മദ്യത്തിനു പകരം കട്ടന്ചായ..... പറ്റിക്കപ്പെട്ടത് വയോധികന്.... ക്യൂ നില്ക്കാതെ മദ്യം ഉടന് കയ്യില് കിട്ടുമെന്നറിഞ്ഞ് മൂന്ന് കുപ്പിക്കായി കൊടുത്തത് 1200 രൂപ, സംഭവമിങ്ങനെ....
വിദേശ മദ്യ വില്പ്പനശാലയ്ക്കു മുന്നില് മണിക്കൂറുകള് നീണ്ട വരിയില് അച്ചടക്കത്തോടെ നിന്ന് മദ്യകുപ്പികള് വാങ്ങി പോകുന്നവരുടെ കാഴ്ച നാം സ്ഥിരം കാണാറുള്ളതാണ്. പക്ഷെ ഇവിടെ ക്യൂ ഒന്നും നില്ക്കാതെ മദ്യം ഉടന് കയ്യില് കിട്ടുമെന്ന് പറഞ്ഞാല് ആരാണ് വാങ്ങാത്തത്. അതേ പടി കായംകുളത്ത് ഒരു സംഭവമുണ്ടായി.
വിദേശ മദ്യവില്പനശാലയ്ക്കു മുന്നില് വരിനിന്ന വയോധികന്റെ കയ്യില് നിന്ന് പണം വാങ്ങി, മദ്യത്തിനു പകരം കുപ്പിയില് കട്ടന്ചായ നിറച്ചുനല്കി കബളിപ്പിച്ചതായാണ് പരാതി.
കൃഷ്ണപുരം കാപ്പില് ഭാഗത്ത് പൈപ്പ് പണിക്കെത്തിയ ആറ്റിങ്ങല് സ്വദേശിയെയാണ് ഒരാള് കബളിപ്പിച്ച കടന്ന് കളഞ്ഞത് . കഴിഞ്ഞ വ്യാഴാഴ്ച വൈകിട്ട് 7ന് ആണു സംഭവം നടന്നത്.
വരിയില് ഏറ്റവും ഒടുവിലായി നിന്ന വയോധികന്റെ സമീപത്തെത്തി മദ്യം തരപ്പെടുത്തി തരാമെന്ന് പറഞ്ഞ് ഒരാള് മൂന്ന് കുപ്പികള്ക്കായി 1200 രൂപ വാങ്ങി. ഉടന് തന്നെ കുപ്പികള് കൈമാറി അയാള് സ്ഥലത്തു നിന്ന് മുങ്ങി.
ഈ കുപ്പികളുമായി പണിസ്ഥലത്തോടു ചേര്ന്ന താമസസ്ഥലത്തെത്തി കുപ്പി പൊട്ടിച്ചപ്പോഴാണ് മദ്യത്തിനു പകരം കട്ടന്ചായയാണെന്നു താന് കബളിപ്പിക്കപ്പെട്ടുവെന്നും മനസ്സിലായത്.
"
https://www.facebook.com/Malayalivartha
