല. സുബൈറിന്റെ വീട്ടില്നിന്ന് ഒന്നര കിലോമീറ്റര് അകലെയാണ് ഇയാള് താമസിക്കുന്നത്.
എസ്.ഡി.പി.ഐ. പ്രവര്ത്തകന് സുബൈറിനെ കൊലപ്പെടുത്തിയത് 2021 നവംബര് 15-ന് കൊല്ലപ്പെട്ട ആര്.എസ്.എസ്. പ്രവര്ത്തകന് സഞ്ജിത്തിന്റെ കൊലപാതകത്തിന് കണക്ക് തീര്ത്തതാണെന്ന രീതിയിലാണ് പുറത്ത് വരുന്ന റിപ്പോര്ട്ടുകള് പറയുന്നത്. സുബൈര് വധക്കേസിലെ കേസന്വേഷണം ഇപ്പോള് എത്തിനില്ക്കുന്നത് മറ്റൊരു എസ്.ഡി.പി.ഐ. പ്രവര്ത്തകനായ സക്കീര് ഹുസൈനെ വെട്ടിക്കൊലപ്പെടുത്താന് ശ്രമിച്ച കേസിലെ പ്രതികളിലേക്കാണെന്ന് സൂചനകള്. ഈ കേസില് ജയിലിലായിരുന്ന പ്രതികള് കഴിഞ്ഞ മാസം ജാമ്യത്തിലിറങ്ങി.
ആര്.എസ്.എസ്. പ്രവര്ത്തകനായ സഞ്ജിത്ത് സഞ്ചരിച്ച ബൈക്ക് എസ്.ഡി.പി.ഐ. പ്രവര്ത്തകന്റെ ബൈക്കുമായി ഇടിക്കുകയും ഇത് സംബന്ധിച്ച് വാക്കേറ്റവും കയ്യാങ്കളിയും ഉണ്ടാകുകയും ചെയ്തതിനെ തുടര്ന്ന് സഞ്ജിത്ത് നടത്തിയിരുന്ന ചായക്കട ചില പോപ്പുലര് ഫ്രണ്ട് പ്രവര്ത്തകര് കത്തിച്ചിരുന്നു. ഈ വിഷയവുമായി ബന്ധപ്പെട്ട് സക്കീര് ഹുസൈനുമായി തര്ക്കം ഉണ്ടായി. ഇതിന്റെ തുടര്ച്ചയായാണ് രണ്ട് വര്ഷം മുന്പ് ഇരട്ടക്കുളം എന്ന സ്ഥലത്ത് വെച്ച് സക്കീര് ഹുസൈനെ വെട്ടിക്കൊലപ്പെടുത്താന് ശ്രമിച്ചു. ഈ കേസില് സുദര്ശന്, ശ്രീജിത്ത്, ഷൈജു എന്നിവരുള്പ്പെടെ അഞ്ച് പ്രതികള് ജയിലിലായി.
സക്കീര് ഹുസൈനെ കൊലപ്പെടുത്താന് ശ്രമിച്ചതിലെ പകയായിരുന്നു 2021 നവംബര് 15-ന് വാഹനം ഇടിച്ച് വീഴ്ത്തിയ ശേഷം ഭാര്യയുടെ മുന്നില്വെച്ച് സഞ്ജിത്തിനെ കൊലപ്പെടുത്തിയ ക്രൂരസംഭവം അരങ്ങേറിയത്. ജയിലിലുള്ള പ്രതികളെ ഇത് വൈരാഗ്യത്തിലേക്ക് നയിച്ചു. അവര് പുറത്തിറങ്ങി പ്രതികാരം വീട്ടിയതാണ് സുബൈറിന്റെ കൊല. ഇതിന് എസ് ഡി പി ഐയുടെ പ്രതികാരമായിരുന്നു പാലക്കാട്ടെ കൊലപാതകം.
സുബൈറിന്റെ വധത്തിനു പിന്നാലെ 16നു മേലാമുറിയില് വച്ച് അക്രമികള് വെട്ടിക്കൊലപ്പെടുത്തിയ ആര്എസ്എസ് മുന് ജില്ല ശാരീരിക് ശിക്ഷണ് പ്രമുഖ് മൂത്താന്തറ ആരപ്പത്ത് വീട്ടില് എ.ശ്രീനിവാസന്റെ മൃതദേഹം പോസ്റ്റ്മോര്ട്ടത്തിനു ശേഷം വിലാപയാത്രയായി വീട്ടിലെത്തിച്ചു സംസ്കാരം നടത്തി.
മൂന്ന് ഇരുചക്ര വാഹനങ്ങളിലായി എത്തിയ 6 അംഗ സംഘമാണു ശ്രീനിവാസനെ കടയ്ക്കുള്ളിലിട്ടു വെട്ടിക്കൊലപ്പെടുത്തിയത്. പ്രതികള് എത്തിയ വാഹനത്തിന്റെ നമ്പര് തിരിച്ചറിഞ്ഞു. ഈ കേസിലെ പ്രതികളെ പിടികൂടിയിട്ടില്ല. കൊലയാളികളെ തിരിച്ചറിഞ്ഞിട്ടുണ്ട്.
ഒരു വാഹന ഉടമ സ്ത്രീയാണെങ്കിലും ഇവര്ക്കു കൊലപാതകവുമായി ബന്ധമില്ലെന്നാണു കണ്ടെത്തിയിരിക്കുന്നത്. ഇവരുടെ വാഹനം ഒന്നിലേറെത്തവണ കൈമാറ്റം നടത്തിയതായാണ് കണ്ടെത്തല്. ഈ കേസിലെ പ്രതികള് കേരളം വിട്ടുവെ്ന്നും സൂചനകള്. കോയമ്പത്തൂര് വഴി കര്ണ്ണാടകത്തില് എത്താനുള്ള സാധ്യതയും വളരെയേറെയാണ്. പാലക്കാട്ടുകാരാണ് കൊല നടത്തിയതെന്നാണ് സൂചനകള്. രണ്ട് കൊലക്കേസിലേയും ഗൂഢാലോചനയിലേക്കും പൊലീസ് അന്വേഷണം നടത്തും. അതിനിടെ ഇന്നത്തെ സര്വ്വ കക്ഷിയോഗം നിര്ണ്ണായകമാണ്.
അതേസമയം ബി.ജെ.പി സംസ്ഥാന ജനറല് സെക്രട്ടറി സി.കൃഷ്ണകുമാറും ജില്ലാ അദ്ധ്യക്ഷന് കെ.എം.ഹരിദാസും പങ്കെടുക്കും. പോപ്പുലര് ഫ്രണ്ട് നേതാക്കള് പങ്കെടുക്കുമെന്ന് നേരത്തെ അറിയിച്ചിരുന്നു.ആദ്യകൊലപാതകത്തിന് ശേഷം തിരിച്ചടിയുണ്ടാകുമെന്ന് ഇന്റലിജന്റ്സ് വിവരം ലഭിച്ചിട്ടും പൊലീസ് ഉണര്ന്നു പ്രവര്ത്തിച്ചില്ലെന്ന വിമര്ശനം ഉന്നയിക്കുമെന്ന് ബി.ജെ.പി നേതാക്കള് വ്യക്തമാക്കി.
മന്ത്രി കെ.കൃഷ്ണന്കുട്ടിയുടെ അദ്ധ്യക്ഷതയില് ഇന്ന് ഉച്ചയ്ക്ക് 3.30നാണ് കളക്ടറേറ്റ് കോണ്ഫറന്സ് ഹാളില് യോഗം ചേരുക.
"
https://www.facebook.com/Malayalivartha
