കടം വാങ്ങിയിരുന്ന 13 ലക്ഷം രൂപ തിരികെ കൊടുക്കാതിരിക്കാനൊരുക്കിയ കെണി..... ഫോര്ട്ട്കൊച്ചി നമ്പര് 18 ഹോട്ടല് ഉടമ റോയ് ജെ.വയലാറ്റ് ഒന്നാം പ്രതിയായ പോക്സോ കേസിന്റെ ആസൂത്രക മൂന്നാം പ്രതിയും കോഴിക്കോട്ടെ സ്വകാര്യ സംരംഭകയുമായ അഞ്ജലി റിമ ദേവാണെന്ന് അന്വേഷണ സംഘത്തിന്റെ കണ്ടെത്തല്...
കടം വാങ്ങിയിരുന്ന 13 ലക്ഷം രൂപ തിരികെ കൊടുക്കാതിരിക്കാനൊരുക്കിയ കെണി..... ഫോര്ട്ട്കൊച്ചി നമ്പര് 18 ഹോട്ടല് ഉടമ റോയ് ജെ.വയലാറ്റ് ഒന്നാം പ്രതിയായ പോക്സോ കേസിന്റെ ആസൂത്രക മൂന്നാം പ്രതിയും കോഴിക്കോട്ടെ സ്വകാര്യ സംരംഭകയുമായ അഞ്ജലി റിമ ദേവാണെന്ന് അന്വേഷണ സംഘത്തിന്റെ കണ്ടെത്തല്...
പോക്സോ കേസിലെ പരാതിക്കാരിയായ അമ്മയോടും മകളോടും കടം വാങ്ങിയിരുന്ന 13 ലക്ഷം രൂപ തിരികെ കൊടുക്കാതിരിക്കാനായി അഞ്ജലി ഒരുക്കിയ കെണിയില് പ്രായപൂര്ത്തിയാകാത്ത പെണ്കുട്ടി അകപ്പെട്ടു പോകുകയായിരുന്നു.
റോയ് കുട്ടിയെ പീഡിപ്പിക്കുന്ന ദൃശ്യങ്ങള് പകര്ത്തി പെണ്കുട്ടിയുടെ അമ്മയെ ഭീഷണിപ്പെടുത്തുകയായിരുന്നു അഞ്ജലിയുടെ ഗൂഢലക്ഷ്യം. അഞ്ജലിയുടെ ഈ തട്ടിപ്പിനെ കുറിച്ച് അറിയില്ലെന്നാണ് റോയി മൊഴി നല്കിയത്.
മിസ് കേരള മുന് ജേതാക്കളായ മോഡലുകള് വാഹനാപകടത്തില് കൊല്ലപ്പെട്ട കേസില് റോയിയുടെ കൂട്ടുപ്രതിയായ സൈജു എം. തങ്കച്ചനാണ് പോക്സോ കേസിലെ രണ്ടാം പ്രതിയായിട്ടുള്ളത്. റോയിയുടെ വഴിവിട്ട താല്പര്യങ്ങളെ കുറിച്ച് അഞ്ജലി അറിയുന്നത് സൈജു വഴിയാണ് . ഇവര് ഇരുവരും ചേര്ന്ന് ഒരുക്കിയ കെണിയില് പെണ്കുട്ടിയും അമ്മയും അകപ്പെടുകയായിരുന്നു. ഫാഷന് രംഗത്ത് മികച്ച തൊഴില് അവസരം ഒരുക്കാന് കഴിയുന്ന കൊച്ചിയിലെ സംരംഭകന് എന്ന നിലയിലാണ് അഞ്ജലി പെണ്കുട്ടിക്കും അമ്മയ്ക്കും റോയിയെ പരിചയപ്പെടുത്തി കൊടുത്തത്.
പോക്സോ കേസിനു പുറമേ അഞ്ജലിക്കും സൈജുവിനുമെതിരെ മനുഷ്യക്കടത്ത് കേസും് റജിസ്റ്റര് ചെയത് പൊലീസ്. ഫാഷന് രംഗത്തെ മികച്ച തൊഴിലവസരം വാഗ്ദാനം ചെയ്തു ഒട്ടേറെ പെണ്കുട്ടികളെ അഞ്ജലി കൊച്ചിയിലേക്കു കൂട്ടിക്കൊണ്ടു വന്നിട്ടുണ്ടായിരുന്നു. അപമാനം കാരണം പലരും പരാതി നല്കിയിട്ടില്ല.
കേസിലെ മൂന്ന് പ്രതികള്ക്കും കോടതി ജാമ്യം അനുവദിച്ചെങ്കിലും ഈ ആഴ്ച തന്നെ കേസില് കുറ്റപത്രം സമര്പ്പിക്കാനാണ് അന്വേഷണ സംഘത്തിന്റെ തീരുമാനം. കഴിഞ്ഞ ഒക്ടോബറിലാണ് കേസിനു വഴിയൊരുക്കിയ സംഭവം നടന്നത്. അത് കഴിഞ്ഞ് ഒരാഴ്ചയ്ക്കു ശേഷമാണ് മോഡലുകള് കൊല്ലപ്പെട്ട കേസുണ്ടായത്.
https://www.facebook.com/Malayalivartha
